完整藏文原文 · 德格版页 当前仅加载第 81 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་ཀྱི་ངོ་བོ་འདི། །ཕུང་སོགས་གཉིས་མེད་མཁའ་དང་མཉམ། །ཤེས་རབ་ཐབས་དང་སྦྱོར་བ་ཡིས། །བྱང་ཆུབ་སེམས་ནི་འགྲོ་བར་འགྱུར། །ཀློག་དང་བསམ་གཏན་རྣམ་སྤངས་པར། །བདག་པོར་རང་ཉིད་ཟློས་པ་དེ། །ཉིན་དང་མཚན་མོའི་དབྱེ་བ་
D444.081.0169a01.01ཡིས། །ཉི་ཟླ་རབ་ཏུ་སྦྱོར་བ་ཡིས། །དངོས་པོ་མེད་པར་འགྲོ་ཁྱབ་པ། །བྱང་ཆུབ་སེམས་ཀྱི་རླུང་གཅིག་པུ། །དགེ་དང་མི་དགེ་འབྲས་སྤངས་ནས། །ནམ་མཁའ་འདྲ་བར་འགྱུར་བ་ཡིན། །འགྲོ་བའི་དོན་ནི་ཤེས་པས་ཀྱང་། །མིང་ནི་དེ་བཞིན་ཉིད་ཅེས་བྱ། །དབྱངས་ཀྱི་ཐུང་ངུ་ཉིན་མོར་
D444.081.0169a02.01བཤད། །རིང་པོ་མཚན་མོ་ཡིན་པར་བཤད། །དབྱངས་དང་གསལ་བྱེད་དབྱེ་བ་ལས། །དེ་ཉིད་མིང་ལས་སྦྱར་བར་བྱ། །ཨེ་མའོ་འགྲོ་བའི་བྱ་བ་བྱུང་། །དེ་ཉིད་གཞན་ལས་དེ་ཉིད་གསལ། །དེ་ལས་འཇིག་རྟེན་པ་ཡི་བརྡ། །མྱུར་དུ་མངོན་པར་ཤེས་པར་འགྱུར། །དེ་ནས་གསང་བའི་བདག་པོས་
D444.081.0169a03.01ནི། །བྱང་ཆུབ་སེམས་འདི་ཐོས་པ་དང་། །གཙོ་བོ་རྣམ་སྣང་ཆེན་པོ་ལས། །ཁྱབ་བདག་ལ་ནི་སླར་གསོལ་པ། །སེམས་ཅན་ཐམས་ཅད་སྐྱེད་པ་པོ། །སྣ་ཚོགས་གཟུགས་ཅན་སེམས་འདི་ནི། །དེ་བས་དངོས་པོ་མེད་གྱུར་ཀྱང་། །སྲིད་པ་དག་ཏུ་རབ་ཏུ་གྲགས། །བྱང་ཆུབ་སེམས་ནི་མཁའ་མཉམ་
D444.081.0169a04.01པ། །ལེགས་པར་རྗེས་སུ་མྱོང་མཛད་པ། །འགྲོ་བའི་དོན་ནི་མཛད་པ་པོ། །སྐྱེ་བོ་མཆོག་ལ་དེ་བསྟན་གསོལ། །སྒྲུབ་པ་ཡི་ནི་ཐབས་ཙམ་ཞིག །ཤེས་ནས་རྒྱུད་ལ་རྒྱབ་ཀྱིས་ཕྱོགས། །འདི་ལྟར་བདག་ནི་སློབ་དཔོན་ཞེས། །མ་འོངས་པ་ན་སྨྲ་བར་འགྱུར། །བདག་གི་ཚིག་ནི་འདི་
D444.081.0169a05.01ཉིད་དག །ཡིན་ཞེས་སྨྲ་ཞིང་བྱས་པ་འཇིག །དེས་ནི་དགོངས་པའི་བྱང་ཆུབ་སེམས། །ཇི་བཞིན་དོན་དུ་མི་ཤེས་སོ། །དེ་བཞིན་འཇིག་རྟེན་པ་རྣམས་ནི། །སྐལ་མེད་ཆོས་ཀུན་རྣམ་སྤངས་ལ། །རིག་པ་ཡང་ནི་མི་མཐོང་བས། །དེ་རྣམས་ལ་ཡང་གནས་མེད་འགྱུར། །དེ་བས་བྱང་ཆུབ་
D444.081.0169a06.01སེམས་བདུད་རྩི། །དེ་ནི་སྨྲ་བར་རིགས་པ་ཡིན། །འབྲེལ་པའི་ཉི་མ་ཐོབ་པ་ནི། །མ་འོངས་པ་ན་འབྱུང་བར་འགྱུར། །དེ་ནས་བཅོམ་ལྡན་སྣ་ཚོགས་པས། །གྲགས་ལྡན་རྡོ་རྗེ་འཛིན་པ་ལ། །བྱང་ཆུབ་སེམས་ཀྱི་ངེས་པའི་དོན། །སླར་ཡང་དེ་ཉིད་ལ་གསུངས་པ། །ནང་ན་མ་ཡིན་ཕྱི་རོལ་
D444.081.0169a07.01