完整藏文原文 · 德格版页 当前仅加载第 81 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་སྦྱོར་ཞེས་བྱ། །མེ་ཏོག་དེ་ལྔ་གསུམ་དུ་བཤད། །བྱ་རྒོད་མེ་ཏོག་ཟ་བ་དང་། །བུང་བ་ཤ་ཟ་ཞེས་ཟེར་ཞིང་། །མེ་ཏོག་འདི་ཡི་དགོངས་པ་ནི། །མ་འོངས་སྐྱེ་བོས་མི་ཤེས་སོ། །མ་རྟོགས་པས་ནི་དེ་རྣམས་ཀྱི། །དངོས་གྲུབ་རིང་དུ་གནས་པར་འགྱུར། །འདི་ལྟར་བདག་ནི་སྐལ་མིན་
D444.081.0182a01.01ཞེས། །སྨྲ་ཞིང་དེ་རྣམས་བདག་ཉིད་སྨོད། །དེ་ལྟར་བདག་ཉིད་སྨད་པས་ན། །སངས་རྒྱས་ཐམས་ཅད་སྨད་པར་འགྱུར། །སངས་རྒྱས་ཐམས་ཅད་སྨད་གྱུར་པས། །མི་ལས་འདས་ནས་གཞན་དུ་འགྲོ། །གཙོ་བོ་སངས་རྒྱས་ནང་ན་མིན། །ཕྱི་རོལ་ན་མིན་གཉིས་གར་མིན། །ཚོགས་པ་ལས་
D444.081.0182a02.01ཀྱང་མ་ཡིན་ཏེ། །རྐྱེན་གྱིས་འགྲོ་བ་དག་ལ་གནས། །དེ་བཞིན་དེ་བཞིན་གཤེགས་སངས་རྒྱས། །ལུས་ལ་གསང་སྔགས་འདི་ཉིད་ལས། །གསང་སྔགས་འགྲུབ་པར་དཀའ་བའི་རྒྱུས། །དེས་ནི་བདག་དང་དེ་དག་སྨོད། །དེ་རྣམས་རྗེས་སུ་གཟུང་བའི་ཕྱིར། །དགོངས་པ་དེ་ནི་བཤད་དུ་གསོལ། །
D444.081.0182a03.01རང་གི་ངོ་བོ་མ་འཚལ་ན། །མཁས་པ་དག་ནི་ཉམས་པར་འགྱུར། །དེ་ནས་བཅོམ་ལྡན་སྣ་ཚོགས་པས། །གསང་བའི་བདག་པོ་ལ་གསུངས་པ། །ཉིན་དང་མཚན་མོའི་དབྱེ་བ་ཡིས། །མེ་ཏོག་དོན་ནི་བཤད་པར་བྱ། །པདྨ་ཨུཏྤལ་ཉིན་མོར་བཤད། །ཛཱ་ཏི་མཚན་མོ་ཡིན་ཞེས་བཤད། །
D444.081.0182a04.01ལྔ་ཡི་བདག་ཉིད་གསུམ་དང་གཅིག །གཉིས་ལྔ་གཅིག་དང་གསུམ་དུ་འགྱུར། །དེ་ཡི་ཐབས་ནི་ཉིན་མོར་བཤད། །མཚན་མོ་ཤེས་རབ་ཅེས་བཤད་དོ། །ཉིན་དང་མཚན་མོའི་དབྱེ་བ་ཡིས། །མཇུག་ཏུ་འབྱུང་བ་ཉིད་དུ་འགྱུར། །དེ་གཉིས་དབུས་ཀྱི་སྦྱོར་བ་གང་། །དགོངས་པས་ཡོངས་སུ་
D444.081.0182a05.01བརྟགས་པ་ཡིན། །དེ་ནི་སངས་རྒྱས་སྙིང་པོར་འགྱུར། །དེ་བས་ལྷ་ཚོགས་ཀྱིས་དེ་མིན། །རྣལ་འབྱོར་པ་དང་སྔགས་པ་རྣམས། །དགོངས་པའི་ཆོས་ལ་རབ་བརྩོན་བྱ། །དགོངས་པ་བྱིན་རླབས་རྒྱུ་ཡིས་ནི། །དེ་རྣམས་ཀྱིས་ནི་འགྲུབ་པར་འགྱུར། །གང་ཞིག་རླུང་ནི་བཅུར་གྲགས་པ། །དེ་ནི་པདྨ་
D444.081.0182a06.01ཨུཏྤལ་མིང་། །དེ་ཉིད་ཅེས་གྲགས་རྡོ་རྗེ་གསུམ། །ཛཱ་ཏི་གཅིག་པུ་གསུམ་དུ་འདོད། །ཀརྞི་ཀ་དང་མ་ལི་ཀ། །ཡུཀ་ཏི་ཀ་ར་བཱི་ར་ནི། །{གོ་རིམས་,གོ་རིམ་}བཞིན་དུ་སྤྱན་སོགས་ཏེ། །ས་ལ་སོགས་པར་འདིར་སྦྱར་རོ། །དངོས་མེད་གོ་འཕང་ལ་བཀོད་པས། །ལྷ་རྣམས་ཀྱི་ནི་སྐུར་སྦྱོར་བས། །གཅིག་ཏུ་
D444.081.0182a07.01