完整藏文原文 · 德格版页 当前仅加载第 81 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
མ་སྐྱེས་བརྡ། །རང་སེམས་མཉམ་པ་ཉིད་ཀྱང་ཡིན། །དེ་ནས་མི་བསྐྱོད་དེ་བཞིན་གཤེགས། །ཀུན་གྱི་གཉིས་མེད་མི་ཟད་པའི། །ཡེ་ཤེས་ཏིང་འཛིན་སྙོམས་ཞུགས་ཏེ། །བྱང་ཆུབ་སེམས་ནི་འདི་གསུངས་སོ། །དངོས་པོ་འདི་དག་མ་སྐྱེས་པས། །ཕུང་པོར་གྲགས་པའི་ཆོས་ཉིད་
D444.081.0166b01.01མེད། །ནམ་མཁའ་ལྟ་བུར་བལྟ་དཀའ་བའི། །བདག་མེད་བྱང་ཆུབ་ཅེས་བྱའོ། །དེ་ནས་བཅོམ་ལྡན་དཀོན་མཆོག་དཔལ། །བདག་མེད་རྡོ་རྗེ་ཞེས་བྱ་བའི། །ཏིང་ངེ་འཛིན་ལ་སྙོམས་ཞུགས་ནས། །བྱང་ཆུབ་སེམས་འདི་རབ་ཏུ་གསུངས། །ཆོས་རྣམས་ཐམས་ཅད་དངོས་མེད་
D444.081.0166b02.01ཅིང་། །ཆོས་ཀྱི་མཚན་ཉིད་རྣམ་སྤངས་པ། །བདག་མེད་ཆོས་ལས་ཡང་དག་འབྱུང་། །བྱང་ཆུབ་ཚུལ་འདི་བསྟན་པའོ། །དེ་ནས་འོད་དཔག་མེད་མཚན་ཅན། །ཡེ་ཤེས་འབར་བ་སྒྲོན་རྡོ་རྗེའི། །ཏིང་ངེ་འཛིན་ལ་སྙོམས་ཞུགས་ཏེ། །བྱང་ཆུབ་སེམས་ནི་འདི་གསུངས་སོ། །མ་སྐྱེས་
D444.081.0166b03.01པ་ཡི་ཆོས་རྣམས་ལ། །དངོས་པོ་མེད་ཅིང་བསྒོམ་པའང་མེད། །ནམ་མཁའི་གནས་སུ་སྦྱོར་བ་ཡིས། །དངོས་པོ་ཞེས་ནི་རབ་ཏུ་བཤད། །དེ་ནས་དེ་བཞིན་གདོན་མི་ཟ། །ཟིལ་གྱིས་གནོན་པའི་རྡོ་རྗེ་ཡི། །ཏིང་ངེ་འཛིན་ལ་སྙོམས་ཞུགས་ཏེ། །བྱང་ཆུབ་སེམས་ནི་འདི་གསུངས་སོ། །
D444.081.0166b04.01ཆོས་འདི་རང་བཞིན་འོད་གསལ་ཞིང་། །གཟོད་ནས་དག་པས་མཁའ་དང་མཚུངས། །བྱང་ཆུབ་མེད་ཅིང་མངོན་རྟོགས་མེད། །བྱང་ཆུབ་སེམས་ནི་ཡིན་པར་བཤད། །དེ་ནས་དཔལ་ལྡན་རྡོ་རྗེ་འཛིན། །བྱང་ཆུབ་སེམས་ནི་ཐོས་པ་དང་། །དགོངས་པའི་དོན་ནི་རབ་བཤད་པར། །རྣམ་པར་
D444.081.0166b05.01སྣང་མཛད་ཆེ་ལ་གསུངས། །དངོས་པོ་མེད་ཅིང་དམིགས་མེད་པ། །བྱང་ཆུབ་སེམས་དཔའ་མཁའ་དང་མཚུངས། །གསང་བའི་ཚུལ་ནི་འདི་ཐོས་ནས། །དངོས་པོ་ཡི་ནི་རྟོག་པ་སྐྱེ། །ལུས་ལ་སོགས་པ་གསུང་སྦྱོར་བས། །སེམས་ནི་དེ་རྣམས་སྐྱེད་པར་བྱེད། །ཡང་དག་བྱང་ཆུབ་
D444.081.0166b06.01དུ་མའི་མཐར། །འདི་ལ་སོ་སོ་སྐྱེ་བོ་སྨྲ། །ཐུབ་པའི་གསུང་ནི་དེ་རྣམས་ལ། །རང་གི་སྒྲ་བཞིན་འཛིན་པར་བྱེད། །བསམ་པའི་དབང་ནི་ཇི་བཞིན་དུ། །འགྲོ་བའི་དོན་དུ་བཀའ་སྩོལ་ཅིག །དེ་ནས་བཅོམ་ལྡན་བདག་པོ་འདི། །རྣམ་པར་སྣང་མཛད་ཐུབ་པ་ཆེ། །ལེགས་
D444.081.0166b07.01