完整藏文原文 · 德格版页 当前仅加载第 81 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་པ་ཡི། །བུད་མེད་གཟུགས་བཟང་རྙེད་པ་དང་། །གསང་སྔགས་ཡི་གེའི་གནས་འབྱུང་བས། །རྣལ་འབྱོར་མ་དེ་བྱིན་བརླབས་ལ། །བྱས་ནས་གཉིས་མེད་སྦྱོར་གཅིག་པུ། །རང་གི་ལུས་ཀྱི་ནང་དུ་གཞུག །སྤྱན་སོགས་ཇི་ལྟ་ཇི་ལྟ་བར། །བྱིན་གྱིས་བརླབས་
D444.081.0183a01.01པའི་གནས་བཀོད་དེ། །མིག་བཟང་དག་བའི་བྱ་བ་ཡི། །རང་བྱུང་ཁུ་བ་བླངས་ནས་མཆོད། །གང་ཞིག་དེ་ལྟར་རྟོགས་པ་དེ། །བླངས་པས་རྡོ་རྗེ་འཆང་བར་འགྱུར། །ས་ལ་སོགས་པའི་དཀྱིལ་འཁོར་གང་། །སྤྱན་ལ་སོགས་པར་རབ་བརྟགས་པ། །དེ་ནི་འཇུག་སོགས་སྦྱོར་བ་ཡང་། །དེ་ནི་
D444.081.0183a02.01ཁུ་བ་ཟ་བར་འགྱུར། །འདི་ནི་སྔགས་རྣམས་ཐམས་ཅད་ཀྱི། །སྐུ་གསུང་ཐུགས་ཀྱི་མཆོད་པ་སྟེ། །རྡོ་རྗེ་ཡེ་ཤེས་ཅན་གསང་གི། །གསང་སྔགས་དངོས་གྲུབ་བྱེད་པའི་མཆོག །རིན་ཆེན་ཀུན་གྱི་འབྱུང་གནས་མཆོག །དགོངས་པ་ལུང་བསྟན་ལ་གནས་ནས། །གང་ཞིག་སེམས་ནི་བཟོད་
D444.081.0183a03.01གྱུར་པ། །དེ་ནི་ཇི་བཞིན་ཉིད་དུའང་བྱེད། །དེ་བཞིན་གཤེགས་པ་ཐམས་ཅད་ཀྱི། །རྡོ་རྗེ་གསུང་གི་གསང་བ་ལས། །བཤང་གཅིའི་དམ་ཚིག་ཅེས་བྱ་བའི། །ལེའུ་བརྒྱད་པ་ཡིན་པར་བཤད།། །།དེ་ནས་དེ་བཞིན་གཤེགས་མཆོག་གཙོ། །ཐམས་ཅད་ནམ་མཁའ་
D444.081.0183a04.01མི་འགྱུར་ཆེ། །སངས་རྒྱས་དབང་བསྐུར་སྤྱོད་པའི་མཆོག །གཟུགས་དོན་དབང་ཕྱུག་དམ་པ་ཡིན། །རྡོ་རྗེ་གསུམ་ཉིད་ལོངས་སྤྱོད་པ། །རྡོ་རྗེ་མི་ཕྱེད་གསུམ་དཀྱིལ་འཁོར། །སངས་རྒྱས་ཡེ་ཤེས་སྦྱོར་གཅིག་པའོ། །གསང་བ་ཉམས་ནི་དགའ་བར་བཤད། །ནམ་མཁའི་དབྱིངས་
D444.081.0183a05.01ཀྱི་དབུས་གནས་པར། །སངས་རྒྱས་དཀྱིལ་འཁོར་བསྒྲུབ་པར་བྱ། །རྡོ་རྗེ་རྩེ་གཅིག་རྡོ་རྗེ་ཡང་། །བསྒོམ་པའི་བདག་ཉིད་ཅན་གྱིས་བསྒོམ། །འོད་འཕྲོ་མང་པོ་འབར་བ་དང་། །འོད་ཟེར་སྣ་ལྔས་རབ་ཏུ་གང་། །དུས་གསུམ་སངས་རྒྱས་ཡང་དག་བྱུང་། །བསྒོམས་ལ་རྡོ་རྗེས་ཕྱེ་མར་བརླག །
D444.081.0183a06.01རྡོ་རྗེ་གསུམ་གཅིག་ལོངས་སྤྱོད་ནི། །རྡོ་རྗེས་ཕྱེར་བརླགས་མེད་གྱུར་པའི། །ཐུགས་ཀྱི་དངོས་གྲུབ་བྱེད་བསམ་གཏན། །བསྒོམས་ན་མྱུར་དུ་ཐོབ་པར་འགྱུར། །རྡོ་རྗེ་མཆོག་ཅེས་བྱ་བ་ཡི། །རྡོ་རྗེ་གསང་བ་འདི་ལྟ་བུ། །རྡོ་རྗེས་རྡོ་རྗེ་འཛིན་པ་ནི། །སེམས་ཅན་ཐམས་ཅད་བསད་ན་ནི། །
D444.081.0183a07.01