完整藏文原文 · 德格版页 当前仅加载第 83 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཕྱིན་པའི་ཆོས་ཡིན་ཏེ། །ཚིག་དང་ཚིག་ཏུ་རྣམ་བྲལ་བའོ། །ཕྱག་རྒྱ་འདི་ནི་བཅིངས་པ་ཡིས། །ཆོས་ཀྱི་དབྱིངས་ནས་རྗེ་རུ་འགྱུར། །སངས་རྒྱས་ཀུན་གྱིས་དབང་བསྐུར་བས། །དབང་ཕྱུག་དམ་པ་དེ་འགྱུར་ཏེ། །ཐམས་ཅད་དག་པ་མོས་པ་ཡིས། །པདྨོ་དམར་པོ་མཆོག་
D477.083.0266a01.01འཛིན་འགྱུར། །པདྨོ་སྒྱུ་མ་རྣམ་མཛད་པས། །སྣ་ཚོགས་ཆེན་པོར་དེ་འགྱུར་རོ། །སྡུག་བསྔལ་ཐམས་ཅད་འཕྲོག་པར་བྱེད། །སེམས་ཅན་ཀུན་ལ་ཐམས་ཅད་སྦྱིན། །འདོད་ཆགས་ཆེན་པོ་ཉེས་སྤངས་ཏེ། །དེ་ནི་བདུད་རྩི་འདྲ་བར་འགྱུར། །འདི་ནི་མྱུར་དུ་གར་བྱས་པ། །བསྒྲུབ་པར་མི་
D477.083.0266a02.01བྱེད་ཅུང་ཟད་མེད། །འདི་ནི་པདྨོ་སྦྱོར་བ་ཡིས། །བདེ་མཆོག་རྟག་པ་ཐོབ་པར་འགྱུར། །ཤིན་ཏུ་དགྱེས་པ་ཆེན་པོའི་མྱོས་པར་བྱེད་པའི་དཔལ་པདྨོ་ཕྲེང་བ་ཞེས་བྱ་བ་ཐམས་ཅད་ཀྱི་དོན་དཔལ་ཤིན་ཏུ་དགྱེས་པར་བྱེད་པའི་ཕྱག་རྒྱའོ།། །།འདི་ཉིད་གཉིས་པའི་སྤྱི་གཙུག་ཏུ། །བསྒྱུར་ནས་
D477.083.0266a03.01གཞག་པར་བྱས་པ་ནི། །མ་ལུས་དྲི་མ་འཕྲོག་བྱེད་པ། །སྣ་ཚོགས་ཆེན་པོར་དེ་འགྱུར་རོ། །འདི་ཡིས་དབང་ནི་བསྐུར་མ་ཐག །ཁམས་གསུམ་སྣ་ཚོགས་བྱེད་པར་འགྱུར། །སྣ་ཚོགས་དབང་པོ་རྒྱལ་པོ་ཆེ། །སྣ་ཚོགས་གཟུགས་དང་སྣ་ཚོགས་བདག །སྒྲུབ་པ་ཐམས་ཅད་བདེ་དམ་པ། །
D477.083.0266a04.01འདོད་པ་ཀུན་གྱི་དབང་ཕྱུག་རྒྱལ། །འདོད་པའི་དོན་ཀུན་སྒྲུབ་བྱེད་པ། །ཐམས་ཅད་འདི་ཡིས་དངོས་གྲུབ་བོ། །བུད་མེད་འདི་ཡིས་བྱིན་རླབས་ནས། །སྔོ་བསངས་མཁུར་ཚོས་དཀར་མོ་དང་། །དེ་དང་ལྷན་ཅིག་གར་བྱས་པས། །སྣ་ཚོགས་བདག་པོ་ཆེན་པོར་འགྱུར། །སྔོ་བསངས་ཞིང་མ་
D477.083.0266a05.01ཕྲེང་མ་དག །བྱིན་གྱིས་བརླབས་ནས་དུས་གསུམ་དུ། །མཚན་གྱིས་མཐར་ནི་བསྙེན་བྱས་ནས། །ལས་ཀྱི་དངོས་གྲུབ་ཐོབ་པར་འགྱུར། །རིགས་ངན་ཅན་དང་སྨེ་མ་དང་། །གར་མཁན་དེ་བཞིན་གར་བྱེད་དག །ཕྱག་རྒྱ་ཡེ་ཤེས་བྱིན་བརླབས་ཏེ། །བསྙེན་དང་དངོས་གྲུབ་ཐོབ་པར་འགྱུར། །
D477.083.0266a06.01ཤིན་ཏུ་དགྱེས་པ་སྣ་ཚོགས་བདེ་བ་སྦྱིན་པར་བྱེད་པ་ཞེས་བྱ་བ་འདོད་པར་བྱེད་པ་ཐམས་ཅད་ཀྱི་མཆོག་སྒྲུབ་པར་བྱེད་པའི་ཕྱག་རྒྱའོ།། །།ཕྱག་རྒྱ་དེ་དག་བསྟེན་པའི་རྣམས། །གར་གྱི་ཚུལ་གྱིས་རང་གི་གནས། །དམ་ཚིག་མཆོག་གི་དམ་ཚིག་གིས། །དངོས་གྲུབ་ཆེན་པོའི་མཐུར་འགྱུར་
D477.083.0266a07.01