完整藏文原文 · 德格版页 当前仅加载第 81 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་ལ་གནས་པ་ཡིན། །ནང་དང་དེ་བཞིན་ཕྱི་རོལ་དག །རྟེན་འབྱུང་གཉིས་སུ་སྟོན་པ་ནི། །དེ་ནི་{བརྫུན་,རྫུན་}སྨྲ་དགའ་བ་སྟེ། །གནས་མེད་ལ་གནས་རྣལ་འབྱོར་པའོ། །རྫོགས་སངས་རྒྱས་ཀྱི་ཡེ་ཤེས་གང་། །དེ་ནི་རྫས་སུ་ཤེས་བྱ་སྟེ། །དེ་འཕྲོག་ངང་ཚུལ་གང་ཡིན་
D444.081.0174a01.01པ། །གཞན་གྱི་ནོར་ལ་ཆགས་པར་འདོད། །གང་ཞིག་དེ་ཉིད་དངོས་གཅིག་པ། །དེ་བཞིན་ཉིད་ལ་རྟག་སྦྱོར་བ། །སེམས་ཅན་དེ་དེ་འདོད་ལ་དགའ། །བསྒྲུབ་པ་མཆོག་ལ་དམ་པར་འགྱུར། །དེ་ཡི་སྟོང་ཉིད་གཏི་མུག་ལ། །ཡུལ་ནི་བཤང་བ་ཞེས་གྲགས་ཏེ། །དབང་པོ་
D444.081.0174a02.01གཅི་བ་ཞེས་བྱ་ལ། །དེ་དག་ཞི་བ་ཟ་བ་ཡིན། །ཐེག་པ་ཆེན་པོ་ཆོས་མཆོག་འདིར། །དེ་དག་བསྒྲུབ་པའི་སྣོད་དུ་འགྱུར། །དེ་དག་ཚེ་{བརྫུན་,རྫུན་}འདོད་པ་དང་། །བཤང་གཅི་ཟས་སུ་བྱེད་པ་པོ། །ཤེས་རབ་ཕ་རོལ་ཕྱིན་ཤེས་རབ། །ཆོས་ཀྱི་སྐུ་ནི་མ་གཅིག་པུ། །གཉིས་མེད་དེ་
D444.081.0174a03.01བཞིན་ཉིད་སྦྱོར་བ། །དངོས་མེད་ཅེས་བྱ་འདོད་སྤྱོད་པ། །ལོངས་སྤྱོད་རྫོགས་དང་མཉམ་གང་ཡིན། །དེ་ཉིད་སྲིང་མོ་ཡིན་པར་འདོད། །རང་ལྷའི་རྣལ་འབྱོར་ལྡན་པ་ཡི། །གསང་སྔགས་ལུས་ཀྱིས་མཉེས་པར་བྱ། །བཤང་གཅི་ཟས་སུ་བྱེད་པ་ཡི། །སྤྲུལ་སྐུའི་གཟུགས་ཅན་བུ་
D444.081.0174a04.01མོ་དེ། །སྒྲུབ་པ་པོས་ནི་བསྒོམ་པར་བྱ། །མ་དང་སྲིང་མོ་བུ་མོ་ནི། །འདི་འདྲ་རྣལ་འབྱོར་པས་མཉེས་བྱས། །ཐེག་པ་མཆོག་གི་ཆོས་ཉིད་ལ། །དངོས་གྲུབ་རྒྱ་ཆེན་དེས་ཐོབ་བོ། །ཇི་ལྟར་མི་རྟོག་ནམ་མཁའ་ནི། །ཀུན་དུ་ཁྱབ་པར་གནས་གྱུར་བ། །འདི་ནི་སྒོམ་པ་ཞེས་བཤད་དེ། །ཏིང་
D444.081.0174a05.01འཛིན་བསམ་ཁྱབ་ཅེས་བྱ་བ། །དེ་ཉིད་འཇིག་རྟེན་པར་བྱུང་བ། །རྟོག་པ་དགའ་བའི་མིང་ཅན་ནོ། །སངས་རྒྱས་ཡུམ་གྱི་ཡེ་ཤེས་ལ། །འདོད་སྤྱོད་གོས་པར་མི་འགྱུར་ཏེ། །རྣམ་པར་མི་རྟོག་སྦྱོར་གཅིག་གིས། །མྱུར་དུ་སངས་རྒྱས་དེས་ཐོབ་འགྱུར། །དེ་ནས་བཅོམ་ལྡན་
D444.081.0174a06.01འདས་གསུང་ནི། །སྒྲིབ་ཀུན་སེལ་བ་ལ་སོགས་པའི། །བྱང་ཆུབ་སེམས་དཔའ་སེམས་དཔའ་ཆེས། །ཐོས་ནས་ངོ་མཚར་རྨད་དུ་གྱུར། །འདི་ནི་བདག་པོ་བཅོམ་ལྡན་འདས། །དེ་བཞིན་གཤེགས་པ་ཀུན་གྱི་བདག །ཅི་ཡི་སླད་དུ་ཚིག་ངན་པ། །དེ་བཞིན་གཤེགས་
D444.081.0174a07.01