完整藏文原文 · 德格版页 当前仅加载第 81 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པ་འཇིག་རྟེན་ཤིན་ཏུ་འདས། །འཁོར་བ་དང་ནི་ཅིག་ཤོས་སྤངས། །ལེན་པ་མ་ཡིན་གཏོང་བ་མིན། །མེད་པ་མ་ཡིན་གནས་མ་ཡིན། །བློ་ལྡན་ཀུན་དུ་འདི་ཤེས་པ། །རྣལ་འབྱོར་ཐམས་ཅད་རིག་པ་མཆོག །ཐུགས་ཀྱི་དཀྱིལ་འཁོར་ལེའུ་འདི་ནི། །ངེས་པའི་རྣལ་འབྱོར་
D444.081.0173b01.01པ་ཞེས་བཤད། །དགོངས་པ་ལུང་བསྟན་ཡིད་འོང་ལ། །གང་ཞིག་ཡིད་ནི་བཟོད་གྱུར་ན། །དེ་རྣམས་ཤེས་རབ་ཐབས་དག་ནི། །ཇི་ལྟར་གནས་པ་དེ་ལྟར་བྱེད། །གསང་བའི་དགོངས་པ་ལུང་བསྟན་ལས། །དེ་ལས་ཐུགས་ཀྱི་དཀྱིལ་འཁོར་གྱི། །ལེའུ་བཞི་པ་
D444.081.0173b02.01ཉིད་ཡིན་ནོ།། །།དེ་ནས་དེ་བཞིན་གཤེགས་པ་མཆོག །རྡོ་རྗེ་གསུང་གཙོ་འགྲོ་བའི་བླ། །སླར་ཡང་རྡོ་རྗེ་འཛིན་པ་ལ། །སྔགས་སྤྱོད་དོན་གྱི་དེ་ཉིད་ཞུས། །སྔགས་ཀྱི་བརྟུལ་ཞུགས་སྤྱོད་པ་གཅིག །ཁྱད་པར་དུ་ནི་བསྲུང་བསླབ་པ། །དེ་རྣམས་ཀྱི་ནི་དགོངས་པའི་གསུང་། །
D444.081.0173b03.01སྤྱོད་པ་བཅོམ་ལྡན་བཤད་དུ་གསོལ། །དེ་ནས་བདག་པོ་དེ་བཞིན་གཤེགས། །རྡོ་རྗེ་འཛིན་པ་དག་གི་ཚིག །གསན་ནས་འགྲོ་བའི་དོན་གཅིག་པུ། །གསུངས་པའི་དོན་ཅན་བཀའ་སྩལ་ཏོ། །མི་རྟོག་དོན་ལས་ཡང་དག་བྱུང་། །ཞེ་སྡང་ལ་འཇུག་མཚན་ཉིད་ཡིན། །དངོས་མེད་ལ་
D444.081.0173b04.01གནས་གཏི་མུག་སྟེ། །འདོད་ཆགས་འདོད་ཆགས་ལས་བྱུང་བ། །འདོད་ཆགས་ལྡན་པའི་མིང་ཅན་ཡིན། །ཐེག་པ་མཆོག་ནི་བླ་མེད་པ། །འདོད་ཆགས་ཞེ་སྡང་གཏི་མུག་སྟེ། །འདི་དག་རིགས་སུ་ཡང་དག་བཤད། །དངོས་གྲུབ་དེ་ནི་འདི་སྒྲུབ་བོ། །རིགས་ངན་མྱུར་བར་ཤེས་
D444.081.0173b05.01པར་བྱ། །སྨྱིག་མཁན་དག་ནི་དལ་བ་ཡིན། །མཚམས་མེད་བྱེད་པ་གཉི་ག་སྟེ། །གསོད་པ་དོན་གཉེར་སེམས་པ་པོ། །ཐེག་པ་ཆེན་པོ་བླ་མེད་པའི། །ཐེག་པ་མཆོག་འདི་འགྲུབ་པར་འགྱུར། །སེམས་ཅན་སྡིག་ཆེན་བྱས་པ་དང་། །གཞན་ཡང་མཚམས་མེད་བྱེད་པ་པོ། །
D444.081.0173b06.01གང་ཡང་སློབ་དཔོན་སྨོད་པ་ཡིས། །བསྒྲུབས་ཀྱང་གྲུབ་པར་མི་འགྱུར་རོ། །འདི་ཉིད་དད་པས་མྱུར་དུ་ནི། །ཞེ་སྡང་དག་ལ་གནས་པས་གནས། །གང་གིས་ཕུང་སོགས་དངོས་མེད་པར། །ཞི་གནས་ལས་བྱུང་སེམས་ཀྱིས་བྱས། །དེ་ནི་སྲོག་གཅོད་བྱེད་པ་སྟེ། །ཐེག་པ་
D444.081.0173b07.01