完整藏文原文 · 德格版页 当前仅加载第 81 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དབེན་དང་ཅི་རིགས་པའི། །སྟན་དག་ལ་ནི་སྦྱོར་བ་བཞི། །རིག་པའི་སྐྱེས་བུར་ཡང་དག་སྦྱོར། །བརྟུལ་ཞུགས་ཅན་གྱིས་ཀུན་དུ་བརྩམ། །ཐབས་དང་ཤེས་རབ་ཉི་ཟླ་ཕྱེད། །ཐུན་གཅིག་ཏུ་ནི་རབ་ཏུ་བརྟག །དེ་ཡི་ཕྱེད་ཉིད་ཟླ་ཕྱེད་ཀྱིས། །རྡོ་རྗེ་གསུམ་ནི་ངེས་པར་འགྲུབ། །འཇིག་རྟེན་
D444.081.0190b01.01འདས་པའི་རང་བཞིན་ཉིད། །འཇིག་རྟེན་པའི་ཡང་ཕྱིན་ཅི་ལོག །རྡོ་རྗེ་གསུམ་སྦྱོར་སྩོལ་དངོས་གྲུབ། །གྲུབ་པར་འགྱུར་བར་ཐེ་ཚོམ་མེད། །ནམ་མཁའི་རྡོ་རྗེ་དབུས་གནས་པར། །ཕྲ་མོའི་དཀྱིལ་འཁོར་བསམ་པར་བྱ། །རང་གི་སྔགས་ཀྱི་དམ་ཚིག་དུས། །བསྐྱེད་པ་ཡི་གེ་ཨོྃ་བསྒོམ་བྱ། །སྦྱོར་བ་
D444.081.0190b02.01བཞི་ཡི་གཏན་ཚིགས་གང་། །སྙིང་པོར་ཡོངས་སུ་བརྟགས་པ་ཡིན། །སྣ་རྩེ་དང་ནི་རྩ་བ་ཉིད། །སྤྱི་བོ་མཐའ་ནི་དགའ་ལྡན་གནས། །གཅིག་དང་གསུམ་གྱི་དངོས་པོར་འགྱུར། །དག་པའི་གནས་ཀྱི་གྲོང་ཁྱེར་བ། །ཕྱེད་པོས་གསུམ་གྱི་མིང་ཅན་ནི། །རིགས་ཀྱི་དབྱེ་བ་རྡོ་རྗེ་གསུམ། །
D444.081.0190b03.01སྣ་ཡི་རྩེ་མོ་སྦྱོར་བ་ཡིས། །རྡོ་རྗེ་གསུམ་སྦྱོར་བརྟུལ་ཞུགས་ཅན། །མཱ་མ་ཀཱི་དང་གོས་དཀར་མོ། །སྒྲོལ་མ་གཏོགས་པ་སངས་རྒྱས་སྤྱན། །འོད་ཟེར་ལྔ་ཡི་སྤྲིན་ཆེན་པོ། །རྣམ་པར་སྣང་མཛད་གཉིས་མེད་གནས། །རྡོ་རྗེ་རྣམ་སྣང་དེ་ལས་ནི། །དངོས་གྲུབ་རྒྱ་ཆེན་གསོལ་བར་འགྱུར། །
D444.081.0190b04.01སངས་རྒྱས་སྐུ་ཡི་འོད་འདྲ་བ། །སྐད་ཅིག་དེར་འགྲུབ་རྣལ་འབྱོར་པ། །ཡེ་ཤེས་ལྔ་པོ་བསྟེན་ནས་ནི། །རྡོ་རྗེ་བསྐལ་པ་གསུམ་དུ་གནས། །ཡེ་ཤེས་འདས་དང་མ་འོངས་དང་། །ད་ལྟར་བྱུང་བ་རྡོ་རྗེ་གསུམ། །དེ་འདིར་བསྐལ་པར་བརྟགས་གྱུར་པ། །གྲངས་མེད་ཅེས་བྱ་དེ་ཉིད་དོ། །སྐུ་ཡི་
D444.081.0190b05.01གསང་བ་དེ་ཉིད་འདི། །འཇིག་རྟེན་འདས་པའི་རིམ་པར་གསུངས། །ཞི་བའི་བདེ་ལས་ཤེས་བྱ་བ། །རང་མྱོང་སྦྱོར་བ་གཅིག་ལས་དེ། །སྐུ་ཡི་གསང་བ་མཆོག་འདི་ནི། །དེ་བཞིན་གཤེགས་པ་ཀུན་གྱིས་གསུངས། །རྡོ་རྗེ་འོད་ཟེར་བཀོད་པ་ཡི། །ཏིང་འཛིན་ཡང་དག་བཀའ་སྩལ་ཏོ། །ཨ་དང་
D444.081.0190b06.01ཨུ་ནི་ལྐོག་མའི་དབུས། །རྐན་གྱི་སྟེང་གི་མིང་ཅན་ནོ། །ཨི་དང་ཙ་ནི་ལག་གཡོན་ཉིད། །ཨུ་དང་མུ་ནི་གཡས་པར་བརྟག །རི་ཛུ་འདི་ནི་གསང་བར་དགོད། །ལི་ཏི་རྐང་པ་ཅིག་ཤོས་ལ། །དཀྱིལ་འཁོར་གཅིག་ནི་དེ་ཉིད་དོ། །དཀྱིལ་འཁོར་ལྔ་ལས་རྒྱལ་གྱུར་པ། །ཧ་ནི་ལུས་སྐྱེས་
D444.081.0190b07.01