完整藏文原文 · 德格版页 当前仅加载第 83 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་མཁའ་འགྲོའི་དཀྱིལ་འཁོར་དུ། །གདོན་མི་ཟ་བའི་དངོས་གྲུབ་བྱེད། །ཐལ་མོ་དེ་གཉིས་མཉམ་སྦྱར་ཏེ། །མཆོག་དང་རྡོ་རྗེ་མཉམ་དུ་སྦྱར། །ཆུང་ངུ་གཉིས་ཀྱང་གདོང་སྤྲད་དེ། །སྙིང་གར་དེ་བཞིན་སྦོམ་པོ་སྦྱར། །འདི་ཡིས་རྡོ་རྗེ་ཐམས་ཅད་རྣམས། །
D477.083.0292a01.01དམ་ཚིག་འཇིགས་བྱེདརབ་མཛད་ཅིང་། །སེམས་ཅན་ཐམས་ཅད་ཕན་མཛད་མ། །དེ་ནི་དངོས་གྲུབ་འགྲུབ་པར་འགྱུར། །དེ་ཉིད་ལས་ནི་རྡོ་རྗེ་དང་། །མཆོག་ཉིད་བསྒྲེང་བའི་ཚུལ་བྱས་ཏེ། །རྡོ་རྗེ་ཐལ་མོ་གནས་པ་ཡིས། །དྲང་བའི་ཚུལ་གྱིས་དྲངས་བྱས་ན། །མི་གཡེང་
D477.083.0292a02.01དེ་ནས་དངོས་གྲུབ་བོ། །གནོད་བྱེད་ཡང་དག་ལྡན་པ་འདིས། །རྒྱལ་བ་མཆོག་ཀྱང་འདྲེན་འགྱུར་ན། །ལྷ་དང་མི་ཡི་བུ་མོ་དག །ལྷ་མིན་ལ་སོགས་སྨོས་ཅི་དགོས། །ཇི་ལྟར་ཡིད་ལ་འདོད་པ་བཞིན། །འདི་ཉིད་ཀྱིས་ནི་དངོས་གྲུབ་སྟེ། །སྔགས་ཀྱི་བཟླས་པ་མཉམ་སྦྱོར་
D477.083.0292a03.01བས། །མཆོག་ཏུ་མྱུར་དུ་འདྲེན་པར་འགྱུར། །ཐལ་མོ་དེ་ཉིད་ལས་བྱུང་ཁྲོ། །རྩེ་མོ་ཡིད་ཙམ་བཀུག་བྱས་ཏེ། །ལྷག་མ་འོད་ཟེར་རྩེ་མོ་བཞིན། །དེས་ནི་མྱོས་བྱེད་ཐོབ་པ་ཡིན། །འདི་ནི་བཅིངས་མ་ཐག་ཏུ་ཡང་། །བདེ་བར་གཤེགས་ཀྱང་དབང་བསྒྱུར་ན། །ཡིད་ལས་སྐྱེས་
D477.083.0292a04.01པ་འདོད་ཆགས་ཅན། །གཏི་མུག་ཆོས་གནས་སྨོས་ཅི་དགོས། །ཅི་དགར་འདོད་ཆགས་སྦྱོར་བ་ཡིས། །དེ་ཡིས་ལས་རྣམས་བྱེད་འགྱུར་ཏེ། །ཡང་དག་སྦྱོར་བ་ཐམས་ཅད་འགྲུབ། །སྦྱོར་དང་མི་ལྡན་དངོས་གྲུབ་མེད། །སྙིང་གར་འདི་ཉིད་ཀྱིས་བྱས་ཏེ། །མགུ་བའི་སྦྱོར་བ་བདེ་ཆེན་
D477.083.0292a05.01པོས། །རྒྱལ་བ་མཆོག་ནི་མཉེས་པར་འགྱུར། །མཆོག་གི་བཅིང་བ་འདི་ཀུན་དང་། །འདི་ཡིས་ལས་རྣམས་ཐམས་ཅད་དང་། །ཡིད་ལ་བསམ་པ་བྱེད་པ་འཐོབ། །ཕན་ཚུན་དུ་ནི་མགུ་བྱེད་ཅིང་། །མགུ་བས་དངོས་གྲུབ་མྱུར་དུ་འཐོབ། །རྡོ་རྗེ་ཐལ་མོ་མཉམ་སྦྱར་ཏེ། །རྡོ་རྗེ་
D477.083.0292a06.01བཀུག་ནས་སྦོམ་པོར་སྦྱར། །ལྷག་མ་འོད་ཀྱི་ཚུལ་དུ་གཏང་། །དགའ་བྱེད་མཆོག་ནི་ཕྱག་རྒྱ་འདི། །སངས་རྒྱས་འབྲས་བུ་དངོས་གྲུབ་འཐོབ། །རྒྱལ་སྲིད་ནོར་དང་འབྲུ་ཡི་རྣམས། །དེ་བཞིན་ནོར་བུ་འདི་དངོས་གྲུབ། །དེ་ནི་དེ་མ་ཐག་ཏུ་ཡང་། །ལྷ་དང་ལྷ་མིན་མཆོད་པར་འགྱུར། །
D477.083.0292a07.01