完整藏文原文 · 德格版页 当前仅加载第 81 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ངོ་མཚར་རྨད་བྱུང་ནས། །ཐེ་ཚོམ་ཐམས་ཅད་གཅོད་མཛད་པའི། །བཅོམ་ལྡན་དེ་བཞིན་གཤེགས་ཀུན་གྱི། །བདག་པོ་ལ་ནི་འདི་སྐད་ཞུས། །བཅོམ་ལྡན་དེ་བཞིན་གཤེགས་ཀུན་གྱི། །ཡོན་ཏན་ཀུན་གྱིས་ཕུལ་ཕྱུང་ཡང་། །གཙོ་བོ་འདིར་ནི་སྟོན་མཛད་པར། །ཇི་ལྟར་སྤྲོ་བ་མངའ་
D444.081.0162b01.01མ་གྱུར། །བྱིན་གྱིས་བརླབ་པའི་གནས་མཛད་དེ། །དེ་བཞིན་གཤེགས་ཡིད་བདེ་ལ་སོགས། །ཡེ་ཤེས་རྒྱུ་འབྲས་ཐོབ་པའི་ཕྱིར། །དེ་ནི་ཡང་དག་བཤད་དུ་གསོལ། །དེ་བཞིན་གཤེགས་ཀུན་བདག་པོ་ནི། །དེ་རྣམས་ཞུ་བར་མཁྱེན་ནས་སུ། །ཡེ་ཤེས་སྒྲོན་མ་རྡོ་རྗེ་གྲགས། །ཏིང་འཛིན་
D444.081.0162b02.01ཞེ་སྡང་རིགས་འབྱུང་བ། །གཙོ་བོས་མི་བསྐྱོད་སྙིང་པོ་ནི། །སྐུ་གསུང་ཐུགས་ནི་དཔལ་ལྡན་པས། །དེ་ནས་ཡང་དག་ཕྱུང་བ་ནི། །བཛྲ་དྷྲྀཀ་ཅེས་བྱ་བའི་སྔགས། །དེ་ནས་འདི་ནི་གསུངས་ཙམ་གྱིས། །ཞེ་སྡང་རིགས་བྱུང་ལས་སྐྱེས་པ། །དེ་ནི་རིག་པ་སྐྱེས་བུར་འགྱུར། །མི་བསྐྱོད་རྒྱ་ཆེན་
D444.081.0162b03.01ཐབས་ཀྱིས་སྦྱོར། །ཞལ་གསུམ་གནག་དང་དཀར་དང་དམར། །བདག་ཉིད་ཆེན་པོ་དེ་ཞལ་ཡིན། །རྡོ་རྗེ་གསུམ་འདིར་དེ་བཞིན་གཤེགས། །བཞུགས་པ་ཡེ་ཤེས་ཞེས་བྱའོ། །དེ་ནས་དེ་བཞིན་གཤེགས་བདག་པོ། །དམ་ཚིག་འབྱུང་རྡོ་རྗེ་ཞེས་བྱ། །ཏིང་ངེ་འཛིན་ལ་གཙོ་བོ་ནི། །
D444.081.0162b04.01སྙོམས་པར་ཞུགས་པ་ཉིད་དུ་མཛོད། །དེ་ནས་ཛི་ན་ཛིཀ་ཅེས་པའི། །སྙིང་པོ་དེ་བཞིན་ཡང་དག་ཕྱུང་། །དེ་ནས་གསུངས་པ་ཙམ་གྱིས་ཀྱང་། །གཏི་མུག་རིགས་བྱུང་ལས་སྐྱེས་པ། །རིག་བཅས་སྐྱེས་བུར་གྱུར་པ་ནི། །རྣམ་པར་སྣང་མཛད་དེ་བཞིན་གཤེགས། །དཀར་དང་གནག་དང་
D444.081.0162b05.01དམར་བཅས་པའི། །ཞལ་གྱིས་མདུན་དུ་བཞུགས་པར་གྱུར། །དེ་ནས་རིན་ཆེན་བྱུང་བ་ཡི། །དཔལ་ཞེས་བྱ་བའི་ཏིང་འཛིན་ལ། །སྙོམས་པར་ཞུགས་ནས་བདེར་གཤེགས་ཀུན། །བདེ་དང་ཡིད་བདེར་གྱུར་པའི་ཕྱིར། །ཡིད་བཞིན་ནོར་བུ་རིན་ཆེན་རིགས། །དེ་བཞིན་གཤེགས་ཀུན་
D444.081.0162b06.01བདག་པོ་འདི། །དེ་ནས་རཏྣ་དྷྲྀཀ་ཅེས་བྱའི། །སྙིང་པོ་དཔལ་ལྡན་དེ་ཚེ་བྱུང་། །དེ་ནས་ཕྱུང་བ་ཙམ་གྱིས་ནི། །རིག་དང་བཅས་པའི་སྐྱེས་བུར་གྱུར། །སེར་དང་དཀར་དང་གནག་པ་ཡི། །ཞལ་དང་རིན་ཆེན་འབྱུང་ལྡན་ནི། །རྡོ་རྗེ་གསུམ་གྱི་བདག་པོ་ཡི། །ལྷོ་ཕྱོགས་ལོགས་སུ་
D444.081.0162b07.01