完整藏文原文 · 德格版页 当前仅加载第 81 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་རྒྱ། །སངས་རྒྱས་དཀྱིལ་འཁོར་དག་ཏུ་བསྒོམ། །རྡོ་རྗེ་གསུམ་གཅིག་རྡོ་རྗེ་ཅན། །ཨིནྡྲ་ནཱི་ལའི་མདོག་འདྲ་བ། །རབ་འབར་ཕྱག་ན་རྡོ་རྗེ་བསྣམས། །རྣམ་པར་གཙིགས་པ་འཇིགས་འཇིགས་ལྟའི། །འཛམ་བུ་ཆུ་བོའི་གསེར་འོད་འདྲ། །སངས་རྒྱས་སྤྲིན་གྱིས་རབ་ཏུ་
D444.081.0170b01.01འཁྲིགས། །དེ་ཡི་ཕྱག་ན་རྡོ་རྗེ་ཆེ། །རྩེ་མོ་དགུ་པ་རྣམ་པར་བསྒོམ། །ཤེལ་དང་ཟླ་བའི་འོད་འདྲ་བ། །ཐོར་ཚུགས་ཅོད་པན་དག་གིས་བརྒྱན། །རབ་འབར་ལག་ན་འཁོར་ལོ་བསྣམས། །སྣ་ཚོགས་རྒྱན་གྱིས་རྣམ་པར་བརྒྱན། །མར་ཀ་ཏ་ཡི་འོད་འདྲ་བ། །རྡོ་རྗེ་འབར་བས་རྣམ་
D444.081.0170b02.01པར་བརྒྱན། །འབར་ཞིང་འབར་བའི་ཚོགས་ཀྱིས་ཁྱབ། །རིན་ཆེན་དེ་ལ་རྣམ་པར་བསྒོམ། །འདོད་ཆགས་ཆེན་པོ་རྡོ་རྗེ་ཅན། །པདྨ་རཱ་གའི་མདོག་འདྲ་ཞིང་། །ཐོར་ཚུགས་ཅོད་པན་དག་གིས་བརྒྱན། །ཕྱག་ན་པདྨ་བསྣམས་པར་བསྒོམ། །སྣ་ཚོགས་རྡོ་རྗེ་གདོན་མི་ཟ། །འོད་ཆེན་
D444.081.0170b03.01སྣ་ལྔའི་འོད་འདྲ་བ། །ཞི་བ་སངས་རྒྱས་དཀྱིལ་འཁོར་དུ། །ཕྱག་ན་རལ་གྲི་བསྣམས་པར་བསྒོམ། །དེ་ལྟར་རྣལ་འབྱོར་བཤད་པ་དག །གསང་བའི་བདག་པོས་ཐོས་ནས་ནི། །ཕྲ་མོའི་རྣལ་འབྱོར་ཆ་དག་ཀྱང་། །དེ་བཞིན་གཤེགས་བདག་ལ་ཞུས་པ། །ཕུང་པོ་ཁམས་སོགས་
D444.081.0170b04.01སྦྱོར་བ་ཡིས། །དེ་བཞིན་གཤེགས་པས་བཀའ་སྩལ་ན། །མཁའ་དབུས་སངས་རྒྱས་དཀྱིལ་འཁོར་བུ། །དེ་རྣམས་ཀྱང་ནི་ཇི་ལྟར་འགྱུར། །ཅིག་ཤོས་ཕྱི་རོལ་དུ་བསྒོམ་པ། །དཀྱིལ་འཁོར་སངས་རྒྱས་མིང་ཅན་ནི། །དངོས་པོ་མེད་པའི་དངོས་པོ་ལ། །སྒོམ་པ་པོ་རྣམས་ཇི་ལྟར་བརྟག །
D444.081.0170b05.01མགོན་པོ་ཕྲ་མོའི་རྣལ་འབྱོར་འདི། །དཀྱིལ་འཁོར་གང་ཞིག་བཀའ་སྩོལ་ཞེས། །གང་ཞིག་མ་འོངས་པ་རྣམས་ནི། །འདི་ལྟར་མཆོག་ཏུའང་སོམ་ཉི་འཚལ། །ལག་ན་རྡོ་རྗེ་གྲགས་ལྡན་པ། །ཕྲ་མོའི་རྣལ་འབྱོར་དེ་ཉིད་སྐྱེས། །འགྲོ་བ་གཉིས་མེད་སྦྱོར་བ་ཡིས། །ཕྲ་བ་དགོངས་
D444.081.0170b06.01པས་གསུངས་པ་ཡིན། །རྣམ་ལྔ་མངོན་པར་བྱང་ཆུབ་འདི། །མ་འོངས་སྐྱེ་བོའི་རྒྱུར་གྱུར་པ། །ཆོས་ནི་ཡང་དག་སྡུད་གྱུར་གང་། །ཇི་ལྟ་ཇི་ལྟར་སྟོན་པར་བྱེད། །ཕུང་པོ་ཉིད་ནི་སངས་རྒྱས་གྱུར། །བྱང་ཆུབ་དོན་གྱི་རྐྱེན་ལས་བྱུང་། །དེ་ཡང་དེ་བཞིན་གཤེགས་བཤད་པ། །དེ་ཉིད་གཉིས་
D444.081.0170b07.01