完整藏文原文 · 德格版页 当前仅加载第 81 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡི་ཆོས་ནི་ལྟ་བ་པོ། །དེ་ནས་རྫོགས་ལོངས་སྤྱོད་པའི་སྔགས། །སངས་རྒྱས་ཐམས་ཅད་འཇམ་ལས་བྱུང་། །གང་ཕྱིར་དང་ནི་ཟློ་གྱུར་པ། །ཡི་གེ་ཧཱུྃ་གི་གསང་སྔགས་ལྔ། །དེ་ཚེ་སྙིང་ལས་རབ་འདར་ཞིང་། །དབང་པོ་ཐམས་ཅད་བརྒྱལ་བར་འགྱུར། །གང་ཡང་ཕུང་སོགས་ཡན་ལག་ནི། །
D444.081.0188b01.01སྲས་བཅས་སངས་རྒྱས་ཐམས་ཅད་དེ། །དེ་ཉིད་ཀྱི་ནི་གྲངས་མཉམ་པའི། །རྣལ་འབྱོར་པ་ཡི་ལུས་རབ་འདར། །ཉེ་བར་མཚོན་སོགས་ཚིག་རྣམས་ནི། །ཕུང་པོ་ལ་སོགས་བཤད་པ་གང་། །སངས་རྒྱས་སྲས་བཅས་པར་གྱུར་ཏེ། །དེས་ནི་བརྒྱལ་ཞིང་འདར་བར་འགྱུར། །དེ་གཉིས་ལ་ནི་སྙོམས་
D444.081.0188b02.01འཇུག་པ། །སངས་རྒྱས་ཐམས་ཅད་སྲས་དང་བཅས། །རྡོ་རྗེ་སེམས་དཔའ་ཉིད་དྲན་ཏེ། །དེ་སྔགས་བདག་ཉིད་དངོས་ལས་བྱུང་། །དེ་འདིར་མཆོག་ཏུ་བཤད་པ་ཡིན། །རྡོ་རྗེ་གསང་བ་རྨད་བྱུང་བ། །ཕྲ་མོའི་སྙིང་གང་དབུས་གནས་པ། །དཀྱིལ་འཁོར་རྣམ་པར་བསམ་པའོ། །དེ་ཡི་
D444.081.0188b03.01དབུས་གནས་ཞི་བ་ཡི། །གོ་འཕང་མཆོག་ནི་བསམ་པར་བྱ། །དེ་ཧཱུྃ་ཞེས་བྱའི་འོད་པོ་ཆེ། །དེ་ཡོངས་གྱུར་པའི་རྡོ་རྗེ་ནི། །འདི་ནི་མཆོག་གྱུར་རྩེ་ལྔ་པ། །རྣལ་འབྱོར་པ་ཡི་རྟག་ཏུ་བསྒོམ། །རྡོ་རྗེ་ལྕགས་ཀྱུའི་སྦྱོར་བ་ཡིས། །རྡོ་རྗེ་གསུམ་ནི་བསམ་པར་བྱ། །དེ་ཡི་སྙིང་གར་བསྡམས་ནས་
D444.081.0188b04.01ནི། །ལྷ་རྣམས་རབ་ཏུ་བསྐུལ་བར་བྱ། །འདི་ནི་སངས་རྒྱས་ཐམས་ཅད་ཀྱི། །རྡོ་རྗེ་ཐམས་ཅད་རབ་བསྒྲུབ་པའོ། །འཁོར་ལོ་པདྨའི་རིགས་སོགས་པའང་། །རོལ་མོ་འདི་ནི་དམ་པ་སྟེ། །རྡོ་རྗེ་ལྕགས་ཀྱུ་རྣམ་བསྒོམས་ནས། །སྙིང་ག་རུ་ནི་བསྐུལ་བར་འགྱུར། །རྡོ་རྗེ་ཡི་ནི་ཚུལ་མཆོག་
D444.081.0188b05.01འདི། །ཞག་བདུན་བར་དུ་བྱས་ནས་ནི། །ཡེ་ཤེས་རྡོ་རྗེ་ཅན་གྱི་གསང་། །རྡོ་རྗེ་གསུམ་པོ་ཡང་དག་བསྒྲུབ། །ཕུང་པོ་ལ་སོགས་སངས་རྒྱས་གང་། །དེ་ནི་དངོས་པོ་མེད་ལྟ་བ། །དེ་ཉིད་མཆོག་གི་གསང་སྔགས་ཀྱིས། །སྐྲག་པ་རྣམ་སྨིན་མཐོང་བ་ལ། །སྐྲག་པ་མི་རྣམས་འདི་དག་
D444.081.0188b06.01སྟེ། །གསང་སྔགས་གཉིས་མེད་སྦྱོར་གཅིག་བྱུང་། །མཐོང་བས་སྐྲག་སྟེ་མཆོག་སྟེར་ཅིང་། །འདི་དག་འདི་ཉིད་བརྟགས་པ་ཡིན། །ཞི་བ་གཅིག་བུའི་སྦྱོར་བ་ལས། །སྔགས་ལུས་རྫོགས་པ་ཉིད་གྱུར་ནས། །ཡིད་ལ་མགུ་ཞིང་དགའ་གྱུར་པའི། །དངོས་གྲུབ་རྒྱ་ཆེན་སྟེར་བར་འགྱུར། །
D444.081.0188b07.01