完整藏文原文 · 德格版页 当前仅加载第 81 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
ས་ནི་མངོན་པར་བྱང་ཆུབ་པའོ། །བསམ་གཏན་དེ་ནི་དགའ་སྤྱོད་པ། །ཤ་ཞེས་བྱ་བར་དེ་བཤད་དོ། །ནམ་མཁའ་མཐའ་ཡས་རྣལ་འབྱོར་ནི། །ཤ་ཆེན་དེ་ནི་ཡིན་པར་བཤད། །གསང་བ་པ་ཡི་གོ་འཕང་མཆོག །རྡོ་རྗེ་གསུམ་ནི་མྱུར་དུ་འགྲུབ། །དམ་ཚིག་ཆེན་
D444.081.0177b01.01པོ་གླང་ཆེན་རྟ། །དེ་བཞིན་ཁྱི་ལ་སོགས་པའི་ཤ། །ཕུང་པོ་ལ་སོགས་རིགས་དབྱེ་བས། །གང་གསུངས་མཉམ་པའི་གྲངས་ཀྱིས་སོ། །གང་ཞིག་རྣལ་འབྱོར་གཉིས་མེད་ཟས། །བསམ་གཏན་དགའ་བའི་མིད་གཅིག་བུ། །འཇིག་རྟེན་རྒྱང་པ་ན་འཇིག་རྟེན་པ། །
D444.081.0177b02.01བཟའ་བའི་རང་གི་ངོ་བོར་གྱུར། །དགེ་བའི་བཤེས་གཉེན་རྟག་པ་དང་། །དེ་བཞིན་དྲོད་གཤེར་ལས་སྐྱེས་པ། །འཇིག་རྟེན་འདས་དང་འཇིག་རྟེན་པའི། །འདི་དག་ཟས་སུ་ཀུན་དུ་བཤད། །དེ་ནས་རྡོ་རྗེ་གསུམ་དགོངས་པ། །བཅོམ་ལྡན་འདས་ལས་ཐོས་པ་
D444.081.0177b03.01དང་། །དེ་བཞིན་གཤེགས་པ་ཀུན་བདག་པོ། །ལག་ན་རྡོ་རྗེས་ཚིག་གསོལ་བ། །ཉན་ཐོས་རྣམས་ཀྱི་དམ་ཚིག་ཀྱང་། །ཕྲ་མོའི་རྣལ་འབྱོར་སྟོན་མཛད་ཅིང་། །མགོན་ཁྱོད་འཇིག་རྟེན་པ་དང་ནི། །འཇིག་རྟེན་འདས་པ་དག་ཀྱང་གསུངས། །ཆུ་དང་འོ་མ་གཅིག་
D444.081.0177b04.01འགྱུར་བཞིན། །ཁྱོད་ནི་ཆོས་རྣམས་སྟོན་པར་མཛད། །འཇིག་རྟེན་འགའ་ལས་ཡང་དག་པ། །ངང་པས་འོ་མ་ཇི་བཞིན་ལེན། །ཇི་ལྟར་སྐོམ་པས་གདུངས་པ་ཡི། །སྐྱེས་བུ་ལ་ལ་དེ་བསྲེས་འཐུང་། །དེ་བཞིན་འཇིག་རྟེན་ཤིན་ཏུ་འདས། །ཆོས་ཀྱི་བདུད་རྩི་
D444.081.0177b05.01དེ་རྣམས་འཐུང་། །དགོངས་པས་སྔགས་ཀྱི་དེ་ཉིད་དུ། །གང་ཞིག་གསུམ་དུ་གསུངས་པ་འདི། །ཇི་ལྟ་ཇི་ལྟར་འཇིག་རྟེན་སོགས། །མགོན་པོ་གསལ་བར་བཤད་དུ་གསོལ། །དེ་ནས་དེ་བཞིན་གཤེགས་མཆོག་གིས། །གྲགས་ལྡན་ལག་ན་རྡོ་རྗེ་ལ། །བུ་
D444.081.0177b06.01ཁྱོད་ལེགས་སོ་ཆེར་ལེགས་ཏེ། །བྱེ་བྲག་གསུམ་ཁྱོད་ལ་བཤད་བྱ། །རྐྱེན་དང་ཉན་ཐོས་ཞེས་གྲགས་དང་། །དེ་བཞིན་མདོ་སྡེ་ལ་སྤྱོད་རྣམས། །འདི་དག་འཇིག་རྟེན་བ་རྣམས་ཏེ། །བྱ་བ་སྦྱོར་བའི་བྱ་བར་གནས། །རྣལ་འབྱོར་གྲུབ་ནས་འཇིག་རྟེན་གནས། །འཇིག་
D444.081.0177b07.01