完整藏文原文 · 德格版页 当前仅加载第 81 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་དད་གྱུར་པ། །གསང་བ་འབད་དེ་ཡང་དག་བསྲུང་། །དེ་ནི་རྟག་ཏུ་ལེགས་པར་བྱེད། །རྡོ་རྗེ་གསུམ་གྱི་གསང་བ་ལས། །དེ་བཞིན་གཤེགས་པ་ཀུན་གྱི་ཡང་། །དེ་ཉིད་བསྐུལ་བ་ཞེས་བྱ་བ། །ལེའུ་བཅུ་པ་ཡིན་པར་བཤད།། །།དེ་ནས་སྟོན་པ་བཅོམ་ལྡན་འདས། །རྡོ་
D444.081.0189b01.01རྗེ་གསུམ་མཆོག་མཆོག་གསོལ་པ། །དེ་བཞིན་གཤེགས་པ་ཀུན་མཆོག་གཅིག །ཉི་ཤུ་རྩ་ལྔ་མཆོག་ཅེས་བྱའི། །ཏིང་ངེ་འཛིན་ལ་སྙོམས་ཞུགས་ནས། །དེ་བཞིན་གཤེགས་ཀུན་རྡོ་རྗེ་ཡི། །སྔགས་རིག་སྐྱེས་བུ་ཞེས་བྱ་བའི། །ལེའུ་འདི་ནི་བཀའ་སྩལ་ཏོ། །སྔགས་མཆོག་དེ་ནི་ཕྱག་
D444.081.0189b02.01རྒྱ་ཆེ། །རྡོ་རྗེ་གསུམ་གྱི་ཡེ་ཤེས་བསྒོམ། །རྟོགས་དང་བྲི་བ་འཐོབ་པའི་ཕྱིར། །རྡོ་རྗེ་ཡེ་ཤེས་དག་གིས་ཀྱང་། །ཚངས་པ་ལ་སོགས་ཡང་དག་བཤད། །ཡེ་ཤེས་སྙིང་པོ་དམ་པ་སྟེ། །རྡོ་རྗེ་གསུམ་སོགས་བཤད་གྱུར་པ། །སྐུ་ཡི་རྡོ་རྗེ་འཐོབ་བྱེད་པའོ། །ཨ་དང་ཟུང་ནི་གསུང་རྡོ་རྗེ། །བྱང་
D444.081.0189b03.01ཆུབ་བདག་མེད་འཐོབ་བྱེད་པའོ། །ཧཱུྃ་ནི་རྡོ་རྗེ་གསུམ་མཐའ་ཉིད། །སྐུ་གསུང་ཐུགས་ནི་འཐོབ་བྱེད་པའོ། །དེ་ནི་འཇུག་སོགས་གནས་ཉིད་དང་། །ལྡང་པ་དག་ཏུ་རབ་ཏུ་བཤད། །ཉི་ཤུ་ལྔ་སོགས་མིང་ཅན་གྱི། །སྐྱེས་བུའི་གཟུགས་སུ་འདི་འགྱུར་རོ། །དེ་བས་རེ་རེའང་གསུམ་ཉིད་དེ། །རྡོ་རྗེ་
D444.081.0189b04.01གསང་སྔགས་ཉིད་དུ་འགྱུར། །བརྗོད་མེད་ས་བོན་བརྒྱད་པ་ལས། །དེ་ནི་ནམ་མཁའ་ལས་བརྒྱར་འགྱུར། །བརྒྱ་ཕྱེད་རླུང་ནི་གཅིག་པུ་ལ། །དེ་ལས་ངེས་པར་ཉི་ཤུ་ལྔ། །སྐྱེས་བུ་ཉིད་དུ་བྱུང་བ་ན། །མགྲིན་བཅུ་ཞེས་བྱའི་མིང་ཅན་དང་། །སྒྲ་སྒྲོགས་གསོད་པའི་དགའ་བྱེད་འགྱུར། །དེ་ནས་
D444.081.0189b05.01ཚངས་པ་གཅིག་ཉིད་གྱུར། །ཚངས་པ་ཁྱབ་འཇུག་དྲག་པོ་སྟེ། །འཇུག་པ་ལ་སོགས་རིམ་དུ་བཤད། །འདི་དག་བསྙེངས་མེད་དེ་གཅིག་པུ། །དེ་ནི་ཞི་བ་དངོས་མེད་ཉིད། །དེ་ལས་ཀྱང་ནི་ཡང་དག་འབྱུང་། །ལོངས་སྤྱོད་རྫོགས་སྐུ་དམ་པའོ། །དེ་ནས་སྔགས་གཅིག་སྤྲུལ་པ་ལས། །འགྲོ་བའི་
D444.081.0189b06.01དོན་གྱི་བྱ་བར་འགྱུར། །མཚམས་དང་སྐྱེ་མཆེད་ནོར་ལྷའོ། །ཟླ་བ་ཟུང་གཅིག་རིག་བྱེད་དེ། །དེ་ལ་སོགས་པའི་གྲངས་གྱུར་རྣམས། །དེ་ནི་རིག་པའི་སྐྱེས་བུར་གནས། །འདི་རྣམས་ལས་གཅིག་བཟུང་ནས་ནི། །སངས་རྒྱས་རོལ་མོ་བསྟན་པར་བྱ། །རྡོ་རྗེ་སེམས་དཔའ་དེ་ཉིད་འདི། །ནམ་
D444.081.0189b07.01