完整藏文原文 · 德格版页 当前仅加载第 83 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་གྱུར་ནའོ། །དམ་ཚིག་སྦས་པ་ཚོགས་ཀྱི་རྣམས། །དྲི་ཆུ་བྱང་ཆུབ་དམར་པོ་མཆོག །ཤ་ཆེན་སྦྲང་རྩི་མར་ཉིད་ཀྱིས། །ལུས་ལ་ཀུན་ཏུ་ཁྱབ་གནས་ཏེ། །དེ་ཡི་ཕྱིར་ནི་དམ་ཚིག་ཆེ། །དམ་ཚིག་འདི་ཡིས་དངོས་གྲུབ་སྟེ། །དམ་ཚིག་ཡི་གེར་ལྡན་པ་ཡིས། །སྦྱོར་ཅེས་སྦྱང་དང་བསྐྱེད་
D477.083.0299a01.01བྱས་ན། །བཟའ་བ་དངོས་གྲུབ་ཐོབ་པར་འགྱུར། །དེ་ནས་ཕ་རོལ་ཕྱིན་མ་ཀུན། །པདྨོའི་གཟིགས་པ་རྒྱས་པ་ཡི། །འཛུམ་བཅས་གཡོན་ནས་གར་མཛད་ཅིང་། །རྟག་པ་ལ་ནི་ཡང་གསོལ་པ། །རིགས་དེ་རྣམ་པ་དུ་རུ་བསྟན། །ཇི་ལྟར་སྦས་པ་གསུམ་ཞེས་བགྱི། །སྣ་ཚོགས་ཆེན་པོ་དེ་དག་
D477.083.0299a02.01ཀུན། །བདེ་ལ་གནས་པས་བཤད་དུ་གསོལ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཉིས་སུ་མེད་པའི་མཉམ་པ་ཉིད་ཀྱི་བདེ་བ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་དེ་བཞིན་གཤེགས་པ་ཐམས་ཅད་ཀྱི་
D477.083.0299a03.01མཆོག་ཏུ་གསང་བ་ཕ་རོལ་ཏུ་ཕྱིན་མའི་དེ་ཁོ་ན་ཉིད་རབ་ཏུ་ཕྱུང་ངོ་། །ང་ཉིད་སྦྱོར་བ་བཅོམ་ལྡན་འདས། །རྡོ་རྗེ་སེམས་དཔའ་དོན་ཆེན་སྦྱིན། །རིགས་ཀྱི་ཁྱད་པར་ལྔ་རྣམས་ཀྱིས། །སྤྱོད་བཅས་མི་སྤྱོད་རྣམས་ལ་རོལ། །རྟག་པ་མི་བསྐྱོད་རིན་ཆེན་མཆོག །འཇིག་དབང་གདོན་མི་ཟ་གྲུབ་རྣམས། །
D477.083.0299a04.01རིགས་ནི་རྣམ་པ་བརྒྱད་བསྟན་ཏེ། །མདོ་རུ་བསྡུས་ན་རྣམ་པ་ལྔ། །ལུས་དང་ངག་དང་ཡིད་རྣམས་ཀྱིས། །ཁྱད་པར་ཐེག་པ་རྣམ་པ་གསུམ། །དེ་ཉིད་གསུམ་པོ་རྡོ་རྗེ་མངའ། །བདེ་བའི་གནས་ལ་རོལ་པ་མཛད། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་མཆོག་ཏུ་ངོ་མཚར་དུ་
D477.083.0299a05.01གྱུར་ཏེ། །རང་གི་སྡོམ་པ་གསོལ་བ་འདེབས་སོ། །སྡོམ་པ་དངོས་གྲུབ་ཀུན་སྦྱིན་པ། །བརྟུལ་ཞུགས་དཀའ་ཐུབ་སྔགས་མཁན་གྱི། །དམ་ཚིག་མཆོག་ཏུ་བསྲུང་བ་རྣམས། །བཅོམ་ལྡན་གསང་བ་ཉིད་ཀྱིས་གསུངས། །དེ་ནས་བཅོམ་ལྡན་འདས་ཀུན་ཏུ་བཟང་པོ་ཆེན་པོ་མཆོག་ཏུ་ཤིན་ཏུ་དགྱེས་
D477.083.0299a06.01པའི་བདེ་བ་ལ་མངོན་པར་ཆགས་པས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པས་མཁྱེན་ཏེ། ཞལ་རབ་ཏུ་བཞད་པས་རྒྱས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་། །སྐུ་དང་གསུང་དང་ཐུགས་སྦས་པས། །ནན་ཏན་དུ་ནི་བསྲུང་བར་བྱ། །བསྲུངས་པ་ཡིས་
D477.083.0299a07.01