完整藏文原文 · 德格版页 当前仅加载第 81 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་པའི་སྦྱོར་བས་རབ་བསྒྲུབ་པའི། །ཕྱག་རྒྱ་ཇི་ལྟར་གནས་པར་མཛད། །སྔགས་དང་ཕྱག་རྒྱ་སྦྱོར་བ་ནི། །ཕྱག་རྒྱ་གཅིག་པུའི་སྦྱོར་བ་དང་། །གསང་སྔགས་གཅིག་པུས་མི་འགྲུབ་ཅེས། །ཁྱོད་ནི་ཆོས་རྣམས་སྟོན་པར་མཛད། །འདི་ནི་སྔགས་སྦྱོར་གཅིག་པུ་ལས། །
D444.081.0193a01.01ཕྱག་རྒྱ་བསྟན་པར་མ་མཛད་ན། །གསང་སྔགས་གཅིག་སྐྱེས་དངོས་གྲུབ་ནི། །འཇིག་རྟེན་པ་རྣམས་ཇི་ལྟར་བསྒྲུབ། །སྔགས་ལ་དམིགས་པའི་སྦྱོར་གྱུར་དང་། །ལྷ་རྣམས་ཀྱི་ཡང་སྦྱོར་ལས་བྱུང་། །འགྲོ་བའི་དོན་ནི་རབ་བསྒྲུབ་པ། །ཡིད་བཞིན་ནོར་བུ་ལྟ་བུར་འགྱུར། །འཇིག་རྟེན་
D444.081.0193a02.01འདས་པ་ཞེས་བྱ་དང་། །ཡང་ན་ཤིན་ཏུ་འཇིག་རྟེན་འདས། །མགོན་པོ་འཇིག་རྟེན་པ་རྣམས་ཀྱི། །ཇི་ལྟར་འགྲོ་ལ་དེ་ཕན་འགྱུར། །སྤྱན་དྲང་བ་དང་གཤེགས་སུ་གསོལ། །འདིར་ནི་ཇི་ལྟར་ལེགས་པར་བརྗོད། །གང་གིས་འདིར་ནི་དངོས་གྲུབ་འགྲུབ། །ལྷ་རྣམས་མངོན་ཕྱོགས་
D444.081.0193a03.01ཇི་ལྟ་བུ། །འདི་དག་མ་འོངས་སྐྱེ་བོ་ཡིས། །གང་ཞིག་ཤེས་ན་ཡང་དག་པར། །ངེས་པར་རྣམ་རྟོག་མེད་འགྱུར་བ། །མི་ཡི་སྐྱེས་བུ་འདི་དག་གསུངས། །དེ་ནས་མགོན་པོ་བཅོམ་ལྡན་འདས། །དགོངས་པའི་གསང་བ་དམ་པ་སྟེ། །ཕྱག་རྒྱའི་ངེས་པ་འཇིག་རྟེན་པའི། །ཕྱག་ན་རྡོ་རྗེ་
D444.081.0193a04.01ལ་གསུངས་སོ། །རྣམ་རྟོག་སྣ་ཚོགས་ལྕགས་ཞེས་བྱ། །ཉེས་པ་གསུམ་ཚོགས་བདག་ཉིད་ལས། །གསང་སྔགས་སྐྱེས་བུའི་སྦྱོར་བ་ཡིས། །དེ་ནི་མི་མཆོག་ངག་ཏུ་འགྱུར། །གསེར་འགྱུར་རྩི་ཡི་རྣམ་པ་ཡིས། །ལྕགས་ནི་གསེར་དུ་བྱེད་པ་ཡིན། །དེ་བཞིན་སྔགས་ཀྱི་དེ་ཉིད་ཀྱིས། །
D444.081.0193a05.01མི་ནི་བདེར་གཤེགས་བྱེད་པ་ཡིན། །ངེས་བྱས་སྦྱོར་བའི་གསང་སྔགས་ནི། །ཞི་བདེ་དངོས་གྲུབ་སྟེར་བར་འགྱུར། །ཕྱག་རྒྱ་མེད་པའི་སྔགས་གཅིག་པུས། །སྔགས་ཀྱི་སྐྱེས་བུར་འགྱུར་བ་ཡིན། །དངོས་མེད་པ་ལས་ཡང་དག་སྐྱེས། །སྔགས་ཀྱི་སྐྱེས་བུ་འབྱུང་བ་སྟེ། །འདི་ནི་ཕྱག་རྒྱ་ཆེན་པོ་
D444.081.0193a06.01སྟེ། །འགྲོ་བའི་དོན་ནི་རབ་སྒྲུབ་པའོ། །སྤྱན་དྲང་བར་ནི་བཞུགས་པ་ཡིས། །མྱུར་བ་ཡིས་ནི་གཤེགས་སུ་གསོལ། །གནས་པ་ཡིས་ནི་དེ་བསྒྲུབ་པའོ། །ཡིད་རྟོན་དངོས་གྲུབ་དམ་པ་ཡིན། །དེ་ནི་སྐྱེས་བུའི་སྦྱོར་བ་ཡིས། །ཕྱག་རྒྱ་ཆེ་དང་གཅིག་བསྒྲུབ་ལས། །མྱུར་བ་ལ་སོགས་
D444.081.0193a07.01