完整藏文原文 · 德格版页 当前仅加载第 83 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱའི་མཆོག་ཡིན་ནོ། །ཕྱག་རྒྱ་འདི་ནི་གཟི་བརྗིད་ཆེ། །ལྷ་དང་ལྷ་མིན་ཕྱག་བྱས་པ། །སངས་རྒྱས་རྡོ་རྗེ་འཛིན་ལ་སོགས། །བསྔགས་ཤིང་མཆོད་པ་བྱས་པ་ཡིན། །བཅིངས་པ་དེ་ཉིད་འབེབས་པ་དང་། །ཐམས་ཅད་ཚོགས་ནི་འཛུད་པར་བྱེད། །གདུག་པ་ཐམས་
D477.083.0289a01.01ཅད་གསོད་བྱེད་མ། །སྲིན་མོ་ཐམས་ཅད་ཟ་བར་བྱེད། །རྣལ་འབྱོར་དམ་པ་གནས་པ་ཡིས། །འདི་ཡིས་ལས་རྣམས་ཐམས་ཅད་བྱེད། །ལས་རྣམས་ཐམས་ཅད་སྒྲུབ་པ་པོ། །མི་ལྡན་དངོས་གྲུབ་མི་འགྱུར་ཏེ། །འདོད་ཆགས་ཞེ་སྡང་གཏི་མུག་རྣམས། །བསྙེན་པས་དངོས་གྲུབ་
D477.083.0289a02.01མྱུར་དུ་འཐོབ། །རྡོ་རྗེ་བཅིངས་པ་གཉིས་སུ་བྱས་ཏེ། རྒྱབ་གཉིས་རྒྱབ་སྦྱར་ཏེ། མཐེའུ་ཆུང་གཉིས་བརྐྱང་སྟེ། ཕན་ཚུན་བསྣོལ་ཁྲོས་པ་གཉིས་གྱེན་དུ་བསྒྲེང་སྟེ་སྙིང་གར་བསྟན་ནས། བརྐྱང་བསྐུམ་གྱི་ཚུལ་དུ་གནས་པ་འདི་ལས་ཐམས་ཅད་བྱེད་པའོ། །འདི་ཡིས་ཐམས་ཅད་ལས་
D477.083.0289a03.01ཀྱི་རྣམས། །ཇི་ཙམ་ཡིད་འདོད་བྱེད་པར་འགྱུར། །ཚེ་འདིར་སྡིག་པ་གང་བྱས་པ། །འདི་ཡིས་ཐམས་ཅད་འཕྲོག་པར་བྱེད། །དེ་དག་ཐམས་ཅད་མྱུར་འགྱུར་ཏེ། །དངོས་གྲུབ་ཡིད་བཞིན་རིན་ཆེན་ནོ། །ཇི་སྙེད་ནམ་མཁའི་ལམ་དག་ཏུ། །རྣལ་འབྱོར་འདི་ཡིས་འཕུར་བར་བྱེད། །རིག་
D477.083.0289a04.01འཛིན་མཆོག་ནི་མཚོན་པར་ཡང་། །ཆོ་ག་གྲུབ་པ་སླར་ཡང་འོང་། །ཐལ་མོ་མཉམ་པར་སྦྱར་ཏེ། སྦོམ་པོ་གཉིས་དབུས་སྦྱར། ལྷག་མ་འདབ་མ་ཁ་བྱེ་བ་ལྟར་བྱས་པ་ནི་པདྨའི་གདན་ནོ། །སྦོམ་པོ་གཉིས་རྩེ་མོ་ཐུར་དུ་བསྟན་པ་ནི་རྟ་གདོང་གིའོ། །གང་གིས་སྦྱོར་བྱས་སྐད་ཅིག་ཏུ། །
D477.083.0289a05.01དེ་ཡིས་དངོས་གྲུབ་ཆེན་པོར་འགྱུར། །བཅིངས་མ་ཐག་ཏུ་འཕུར་འགྱུར་བ། །འདོད་པ་བཞིན་དུ་ཉེ་བར་འགྲོ། །ས་འོག་དངོས་གྲུབ་འདོད་པ་བཞིན། །མྱུར་དུ་སླར་ཡང་ལྡོག་པར་འགྱུར། །དེ་ལ་སོགས་པ་མཐའ་ཡས་པ། །ཕྱག་རྒྱ་འདི་ནི་སྦྱོར་བ་དགེ། །ང་ནི་བསྟན་ཏེ་རྒྱལ་
D477.083.0289a06.01བའི་རྣམས། །རྣལ་འབྱོར་པ་ཡིས་དྲང་བར་བྱ། །རྣལ་འབྱོར་མ་རྣམས་ཐམས་ཅད་ཀྱང་། །ཕྱག་རྒྱའི་ཡན་ལག་མཆོག་དེས་སྦྱར། །དེ་ནས་ནམ་མཁའ་ལ་འགྲོ་བ་ཆེན་མོ་དེ་དག་སོགས་འདོད་པས་གཟིར་བ་རྣམས་རངས་ཏེ། རང་གི་གཟུགས་ནི་བསྒྱུར་བ་ཡིས། །བཞེངས་ཏེ་
D477.083.0289a07.01