完整藏文原文 · 德格版页 当前仅加载第 81 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དུ་མཛད། །དེ་ནས་མགོན་པོ་བསམ་ཡས་ལས། །བུད་མེད་གཟུགས་སུ་བྱུང་བར་གྱུར། །དེ་ནི་སངས་རྒྱས་སྤྱན་འདྲ་དང་། །མཱ་མ་ཀཱི་འདྲ་སྦྱོར་བ་དང་། །གོས་དཀར་མོ་འདྲའི་གཟུགས་དང་ནི། །སྒྲོལ་མའི་གཟུགས་སུ་ཡང་དག་གནས། །སྒྲ་ཡི་ངོ་བོའི་གཟུགས་ཅན་དང་། །དྲི་ཡི་
D444.081.0160b01.01ངོ་བོའི་གཟུགས་དང་ནི། །དེ་བཞིན་རོ་ཡི་ངོ་བོའི་གཟུགས། །རེག་གི་ངོ་བོའི་གཟུགས་ཅན་དང་། །ལ་ལ་གཟུགས་ཀྱི་ངོ་བོ་ཡིས། །དེ་བཞིན་གཤེགས་པ་དེ་རྣམས་བཞུགས། །དེ་ནས་ཚུལ་གསུམ་དོན་གཅིག་དང་། །མི་བསྐྱོད་པ་ཡང་བསྟན་ཕྱིར་དང་། །འཇིག་རྟེན་རྒྱང་པ་ན་གདུལ་དོན་
D444.081.0160b02.01དུ། །འཇིག་རྟེན་འདས་པའི་ཚུལ་བྱུང་ངོ་། །གཉིས་མེད་མཉམ་པ་ཉིད་རྣལ་འབྱོར། །རྡོ་རྗེ་བུད་མེད་བྷ་ག་མཆོག །དམ་ཚིག་ཆེན་པོའི་དཀྱིལ་འཁོར་དུ། །དེ་ནི་མི་བསྐྱོད་ཡང་དག་བྲི། །ཟུར་བཞི་པ་ལ་སྒོ་བཞི་པ། སྦྱོར་གཞི་གཅིག་ཏུ་སྦྱོར་བ་ཉིད། །དྲི་མ་མེད་པར་བྱིན་བརླབས་པ། །ཀུན་
D444.081.0160b03.01ནས་ཤིན་ཏུ་གསལ་བའི་གཟུགས། །སངས་རྒྱས་སྤྲིན་གྱིས་ཀུན་དུ་ཁྱབ། །འབར་བ་མང་པོས་རྣམ་པར་འཁྲུག །གསལ་བ་ལ་སོགས་དཀྱིལ་འཁོར་ལྡན། །དེ་བཞིན་གཤེགས་པ་ཀུན་གྱི་གནས། །དེ་ནས་དེ་ནི་བཅོམ་ལྡན་འདས། །དེ་བཞིན་གཤེགས་ཀུན་བདག་པོ་འདི། །དཀྱིལ་
D444.081.0160b04.01འཁོར་ཆེན་པོའི་དབུས་སུ་ཡང་། །རྣམ་པར་བཞག་སྟེ་བཞུགས་པར་གྱུར། །མི་བསྐྱོད་རིན་ཆེན་དཔག་མེད་དང་། །དོན་གྲུབ་རྣམ་སྣང་དེ་བཞིན་གཤེགས། །དེ་རྣམས་བྱང་ཆུབ་སེམས་རྡོ་རྗེའི། །ཐུགས་ལ་རྣམ་པར་བཞུགས་པར་གྱུར། །དེ་རྣམས་ཟིལ་གྱིས་མནན་པའི་ཕྱིར། །དེ་
D444.081.0160b05.01བཞིན་གཤེགས་པ་བྱང་ཆུབ་སེམས། །དངོས་མེད་ངོ་བོར་གཅིག་པར་ནི། །མཁའ་འདྲ་རྡོ་རྗེ་ལས་བྱུང་གཟིགས། །ཤེས་རབ་ཏིང་འཛིན་གཞི་གཅིག་པུ། །དེ་ནི་གྲིབ་མ་ལྟར་ཐུགས་ཆུད། །རྡོ་རྗེའི་རང་བཞིན་སྐུར་མཛད་ནས། །འགྲོ་དོན་མཉམ་དང་མི་མཉམ་མཛད། །ཇི་ལྟར་མཚམས་
D444.081.0160b06.01གནས་ཉི་མ་ཡིས། །འགྲོ་བ་གཉིད་ལོག་སད་པར་བྱེད། །དེ་བཞིན་དེ་བཞིན་གཤེགས་པ་ཀུན། །བྱང་ཆུབ་སེམས་ཀྱིས་སད་པར་བྱེད། །སྐུ་གསུང་ཐུགས་ནི་རྡོ་རྗེ་གཅིག །དེ་རྣམས་སྐྱེ་བར་བཞེད་པ་ཡི། །བྱང་ཆུབ་སེམས་ཀྱི་ངོ་བོ་ཡིས། །རྡོ་རྗེའི་སྔགས་སུ་མཛད་པར་གྱུར། །རིག་
D444.081.0160b07.01