完整藏文原文 · 德格版页 当前仅加载第 83 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་ཀྱིས་ནི་འདི་བཅིངས་ཏེ། །མཁས་པ་ཡིས་ནི་དུས་མཚམས་ཕྱིར། །གནས་ལྔར་རབ་ཏུ་སྦྱོར་བ་ཡིས། །སྤྱི་བོར་དབང་ནི་བསྐུར་བྱས་ན། །རྡོ་རྗེ་འཛིན་པ་ཀུན་གྱི་དབང་། །དེ་ནས་དེ་ནི་ངེས་པར་འགྱུར། །ལོ་གཅིག་ཙམ་དུ་མཉམ་སྦྱོར་བས། །ཕན་ཚུན་དུ་ནི་དབང་བསྐུར་
D477.083.0292b01.01བས། །ཁམས་གསུམ་རབ་དགྱེས་བདག་པོ་རུ། །བློ་ལྡན་རྡོ་རྗེ་མི་གཡེང་འགྱུར། །དེ་ཉིད་འཁོར་ལོ་བསྐོར་བྱས་ཏེ། །སྙིང་གར་འཁོར་ལོ་བཞིན་དུ་བསྐོར། །ཟླ་བ་གཅིག་ཙམ་མཉམ་སྦྱོར་བས། །འཁོར་ལོ་བསྐོར་བ་རབ་ཏུ་བསྒྲུབ། །དེ་ཉིད་གཡོན་པར་རབ་སྦྱར་ཏེ། །རྒྱལ་མཚན་
D477.083.0292b02.01ཚུལ་དུ་ཡང་དག་སྤྲོ། །ཞག་བདུན་དུ་ནི་མཉམ་གཞག་པས། །འཇིག་རྟེན་དུ་ནི་རྒྱལ་བར་འགྱུར། །དེ་ཉིད་ཁ་ནས་བགད་པར་སྦྱར། །མཉམ་གཞག་ཟླ་བ་གཅིག་ཙམ་གྱིས། །ལས་རྣམས་ཐམས་ཅད་རབ་གྲུབ་པ། །བགད་པ་ཙམ་གྱིས་བྱེད་པར་འགྱུར། །ཐལ་མོ་དེ་ཉིད་མཉམ་བཞག་སྟེ། །
D477.083.0292b03.01རྩེ་མོ་ཁ་ཕྱེད་རྣམ་བསྒྱུར་བས། །སྦོམ་པོ་ཟེ་བར་རྣམ་བྱས་ཏེ། །ལོ་མ་ལྷག་མ་རྒྱས་པར་བྱ། །རྣལ་འབྱོར་འདི་ནི་བཅིངས་པ་ཡིས། །སྡིག་པ་ཀུན་ལས་རབ་ཏུ་གྲོལ། །བསོད་ནམས་ཆེན་པོས་བྱིན་རློབ་སྟེ། །བདེ་བྱེད་ཐམས་ཅད་གྲུབ་པར་འགྱུར། །ཐལ་མོ་དེ་ཉིད་སྙིང་གར་སྦྱར། །
D477.083.0292b04.01མཆོག་དང་ཁྲོ་མོ་གཉིས་སྦྱར་ཏེ། །དེ་གཉིས་ཚིགས་གསུམ་རབ་ཏུ་དགུག །སྦོམ་པོ་སྐྱིལ་མོ་ཙམ་དུ་བྱ། །རྣལ་འབྱོར་དག་ཏུ་སྦྱོར་བ་ཡིས། །འདི་ཡིས་ཟླ་བ་གཅིག་བྱས་ན། །འཇིག་རྟེན་གསུམ་ལས་རྣམ་རྒྱལ་རྗེར། །དཔའ་བོ་ཆེན་པོར་དེ་འགྱུར་རོ། །ཐལ་མོ་དེ་ཉིད་མཉམ་སྦྱར་
D477.083.0292b05.01ཏེ། །རང་གི་སྙིང་གར་བསྐོར་བར་བྱ། །དེ་ནས་སྔགས་མཁན་ཆོས་སྟོན་པར། །མི་གཡེང་སེམས་ཀྱིས་དེ་འགྱུར་རོ། །སྦོམ་པོ་ལྕེ་ཡི་ཚུལ་བཞག་པས། །དེ་ཉིད་ཁར་ནི་རྣམ་བཞག་ན། །འཇིག་རྟེན་ཀུན་གྱི་ཐམས་ཅད་དག །མདོར་ན་ཞག་བདུན་ཙམ་གྱིས་ཀྱང་། །དབྱིག་དང་
D477.083.0292b06.01གསེར་དང་གོས་ལ་སོགས། །བདུད་རྩི་བཏུང་བ་མཆོག་གི་རྣམས། །འདི་ཡིས་ཐམས་ཅད་འཕྲོག་བྱེད་དེ། །འགྲུབ་པར་འགྱུར་བར་གདོན་མི་ཟ། །ཐལ་མོ་དེ་ཉིད་མཉམ་སྦྱར་ཏེ། །མཆོག་རབ་གཉིས་ནི་འོག་ཏུ་གཞུག །ཆུང་ངུ་གཉིས་དང་སྦོམ་པོ་གཉིས། །སྦྱར་ཏེ་སྙིང་གར་
D477.083.0292b07.01