完整藏文原文 · 德格版页 当前仅加载第 81 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་རིགས་དག་གམ་རིགས་{བཟངས་སམ,བཟང་ངམ}། །གང་ཞིག་མི་སྲུན་རིགས་ཅན་རྣམས། །དོག་པ་མེད་པ་རས་འཇིག་པ། །དེ་དག་ཐམས་ཅད་བརླག་པར་བྱ། །དེ་ནས་རྒྱལ་པོ་སྦྱིན་པ་ནི། །རྒྱུད་ཀྱི་སློབ་དཔོན་བདག་ཉིད་ཆེ། །རིན་ཆེན་རིན་ཐང་མེད་ལྔ་སོགས། །བདེ་བ་ཀུན་གྱི་འབྲས་བུའོ། །
D444.081.0196b01.01འདི་ཡིས་གདོང་ནི་གཡོགས་ནས་སུ། །རྒྱལ་པོ་འབྲས་བུ་ལོངས་སྤྱོད་ཅིག །ཨཱཿཡི་དོག་པ་རས་དེ་བྱིན། །ཇི་ལྟར་སྐྱེ་བཞིན་རྒྱལ་པོ་བྱས། །རིན་ཆེན་རིན་ཐང་མེད་བླངས་རྣམས། །འདི་ནི་ཇི་ལྟར་བཞག་ནས་སུ། །དེ་ནས་དེ་ནི་མི་སྣང་བ། །རྒྱུན་ཅན་གྱིས་ནི་དེ་ཚེ་བྱས། །དེ་ལ་
D444.081.0196b02.01སོགས་པའི་སྣ་ཚོགས་ཚིག །རིགས་སྐྱེས་པ་ལ་དེ་རྣམས་སྨྲ། །རང་ཉིད་འཇིགས་ཤིང་གཞན་རྣམས་ཀྱང་། །སྐྲག་པར་བྱེད་ཅིང་ཐེ་ཚོམ་མེད། །དེ་ནས་དེ་བཞིན་གཤེགས་བདག་པོ། །འབྱིན་པ་སྟོན་པ་མངའ་བདག་གཙོ། །ཕྱག་ན་རྡོ་རྗེ་གོ་བྱེད་པ། །སྙན་པའི་གསུང་གིས་བཀའ་
D444.081.0196b03.01སྩལ་པ། །རྡོ་རྗེ་རྡོ་རྗེ་ཆེན་པོ་ལེགས། །རྡོ་རྗེ་ཐལ་མོས་སྟོན་པར་བྱེད། །རྡོ་རྗེ་འདི་ནི་ཞུས་གྱུར་པ། །དེ་ཉིད་བསྡུས་པ་དམ་པའོ། །རྡོ་རྗེ་ཐལ་མོ་དེ་ཉིད་འདི། །ལུང་བསྟན་བྱ་ཡིས་དེ་ཉོན་ཅིག །དེ་ཉིད་གསུམ་དུ་གྱུར་པ་དེ། །རྡོ་རྗེ་ཐལ་མོར་ཡོངས་སུ་བརྟག །དེ་ཉིད་གསུམ་ནི་ལྷ་
D444.081.0196b04.01གསུམ་སྟེ། །ཚངས་དང་ཁྱབ་འཇུག་དབང་ཕྱུག་ཆེ། །དེ་རུ་ང་ནི་ལྷ་གསུམ་འགྱུར། །ཨོཾ་ཨཱཿཧཱུྃ་དང་གྲངས་མཉམ་པའི། །གསང་སྔགས་འཇུག་པ་ཐམས་ཅད་ནི། །སྣ་ཚོགས་ལུས་ཅན་གཅིག་མིང་ཅན། །ཞི་བ་ཉིད་ནི་གང་དུ་སྟོན། །དེར་ནི་ང་ཡང་གནས་པ་ཡིན། །
D444.081.0196b05.01དཔྲལ་ཡོན་དེ་ལ་བཞིན་མི་སྡུག །དེ་ཡི་སྐྱེས་བུ་མིང་ལྡན་མིང་། །དེ་རྣམས་ལག་པའི་དབུས་ནས་ནི། །ཐིམ་སོགས་ཇི་བཞིན་གྲངས་སུ་བཤད། །ལག་པ་གཡོན་ནི་དྲག་པོར་གྱུར། །གཡས་པ་དེ་བཞིན་ཁྱབ་འཇུག་སྟེ། །གཉིས་པ་སྦྱོར་བར་ཚངས་པ་ཡིན། །དེ་བས་
D444.081.0196b06.01ཡོན་ཏན་གསུམ་བདག་དང་། །རིག་དང་མཆོད་སྦྱིན་སྙན་ཚིག་སྟེ། །རིག་བྱེད་དེར་གྱུར་གསུམ་དུ་བཤད། །སྲིད་སྲུང་ཞི་བ་ང་ཡིན་ཏེ། །མཐར་ནི་འགྲོ་བ་གནས་པ་ཡིན། །ལག་པ་གཉིས་པ་འདི་དག་ནི། །བཞི་པོའི་ཕྱེད་ཕྱེད་རྣམ་བརྒྱད་པ། །ཕྱེད་པོའི་ཚམ་གྱི་ཧཱུྃ་མཆོག་ནི། །
D444.081.0196b07.01