完整藏文原文 · 德格版页 当前仅加载第 81 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲོ་བའི་བདག་ཉིད་ཅན་གྱིས་སྤྲོ། །ཕྲ་མོ་དཀྱིལ་འཁོར་དབུས་གནས་པར། །རྡོ་རྗེ་དཀྱིལ་འཁོར་བསྒོམ་པར་བྱ། །བཟླས་དང་བསྒོམ་པའི་སྦྱོར་བ་ཡང་། །པདྨའི་དཀྱིལ་འཁོར་དག་ཏུ་བསྒོམ། །རིན་ཆེན་ལྟ་བུའི་དཀྱིལ་འཁོར་དུ། །དངོས་ལ་བརྩོན་པས་རིན་ཆེན་
D444.081.0172a01.01བསྒོམ། །དཀྱིལ་འཁོར་སྦྱོར་བ་ལས་བྱུང་བ། །ནམ་མཁའི་དཀྱིལ་དུ་བྲི་བར་བྱ། །འདི་དག་སངས་རྒྱས་རབ་མཆོག་གི། །ཕྲ་མོ་རྡོ་རྗེ་གསུམ་བསྒྲུབ་པའོ། །རྡོ་རྗེ་དཀྱིལ་འཁོར་ལས་བྱུང་བ། །ཐམས་ཅད་མཁྱེན་པའི་ཚུལ་ཐོབ་པའོ། །དགོངས་པ་གསང་བ་ཞེས་པ་ཡི། །ལུང་སྟོན་དམ་
D444.081.0172a02.01པ་འདི་ལ་ནི། །གང་གིས་སེམས་ནི་བཟོད་གྱུར་པ། །དེ་ནི་དེ་བཞིན་བྱེད་པ་ཡིན། །དེ་བཞིན་གཤེགས་པ་ཀུན་གྱི་གསང་། །རྡོ་རྗེ་ཕྲ་མོ་དེ་ཉིད་ལས། །འདི་ནི་རྡོ་རྗེ་བཀོད་པའི་མཆོག །ལེའུ་གསུམ་པ་ཉིད་ཡིན་ནོ།། །།དེ་ནས་བཅོམ་ལྡན་འདས་ཐམས་ཅད། །གཉིས་
D444.081.0172a03.01སུ་མེད་པར་གྱུར་ནས་ནི། །སླར་ཡང་རྡོ་རྗེ་གསུམ་བདག་ལ། །བསྟོད་པས་དེ་རྣམས་གསོལ་བ་འདེབས། །དེ་བཞིན་གཤེགས་པ་ཐམས་ཅད་ཀྱིས། །ཞི་བ་གནས་རྣམས་མཆོག་གྱུར་པ། །ཆོས་ཀུན་གཅིག་ཏུ་བདག་མེད་པ། །དཀྱིལ་འཁོར་མཆོག་འདི་བཤད་དུ་གསོལ། །
D444.081.0172a04.01ཡོངས་སུ་རྫོགས་པར་ཡང་དག་བརྒྱན། །མཚན་རྣམས་ཀུན་གྱིས་མཚན་པའོ། །ཀུན་ཏུ་བཟང་པོ་སྐུ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ཡེ་ཤེས་སྤྱོད་པའི་དོན་ལས་བྱུང་། །ཞི་བའི་ཆོས་ནི་སྦྱོང་བ་བོ། །ཀུན་དུ་བཟང་པོ་གསུང་གི་མཆོག །དངོས་མཆོག་དཀྱིལ་
D444.081.0172a05.01འཁོར་བཤད་དུ་གསོལ། །རང་བཞིན་གྱིས་ནི་དྲི་མེད་དག །སེམས་ནི་ཀུན་དུ་བཟང་པོ་ཉིད། །སེམས་ཅན་ཀུན་གཅིག་ཆེ་བའི་མཆོག །དཀྱིལ་འཁོར་སྙིང་པོ་བཤད་དུ་གསོལ། །དེ་ནས་སྟོན་པ་བཅོམ་ལྡན་འདས། །ཁམས་གཅིག་ཁམས་ནི་གསུམ་པ་པོ། །འཇིག་རྟེན་གསུམ་མཆོག་
D444.081.0172a06.01རྡོ་རྗེ་མཆོག །འཇིག་རྟེན་གསུམ་གྱི་སྟོན་པ་པོ། །ཉམས་དགའ་དེ་བཞིན་གཤེགས་པའི་གནས། །དེ་བཞིན་གཤེགས་པ་ཀུན་དག་ལ། །ཐུགས་དེ་དཀྱིལ་འཁོར་འདྲ་བ་སྟེ། །དཀྱིལ་འཁོར་དམ་པ་བཀའ་སྩལ་ཏོ། །དེ་ནས་སེམས་ཀྱི་དཀྱིལ་འཁོར་མཆོག །རྡོ་རྗེ་ཡེ་ཤེས་
D444.081.0172a07.01