完整藏文原文 · 德格版页 当前仅加载第 81 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་པ་དང་ཡོངས་ཆད་པའི། །རང་གི་ལུས་ལ་གང་བཤད་དེ། །ཡེ་ཤེས་དེ་རྣམས་དྲི་མེད་འདོད། །ཁྲོན་པའི་རུས་སྦལ་ཞེས་བྱའོ། །ནམ་མཁའ་དང་ནི་མཉམ་ཡེ་ཤེས། །རྡོ་རྗེ་ཐེག་པ་བླ་མེད་པ། །མཆོག་སྦྱིན་ང་ནི་ཁྱེད་བཞིན་དུ། །རྒྱ་ཆེན་དེ་ཡིས་མི་
D444.081.0204b01.01མཐོང་ངོ་། །རྡོ་རྗེ་ཐེག་པ་རྒྱ་མཚོ་སྟེ། །དེ་ཡིས་ཡང་དག་མ་མཐོང་བས། །རང་གི་ལུང་ནི་ཚད་མ་ཡིས། །གཞན་ཡོད་པ་ནི་མིན་ཞེས་སྨྲ། །ཐེག་པ་ཆེན་ལ་གསང་བ་རྣམས། །སྲང་ལ་བཅལ་ཏེ་དེ་སྨྲ་བ། །དེ་རྣམས་སྔོན་བཞིན་གསལ་མིན་ཞེས། །
D444.081.0204b02.01ང་ཡི་ཚིག་ལས་བལྟས་ཏེ་སྨྲ། །དེ་ཉིད་རྗེས་སུ་བཟུང་བའི་ཕྱིར། །རྫོགས་སངས་རྒྱས་པ་བསྒོམ་པ་རྣམས། །གང་གིས་ཤེས་ན་རྟོག་མེད་འགྱུར། །གསང་བ་དགོངས་པས་གསུངས་པ་ཡིན། །སྔགས་ཀྱི་དེ་ཉིད་དོན་བྱང་ཆུབ། །སྣ་ཚོགས་དངོས་གྲུབ་
D444.081.0204b03.01འབྲས་བུ་སྟེ། །དགོངས་ན་ཇི་ལྟ་ཇི་ལྟ་བར། །དེ་ནི་ང་ཡིས་ཡང་དག་བཤད། །དམ་ཚིག་རྡོ་རྗེ་ལྕེ་ལ་ནི། །རྡོ་རྗེ་ཅན་གྱིས་ཧཱུྃ་བསམས་ཏེ། །རྣལ་འབྱོར་པས་ནི་བདུད་རྩི་ལྔ། །ཟོས་ན་རྡོ་རྗེ་གསུམ་ཐོབ་འགྱུར། །ཨཱཿདང་ཨོྃ་གྱི་གསང་བ་དག །འདི་
D444.081.0204b04.01ནི་རྡོ་རྗེ་གསུམ་མཆོག་སྟེ། །འདི་ལྟ་བུ་ཡི་སྦྱོར་བ་ཡིས། །རྡོ་རྗེ་སེམས་དཔའི་འོད་ཆེན་འགྱུར། །འདི་ནི་རྡོ་རྗེའི་བདུད་རྩི་ཡི། །ཕྲེང་འགྱུར་དམ་ཚིག་རྡོ་རྗེར་བཤད། །རྡོ་རྗེ་སེམས་དཔའ་ཡང་དག་འབྱུང་། །ཏིང་ངེ་འཛིན་ནི་བཤད་པ་ཡིན། །རྡོ་རྗེ་གསུམ་
D444.081.0204b05.01གྱི་དམ་ཚིག་མཆོག །སྐུ་གསུང་རྡོ་རྗེ་ཅན་དུ་འགྱུར། །དེ་ཉིད་སེམས་ཅན་ཐམས་ཅད་ཀྱི། །ཡིད་བཞིན་ནོར་བུའི་རྒྱ་མཚོ་ཆེ། །འཇིག་རྟེན་ཁམས་ནི་ཐམས་ཅད་དུ། །སངས་རྒྱས་སྐུ་དང་འདྲ་བར་འགྱུར། །རྡོ་རྗེ་དམ་ཚིག་དངོས་གྲུབ་མཆོག །
D444.081.0204b06.01རྡོ་རྗེ་བདག་ཉིད་དེ་སྣང་བྱེད། །གངྒཱའི་ཀླུང་གི་བྱེ་མ་སྙེད། །སངས་རྒྱས་ཞིང་ནི་ཐམས་ཅད་དུ། །གྲུབ་ནས་འདི་ནི་དེར་སྦྱོར་བའི། །རིག་པ་འཛིན་པར་དེ་འགྱུར་རོ། །སྐུ་ཡི་རྡོ་རྗེ་བསྒོམ་བདག་ཉིད། །གྲུབ་མཆོག་དམ་ཚིག་ལ་གནས་པ། །མི་སྣང་གྱུར་
D444.081.0204b07.01