完整藏文原文 · 德格版页 当前仅加载第 83 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་སྟན་ལ་ནི། །དངུལ་ལ་སོགས་པས་རྣམ་པར་བརྒྱན། །སྣ་ཚོགས་པདྨོ་དར་གྱིས་གཡོགས། །ཐམས་ཅད་སྟན་དེ་དག་ཅེས་བྱ། །དབུས་སུ་རྡོ་རྗེ་ཤིན་ཏུ་དགྱེས། །སྟན་དེ་ལ་ནི་གཞག་པར་བྱ། །ཚད་མེད་པདྨོ་དམར་འདྲ་བའི། །སྣ་ཚོགས་རྒྱན་གྱིས་རྣམ་པར་བཀླུབས། །ཡིད་
D477.083.0269b01.01བཞིན་ནོར་བུ་དབུ་རྒྱན་ལྡན། །རིན་ཆེན་གཙུག་གིས་རྣམ་པར་མཛེས། །ཚད་མེད་དར་ནི་དཔྱངས་པ་ཡིས། །དབུ་ལ་ཆུ་བོས་མཛེས་པར་བྱ། །སྣ་ཚོགས་སངས་རྒྱས་ཀུན་གྱི་བདག །སྣ་ཚོགས་ཡེ་ཤེས་རབ་ཏུ་གནས། །ཆུ་སྐྱེས་སྤྱན་ནི་ཡིད་ཙམ་རྒྱས། །དགའ་བྱེད་ཡིད་ཙམ་གཡོན་དུ་འདུད། །
D477.083.0269b02.01གཡས་པའི་ཕྱག་གིས་རྡོ་རྗེ་ཆེ། །སྙིང་གར་གསོར་ལ་ཤིན་ཏུ་བརྩོན། །དེ་ལ་སོགས་པའི་ཡོན་ཏན་ལྡན། །ཐོག་མ་ཉིད་དུ་རྣམ་པར་གཞག །སློབ་མའམ་ཡང་ན་གཞན་ཡང་རུང་། །མཚན་ཀུན་གྱིས་ནི་རྣམ་བརྒྱན་པ། །ཚུལ་བཞིན་བྱིན་གྱིས་བརླབ་བྱ་སྟེ། །དབུས་ཀྱི་དཀྱིལ་དུ་གཞག་
D477.083.0269b03.01པར་བྱ། །བདག་ཉིད་ཀྱང་ནི་མཉམ་གཞག་སྟེ། །དེ་ལ་སོགས་པ་ཡོན་ཏན་གཙོ། །དབུས་ཀྱི་སྟན་ལ་འདུག་པ་ན། །བདག་ནི་རབ་དགྱེས་ཞེས་སུ་སྨྲ། །དེས་ནི་སློབ་མ་བྱིན་བརླབས་ཏེ། །ཐམས་ཅད་ལས་བྱེད་ཕུན་སུམ་ཚོགས། །རྡོ་རྗེ་པདྨོ་ལས་བྱུང་བའི། །གསང་བ་ཡིས་ཀྱང་དབང་
D477.083.0269b04.01བསྐུར་རོ། །རབ་དགྱེས་ལ་སོགས་ཡོན་ཏན་ལྡན། །ཡིད་འོང་བུ་མོ་བཙལ་བྱས་ཏེ། །མགྲིན་པ་དཔྲལ་བ་སྙིངསྤྱི་བོར། །ལྷ་ལ་སོགས་པའི་འབྲུ་བསྒོམས་ཏེ། །མཚན་མ་ཕྱག་རྒྱར་རབ་འབར་བ། །རྡོ་རྗེ་པདྨོར་མཉམ་སྦྱོར་བའི། །རང་ལ་འཁྱུད་པའི་ཕྱག་རྒྱ་ཡིས། །ཚུལ་བཞིན་
D477.083.0269b05.01ཐམས་ཅད་གཞག་པར་བྱ། །མདུན་དུ་ལྷ་མོ་སྨྱོ་བྱེད་མ། །མ་མཆུ་འཛིན་པས་རོ་ལ་དགྱེས། །དཀར་དམར་ཁ་དོག་འདྲེས་པ་ཡི། །ཐམས་ཅད་རྒྱན་དང་ཡང་དག་ལྡན། །ལོ་ནི་བཅུ་དྲུག་ལོན་པའི་མཆོག །ཤེས་རབ་ཅན་གྱིས་མདུན་དུ་གཞག །གཡས་སུ་ལྷ་མོ་གསོད་བྱེད་མ། །མཚོན་
D477.083.0269b06.01ཆའི་མདའ་ནི་འདྲེན་པར་བརྩོན། །དོ་ཤལ་རྐང་གདུབ་དག་གིས་བརྒྱན། །ལོ་གྲངས་ཉི་ཤུ་ལོན་པ་སྟེ། །གསེར་གྱི་རི་བོ་ཞུ་བ་འདྲ། །ཆུ་སྐྱེས་སྤྱན་ནི་ཡིད་ཙམ་སྔོ། །སེམས་དཔའ་ཆེ་ལ་དགྱེས་མཛད་ཅིང་། །འདི་ནི་ཚུལ་བཞིན་གཞག་པར་བྱ། །རྒྱབ་ཏུ་ལྷ་མོ་རྨོངས་བྱེད་མ། །པདྨ་
D477.083.0269b07.01