完整藏文原文 · 德格版页 当前仅加载第 81 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་མྱུར་བར་མི་བསྐྱོད་པའི། །རྒྱལ་བའི་སྲས་སུ་སྐྱེ་བར་འགྱུར། །ཞེ་སྡང་རིགས་ཆེན་དེ་ཉིད་ཀྱིས། །ཞིང་དེ་འགེངས་པར་བྱེད་པར་འགྱུར། །དེ་ནས་དགོངས་པ་ཆོས་གཅིག་པུ། །གཙོ་བོ་ཀུན་མཁྱེན་ཐམས་ཅད་རིག །དམ་ཚིག་དེ་ཉིད་གསུངས་པ་ཡི། །མགོན་ལ་ཕྱག་ན་རྡོ་རྗེས་གསོལ། །
D444.081.0183b01.01འདི་ལྟར་དངོས་མེད་མཆོག་གྱུར་པ། །ཁྱོད་ནི་ཆོས་རྣམས་སྟོན་མཛད་པ། །འཇིག་རྟེན་པ་དང་འགལ་ཚིག་གིས། །མགོན་ཁྱོད་ཅི་ཕྱིར་སྟོན་པར་མཛད། །གང་ཞིག་དེ་བཞིན་ཉིད་དངོས་གཅིག །དུས་གསུམ་འབྱུང་བའི་སངས་རྒྱས་རྣམས། །ཆོས་སྐུ་གཅིག་པུ་ལས་འཁྲུངས་པ། །ཇི་ལྟར་རྡོ་
D444.081.0183b02.01རྗེས་ཕྱེ་མར་བརླག །དེ་ནི་ཕྱེར་བརླགས་གྱུར་པ་ལས། །ཇི་ལྟར་ཡང་དག་སེམས་འགྲུབ་འགྱུར། །ཆོས་སྐུ་གཅིག་པུ་ལས་བྱུང་ལས། །ལྷག་པ་ཞེས་བྱ་གྱུར་ནས་སུ། །དུས་གསུམ་འབྱུང་བའི་སངས་རྒྱས་རྣམས། །ཕྱེ་མར་བརླག་པར་ཇི་ལྟར་ནུས། །ཕྱེར་བརླག་བྱེད་པས་དངོས་མེད་པས། །
D444.081.0183b03.01ཕྱེ་མ་ཉིད་ཀྱང་ཁྱད་པར་དུ། །སངས་རྒྱས་སྔགས་དོན་རྣལ་འབྱོར་པ། །ནུས་པ་བསམ་མི་ཁྱབ་ལྡན་ལ། །དེ་འདྲ་བར་ནི་ཕྱེར་བརླག་པར། །སྔགས་པ་གཞན་གྱིས་མི་ནུས་སོ། །སེམས་ཅན་གྱིས་ནི་སེམས་ཅན་བཞིན། །སངས་རྒྱས་སངས་རྒྱས་ཕྱེར་བརླགས་པས། །འདི་གཉིས་ཁྱད་པར་མེད་དོ་
D444.081.0183b04.01ཞེས། །མ་འོངས་སྐྱེ་བོ་སྨྲ་བར་འགྱུར། །སངས་རྒྱས་གཅིག་པུ་མཐར་ཐུག་པ། །མིན་ཞེས་མི་རྣམས་ངེས་སྨྲ་ཞིང་། །གང་ཞིག་སངས་རྒྱས་ཀྱིས་གསུངས་བཞིན། །རབ་ཏུ་སྤང་བར་བྱེད་པར་འགྱུར། །ཐེག་བཟང་བསྒྲུབས་ན་འཚང་རྒྱ་བ། །དགོངས་པའི་བུམ་པ་བཟང་པོ་མཆོག །དེ་ནི་བཅོམ་
D444.081.0183b05.01ལྡན་མྱུར་སྦྱོར་བས། །མི་བསྐྱོད་ཞིང་དུ་སྐྱེ་འགྱུར་རམ། །སེམས་ཅན་འཁོར་བར་འཁོར་གྱུར་པ། །དེ་ཚེ་ཞེ་སྡང་ཆེ་སྐྱེ་འམ། །སྙིང་རྗེས་གསད་པར་བྱའོ་ཞེས། །སྔགས་པ་རྣམས་ནི་དེ་མི་སྤོང་། །འདས་ཚེ་སྟོན་པར་གྱུར་པ་དང་། །ད་ལྟར་རྗེས་སུ་སྟོན་མཛད་དང་། །མཉེས་བྱ་མ་འོངས་
D444.081.0183b06.01སངས་རྒྱས་རྣམས། །སངས་རྒྱས་བྱང་ཆུབ་སྩོལ་བའོ། །མི་བསྐྱོད་གཟུགས་ཅན་རྡོ་རྗེ་ཡིས། །དེ་རྣམས་ཇི་ལྟར་གཞོམ་པར་བགྱི། །དེ་ཉིད་སྣ་ཚོགས་དོན་ལྡན་ཚིག །དེ་རྣམས་ཀྱིས་ནི་ཇི་ལྟར་རྟོགས། །གང་ཞིག་ཤེས་པས་རྒྱལ་སྲས་རྣམས། །དགོངས་པའི་དོན་ལ་རྟོག་མེད་
D444.081.0183b07.01