完整藏文原文 · 德格版页 当前仅加载第 81 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ཡིན་པར་བཤད། །དེ་ལྟར་མཁའ་དང་མཚུངས་གྱུར་དང་། །ཤེས་ནས་འགྲོ་ལ་ཕན་པར་འགྱུར། །རྡོ་རྗེ་གསུམ་དང་ལྷན་ཅིག་འབྱུང་། །དེ་ཚེ་ཟླ་ཟེར་ཕྲེང་བ་ཡི། །སྐད་ཅིག་ལ་སོགས་དུས་དབྱེ་བས། །ལོ་གྲངས་བཅུ་དྲུག་པ་ཡི་མིང་། །མ་སྐྱེས་པར་འབྱུང་
D444.081.0173a01.01ཞི་བ་ནི། །བུད་མེད་ཅེས་ནི་ངེས་པར་བཤད། །ཞི་བའི་ཆོས་དང་རྗེས་དྲན་པ། །མདངས་{བཟངས་,བཟང་}འོད་ནི་ཡིན་པར་གསུངས། །རྟེན་འབྲེལ་བག་ཆགས་དྲི་ཡིན་ཏེ། །ཡེ་ཤེས་ཁ་བྱེ་མེ་ཏོག་གོ། །དངོས་པོ་མེད་པ་རིགས་ཡིན་ཏེ། །ཀུན་མཁྱེན་ཡེ་ཤེས་དབུས་ཉིད་དོ། །ཆོས་
D444.081.0173a02.01དབྱིངས་ཉིད་ཀྱི་བུད་མེད་ནི། །ཤེས་རབ་འདི་འདྲས་མཉེས་པར་བྱ། །ནང་ན་མ་ཡིན་ཕྱི་མ་ཡིན། །གཉི་གར་མ་ཡིན་གཞན་ནས་མིན། །གནས་མེད་གནས་པའི་རྣལ་འབྱོར་གྱུར། །དེ་བས་མཱ་མ་ཀཱིར་བཤད་དོ། །དེ་ཡི་ངོ་བོ་ཉིད་གཅིག་པ། །བྱིན་གྱིས་བརླབས་པས་དེ་བཤད་དོ། །
D444.081.0173a03.01ནམ་མཁའ་དང་ནི་གཅིག་ཏུ་མཚུངས། །སངས་རྒྱས་ཞི་བའི་གནས་སུ་འགྱུར། །དེ་བས་ཡུལ་དུ་རྣམ་བརྟགས་པ། །བསྡུ་བ་དག་ནི་བཤང་བ་ཡིན། །ཡེ་ཤེས་དབང་པོ་སྟོང་པ་གཅི། །རྣམ་དག་ཆོས་ཉིད་ཁུ་བ་ཡིན། །ཐམས་ཅད་མཁྱེན་པའི་ཡེ་ཤེས་ཁྲག །རང་བཞིན་ཆོས་
D444.081.0173a04.01སུ་ཡོངས་བརྟགས་པ། །དེ་ཉིད་ལྷ་རྣམས་ཞེས་བྱ་སྟེ། །དངོས་མེད་པ་ནི་དབུལ་བ་ཡི། །དེ་བྱས་སངས་རྒྱས་སྲས་པོ་རྣམས། །ཁྱད་པར་དུ་ནི་མཉེས་པར་འགྱུར། །གང་ཡང་འཇིག་རྟེན་པས་བརྟགས་པ། །དེ་རྣམས་ཇི་སྐད་བཤད་པ་ཉིད། །མི་ཕྱེད་རྡོ་རྗེ་གསུམ་བསྒོམས་པ། །
D444.081.0173a05.01སར་པ་ཉིད་དུ་བཀལ་ལེགས་དང་། །ཤིན་ཏུ་ཚད་ལྡན་མཛེས་པ་ཡི། །ཐིག་གིས་མཁས་པས་ཐིག་གདབ་བོ། །བློ་ལྡན་དཀྱིལ་འཁོར་བརྟག་བྱ་བ། །ཁྲུ་ནི་བཅུ་གཉིས་ཚད་ཙམ་ལ། །ངོས་བཞི་དང་ནི་གྲྭ་བཞིར་ལྡན། །རྟ་བབས་ཀྱིས་ནི་མཛེས་པར་བྱ། །དེ་ཡི་དབུས་སུ་
D444.081.0173a06.01འཁོར་ལོ་ནི། །དགོངས་པས་དང་པོ་བཤད་པ་སྟེ། །དེ་ལས་བཟློག་པའི་ཚུལ་གྱིས་ནི། །འདི་ན་འཇིག་རྟེན་པ་རྣམས་རྟོག །གང་ཞིག་འཇིག་རྟེན་འདས་ལ་གནས། །དེ་ནི་གཟུངས་ཀྱིས་དབང་བསྐུར་བ། །དངོས་མེད་པ་ནི་འཛིན་པ་དག །ཡིད་ནི་རྟག་ཏུ་མཁའ་དང་མཚུངས། །
D444.081.0173a07.01