完整藏文原文 · 德格版页 当前仅加载第 81 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ནང་དུ་གསུང་། །འདོད་ཆགས་བྲལ་དང་ཆགས་བཅས་དང་། །གཏི་མུག་བྲལ་བ་རྨོངས་བཅས་དང་། །ཞེ་སྡང་བྲལ་བ་སྡང་བཅས་པའི། །རིགས་ཀྱི་དངོས་གྲུབ་སྟོན་མཛད་ཅིང་། །གང་གཞན་སྡིག་པའི་ཉེས་པ་དང་། །འཚེ་བ་ལ་སོགས་ཡོངས་སྤངས་པ། །འདིར་ནི་དེ་
D444.081.0174b01.01བྱེད་སེམས་ཅན་རྣམས། །སྣོད་ཡིན་ཞེས་ནི་ཐུབ་གསུང་ངམ། །དེ་ནས་མགོན་པོ་ཐུགས་རྗེ་ཅན། །སེམས་ཅན་ཀུན་ལ་ཕན་དགྱེས་པས། །དེ་བཞིན་གཤེགས་པ་ཐམས་ཅད་དང་། །བྱང་ཆུབ་སེམས་དཔའ་ལ་གསུངས་པ། །འདི་ནི་ས་ཁམས་དང་མཉམ་པ། །སེམས་ཅན་
D444.081.0174b02.01ཀུན་འཛིན་གཅིག་པུ་པ། །ཆུ་ཁམས་རྟོག་དང་བྲལ་བ་པོ། །སྣ་ཚོགས་གསལ་བར་འགྱུར་བ་ཡིན། །བདག་པོ་མེ་ཡི་གཟུགས་ཅན་ཏེ། །ཐམས་ཅད་ཟ་བར་ཉེ་བར་སྦྱོར། །དེ་བཞིན་ཕྱི་ནང་བདག་ཉིད་མཆོག །འགྲོ་ལ་གོས་པའི་དྲི་གཅིག་པུ། །བཅོམ་ལྡན་སྣ་ཚོགས་ནམ་
D444.081.0174b03.01མཁའ་མཚུངས། །ཐམས་ཅད་སྣང་ཞིང་ཟབ་པ་པོ། །དེ་ཉིད་བདག་ཉིད་བདག་ཡིན་པར། །བསྒོམས་ན་རྐང་གཉིས་མཆོག་ཏུ་འགྱུར། །སྙིང་པོ་ཞེས་བྱ་སངས་རྒྱས་ཀྱི། །ཆོས་ཉིད་དག་པ་འདི་ཡིན་ཞིང་། །སྔགས་ཀྱི་སྤྱོད་དོན་སྤྱོད་རྣམས་ཀྱི། །བྱང་ཆུབ་སྤྱོད་པའི་མཆོག་འདི་ཡིན། །
D444.081.0174b04.01དེ་ནས་བརྗོད་མི་ལང་ཞེས་པ། །བརྗོད་མི་ལང་བ་ཉིད་གྱུར་པ། །སངས་རྒྱས་ཞིང་རྡུལ་གྲངས་མཉམ་དེ། །སྒྲིབ་པ་ཐམས་ཅད་སེལ་ལ་སོགས། །བྱང་ཆུབ་སེམས་དཔའ་སེམས་དཔའ་ཆེ། །ཀུན་ནས་འཇིགས་ཤིང་སྐྲག་གྱུར་ནས། །འཁོར་གྱི་དཀྱིལ་འཁོར་དེ་ཐམས་ཅད། །གཅིག་
D444.081.0174b05.01ཏུ་བརྒྱལ་བ་ཉིད་གྱུར་ཏོ། །དེ་ནས་གསང་དབང་རྡོ་རྗེ་གསུང་། །གཉིས་མེད་དེ་བཞིན་གཤེགས་ཀུན་གྱིས། །བྱང་ཆུབ་སེམས་དཔའ་བརྒྱལ་བ་རུ། །གཟིགས་ནས་གཙོ་ལ་འདི་སྐད་གསོལ། །མགོན་པོ་སྒྲིབ་ཀུན་སེལ་ལ་སོགས། །བྱང་ཆུབ་སེམས་དཔའ་སེམས་དཔའ་
D444.081.0174b06.01ཆེ། །རང་བཞིན་ཆོས་ཉིད་ཇི་ལྟ་བར། །འདི་རྣམས་བསླང་བར་མཛད་དུ་གསོལ། །མི་གཡོ་བ་ནི་གསང་བ་སྟེ། །ཞི་བ་གཅིག་པུ་བདེ་བའི་མཆོག །རྫོགས་པའི་བྱང་ཆུབ་ཐོབ་བྱེད་པ། །འདི་ནི་དགོངས་པས་གསུངས་པ་ཡིན། །དངོས་པོ་མེད་ཅིང་འཁྲུག་པ་མེད། །
D444.081.0174b07.01