完整藏文原文 · 德格版页 当前仅加载第 81 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་སྦྱོར་བས་སོ། །སྟོན་དང་འཇོག་པ་པོ་འདི་ནི། །བློ་ཡི་དངོས་གྲུབ་སྟོན་པ་པོ། །ཐོག་མཐའ་མེད་པ་རྣལ་འབྱོར་ནི། །ཕྲ་མོ་ཞེས་ནི་བྱ་བར་བརྟག །མི་གསལ་གསལ་བར་ཡང་དག་སྦྱོར། །དངོས་མེད་ངོ་བོ་ལས་སྐྱེས་པའོ། །གཟོད་མ་ཉིད་ནས་རབ་གྲུབ་པ། །
D444.081.0171a01.01གཅིག་དང་དུ་མ་རྣམ་སྤངས་པ། །རྟེན་འབྲེལ་ཆོས་ཞེས་གྲགས་པ་སྟེ། །དངོས་པོ་ཐམས་ཅད་གཅིག་ཏུ་བྱུང་། །བདག་ཉིད་འདི་འདྲར་བྱས་ནས་ནི། །ཆོས་ཀྱི་དཀྱིལ་འཁོར་ཡང་དག་བྲི། །དམར་དང་ནག་དང་དེ་བཞིན་སེར། །དཀར་པོ་ཉིད་ནི་མདོ་རུ་སྟེ། །བཞི་བཞི་གཅིག་
D444.081.0171a02.01ཏུ་སྦྱོར་བ་ཡང་། །གོས་དཀར་ལ་སོགས་ཡང་དག་བྲི། །དེ་རྣམས་དབུས་སུ་ལྷ་མོར་བཅས། །ཞི་སྦྱོར་མཆོག་དང་མཆོག་མིན་ཅན། །སྟེང་དང་ཐད་ཀ་མཉམ་དང་འོག །ཇི་ལྟ་ཇི་ལྟར་གོས་དཀར་སོགས། །མེ་དང་རླུང་དང་དབང་ཆེན་དང་། །ཆུ་སྟེ་སོ་སོའི་དཀྱིལ་འཁོར་ལ། །
D444.081.0171a03.01{བཅྭ་,བཅོ་}བརྒྱད་དག་ཏུ་ཡང་དག་བཤད། །དེ་ཡང་འདི་ཉིད་དག་ལ་བཤད། །ཇི་ལྟར་འོ་མ་ཁྱད་པར་ནི། །མར་སར་གནས་པར་གྱུར་པ་ཡིན། །དེ་བཞིན་གོས་དཀར་ལ་སོགས་ལ། །ཞི་བ་ཉིད་ནི་དེ་གནས་སོ། །གཟུགས་ལ་སོགས་པ་ནང་གི་ཆོས། །མཐོང་བ་དེ་ནི་ལྷག་མཐོང་
D444.081.0171a04.01ཡིན། །མི་བསྐྱོད་ལ་སོགས་གྲངས་ཇི་བཞིན། །རྟོག་པ་དག་ནི་ཞི་གནས་ཡིན། །འདི་གཉིས་དངོས་པོ་མེད་པའི་བདག །དེ་བཞིན་ཉིད་ནི་ཞི་ཞེས་བྱ། །དེ་བཞིན་ཉིད་ཀྱི་དཀྱིལ་འཁོར་དུ། །སངས་རྒྱས་ཐམས་ཅད་གཞུག་པར་བྱ། །རྣལ་འབྱོར་བ་ཡི་དབུགས་རྔུབ་དབྱུང་། །
D444.081.0171a05.01སྦྱོར་བ་དེ་ཉིད་གཅིག་པ་ཉིད། །ཤེས་རབ་ཐབས་ལ་གནས་ནས་ནི། །སྔགས་ཀྱི་ཡན་ལག་མ་ཉམས་བཟླས། །བྱ་བ་ཐམས་ཅད་ཉིད་དུ་ཡང་། །རྣལ་འབྱོར་རིག་བས་ཉལ་སོགས་ལ། །མིང་མང་བརྗོད་དུ་མེད་པ་དང་། །དུས་གསུམ་འདས་པ་རྟག་ཏུ་བཟླ། །གོས་དཀར་ལ་སོགས་
D444.081.0171a06.01བཟླས་བཤད་པ། །བརྒྱ་ཕྲག་གཉིས་དང་ཉི་ཤུ་ལྔ། །བཞི་པ་ལེགས་པར་བསྒྲེས་པ་ཡིས། །སྦྱོར་བཞིས་བསྡུས་པ་བརྒྱ་ཕྲག་དགུ། །དགུ་བརྒྱ་དག་ཏུ་གང་བསྟན་པ། །ཉི་ཤུ་རྩ་བཞིའི་རིམ་གྱིས་ནི། །དེ་ནི་སོ་སོར་འབྱུང་བ་ལས། །ཉི་ཁྲི་གཅིག་སྟོང་དྲུག་བརྒྱའོ། །དེ་འདིར་གསང་
D444.081.0171a07.01