完整藏文原文 · 德格版页 当前仅加载第 81 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །བཟའ་དང་མི་བཟའ་བྱ་ཀུན་དང་། །བྱང་ཆུབ་སེམས་དེ་སྐྱེ་བར་འགྱུར། །བྲམ་ཟེ་ལ་སོགས་འཇིག་རྟེན་ཤེས། །བྱང་ཆུབ་སེམས་ལས་འབྱུང་བར་འགྱུར། །ཕུང་སོགས་དངོས་པོ་མེད་གྱུར་ལས། །རང་གིས་མྱོང་བར་ཤེས་པར་གྱུར། །དེ་ནི་འཇིག་རྟེན་ཤེས་ཞེས་བཤད། །
D444.081.0168b01.01ཀུན་མཁྱེན་པ་ནི་བྱང་ཆུབ་སེམས། །ཉེ་བར་དམིགས་པའི་སྦྱོར་བ་ཡིས། །སངས་རྒྱས་སྐུ་རུ་འདི་འབྱུང་སྟེ། །སྒྱུ་མ་ལྟ་བུའི་རང་བཞིན་ཉིད། །ཚིག་གིས་བརྗོད་པ་ཙམ་དུ་འགྱུར། །དེ་ནས་བཅོམ་ལྡན་རྡོ་རྗེ་ཅན། །རྡོ་རྗེ་སྙིང་པོའི་དོན་གསུངས་པ། །འགྲོ་བའི་བླ་མ་གཅིག་པུ་ལ། །ཕྱག་
D444.081.0168b02.01འཚལ་ནས་ནི་སླར་གསོལ་པ། །འཇིག་རྟེན་པ་ཡི་ལུང་ཉིད་ནི། །བྱང་ཆུབ་སེམས་ནི་རབ་གསུངས་ན། །ཇི་ལྟར་འཇིག་རྟེན་ལས་འདས་པ། །མ་འོངས་པ་ཡིས་ཇི་ལྟར་རྟོགས། །ལྟ་བ་ཐམས་ཅད་རབ་སྤང་ཕྱིར། །ཁྱེད་ཀྱིས་ཆོས་རྣམས་སྟོན་མཛད་ན། །ཇི་ལྟར་བྱང་ཆུབ་སེམས་དེ་ཉིད། །ལྟ་བ་
D444.081.0168b03.01དེ་ནི་རབ་བརྟན་འགྱུར། །དགོངས་པའི་ཚིག་ལ་རྨོངས་པ་རྣམས། །གསུངས་པའི་དོན་ནི་མ་རྟོགས་ནས། །གསུངས་པ་འདི་ལས་གཞན་མིན་ཞེས། །དེ་ནི་ཇི་བཞིན་སྒྲར་འཛིན་ཏོ། །དེ་ནས་བཅོམ་ལྡན་སྣ་ཚོགས་པས། །ལག་ན་རྡོ་རྗེ་ལ་གསུངས་པ། །ཁྱེད་གསུང་དགོངས་པ་མ་རྟོགས་པ། །
D444.081.0168b04.01དྲི་བར་བྱེད་པ་ལེགས་སོ་ལེགས། །བྱང་ཆུབ་སེམས་ནི་རླུང་གྱུར་ཅིང་། །ནམ་མཁའ་ལ་ནི་རྣམ་གནས་པ། །སེམས་ཅན་ཀུན་གྱི་སྲོག་གྱུར་གང་། །ལྔ་ཡི་བདག་ཉིད་བཅུ་མིང་ཅན། །རྟེན་འབྲེལ་བཅུ་གཉིས་ཞེས་གྲགས་པ། །ངོ་བོ་ཉིད་རྣམ་གསུམ་དུ་གྱུར། །རླུང་ཞེས་བྱ་བའི་བྱང་ཆུབ་
D444.081.0168b05.01སེམས། །དབང་པོ་ཀུན་གྱི་གཙོ་འདི་ཡིན། །ཇི་ལྟར་མི་མངོན་ཕྲ་བ་ལས། །རྟག་ཏུ་གསལ་བར་བརྗོད་པ་ཡིན། །འགྲོ་བ་ཡུལ་སོགས་ལས་བྱེད་པ། །འདིར་ནི་དེ་ལ་རྟེན་པ་ཡིན། །ཞི་བ་དང་ནི་རྒྱས་པ་དང་། །དབང་དང་དེ་བཞིན་མངོན་སྤྱོད་རྣམས། །དེ་ཉིད་གསུམ་གནས་ལ་
D444.081.0168b06.01རྟེན་ནས། །དེ་ཀུན་བྱང་ཆུབ་སེམས་ཀྱིས་བྱེད། །ཇི་སྲིད་འཇིག་རྟེན་གདགས་པ་དང་། །དེ་བཞིན་བཏགས་པ་སྣ་ཚོགས་རྣམས། །རྣམ་རྟོག་བྱང་ཆུབ་སེམས་ཤེས་པའི། །རླུང་ལས་རྟག་ཏུ་འབྱུང་བ་ཡིན། །བདེ་སྡུག་ལ་སོགས་ཆོས་རྣམས་ཀྱི། །ས་བོན་ལྟ་བུར་བཤད་པ་ཡིན། །
D444.081.0168b07.01