完整藏文原文 · 德格版页 当前仅加载第 83 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་བོས་ཀྱང་། །བརྟག་པར་ནུས་པ་མ་ཡིན་ནོ། །དཀྱིལ་འཁོར་ཡེ་ཤེས་ཀྱིས་བརྟགས་པ། །སྙིང་པོ་ཕྱག་རྒྱ་སྔགས་རིག་གིས། །ལྷ་ཡི་སྦྱོར་བས་རྒྱས་བཏབ་པས། །ཆོ་ག་ཤེས་པས་བྲི་བར་བྱ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་དང་ཡང་དག་ལྡན། །ཐིག་
D477.083.0249b01.01བཞིས་ཡོངས་སུ་བྲིས་པ་སྟེ། །ཀ་བ་བརྒྱད་མཆོག་ཡང་དག་གནས། །ཀུན་ཏུ་ཡོངས་སུ་ཟླུམ་པ་སྟེ། །ཟླ་བ་དེ་ཡི་དབུས་བསམ་པ། །བདེ་བ་ཆེན་པོ་མི་ཕྱེད་པ། །གཙོ་བོ་དེ་སྟེང་བྲི་བར་བྱ། །དེ་ནི་ཚེག་དྲག་བཅས་པ་སྟེ། །ཡི་གེ་བཅུ་གསུམ་ལྡན་པ་ཡི། །ཡི་གེ་མཆོག་ཏུ་བདེ་བ་སྟེ། །
D477.083.0249b02.01རླུང་གི་དཀྱིལ་འཁོར་ཡང་དག་འབྱུང་། །ཤེས་རབ་ཅན་གྱིས་དེ་མདུན་དུ། །མི་ཕྱེད་ཡིད་ཕྱུང་བྲི་བྱ་སྟེ། །དྲག་པོའི་ཚེག་དང་འདྲེན་པར་བཅས། །བཞི་ཡིས་གཙུག་ཏུ་བྱས་པའོ། །དེ་ཡི་ལྷོ་ཡི་ཕྱོགས་སུ་ནི། །མི་སྨྲ་བ་ཡི་ཡི་གེའི་མཆོག །ཕྱག་རྒྱའི་ཡེ་ཤེས་མཆོག་ཐམས་ཅད། །
D477.083.0249b03.01སྒྲུབ་པར་བྱེད་པའི་ཡི་གེ་བྲི། །ཧ་དང་རང་ལྡན་ཚེག་དྲག་བཅས། །བཞི་པ་ཡི་ནི་དབུས་བྱས་པ། །སྔགས་ཀྱི་གཟུགས་ཀྱི་ཡི་གེ་ནི། །ནུབ་ཀྱི་ཕྱོགས་སུ་བྲི་བར་བྱའོ། །ཁྲོ་བོའི་ཡི་གེ་ཡེ་ཤེས་ཆེ། །ཡི་གེའི་ཕྱག་རྒྱའི་རྨད་བྱུང་བ། །བརྗིད་དུ་བཅས་པ་དགོད་པ་ཡི། །བྱང་གི་ཕྱོགས་
D477.083.0249b04.01སུ་བྲི་བར་བྱ། །སེམས་ཅན་ཐམས་ཅད་མཆོག་དག་དང་། །དགྱེས་པ་ཆེན་པོ་རབ་འགྲུབ་ཕྱིར། །ང་ཡི་དེ་ཉིད་གསུང་གིས་ནི། །དཀྱིལ་འཁོར་དེ་ཉིད་བསྟན་པ་ཡིན། །སངས་རྒྱས་བྱང་ཆུབ་བདེ་ཆེན་པོ། །གར་གྱིས་ཚུད་པས་རྫོགས་སངས་རྒྱས། །སེམས་ཅན་མཆོག་གིས་སྟོན་
D477.083.0249b05.01བྱེད་ན། །དེ་ཉིད་སངས་རྒྱས་བྱང་ཆུབ་འགྲུབ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུས་ནས་བཅོམ་ལྡན་འདས་ཤིན་ཏུ་དགྱེས་པ་ཆེན་པོའི་བདག་པོ་རྡོ་རྗེ་འཛིན་ཆེན་པོ་ལ་གར་མཛད་ཅིང་། རབ་ཏུ་སྤྲོས་པ་སྤྱན་གདངས་ནས། །ཞབས་དང་ཞབས་
D477.083.0249b06.01ཀྱིས་གནོན་པ་ཡིས། །སྡུད་ཅིང་འདོར་བ་འཛུགས་པར་མཛད། །གཡས་དང་གཡོན་གྱི་ཕྱག་གཉིས་ཀྱིས། །རྗིད་པའི་རྩེ་མོ་མཐའ་ལས་དགྲོལ། །ཅུང་ཟད་ཟུར་གྱིས་གདངས་པའི་སྤྱན། །མཛེས་པའི་སྤྱན་ཚུགས་རྣམ་བསྒྱུར་བས། །སྤྱན་གྱི་ཕྱག་རྒྱས་གར་མཛད་པས། །འགྲོ་
D477.083.0249b07.01