完整藏文原文 · 德格版页 当前仅加载第 83 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ལ་སྙོམས་པར་ཞུགས་ཏེ། གདོན་མི་ཟ་བའི་དྲག་པོ་དང་ལྡན་མ་ཆེན་མོ་ཞེས་བྱ་བའི་ཁྲོས་པའི་དབང་མོ་ཆེན་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོྃ་སརྦ་ཨ་མོ་གྷ་མ་ཧཱ་བི་ཤྭེ་ཤྭ་རི་ཧཱུྃ་ཧཱུྃ་ཧཱུྃ། ཧྃ་ཧྃ་ཧྃ། མ་ཧཱ་ཀྲོ་དྷེ་གྲ་མུ་ཁེ། མ་ཧཱ་བི་ཤྭེ་བ་ད་རི་ཎི།
D477.083.0287a01.01སརྦ་དུཥྚ། པྲ་ཤ་མ་ནི་ཧཱུྃ་ཧཱུྃ་ཕཊ། །འདི་ཉིད་ཀྱིས་ནི་ཅི་རིགས་པར། །རྡོ་རྗེ་གདོན་མི་ཟ་བ་ཡི། །དཀྱིལ་འཁོར་གཡོག་བཅས་རྣམ་པ་བཞི། །སྣ་ཚོགས་དམ་ཚིག་གཞག་བྱས་ཏེ། །སྣ་ཚོགས་གཟུགས་དང་ཁྱད་པར་ལྡན། །ཀུན་ཏུ་ཡོངས་སུ་བསྐོར་ནས་གནས། །བསྙེར་བ་དང་ནི་
D477.083.0287a02.01བཙུམས་པའི་གདོང་། །རབ་ཏུ་དྲག་ལ་རོ་མྱོང་ཞིང་། །གདོང་གཉེར་ཐོད་པའི་རྩེ་མོར་བྱས། །དཔུང་པ་བཅུ་དྲུག་གིས་བརྒྱན་པའི། །ཁྲོ་མོ་ཆེན་མོ་གདོང་གསུམ་པ། །ཟ་བྱེད་མི་བཞིན་ལྟ་བ་ཡི། །དེ་ཡི་ངོ་བོ་ཐམས་ཅད་ཀྱི། །གཡོག་ནི་རྣམ་པ་བཞི་རྣམས་ཀྱིས། །བསྐོར་བར་
D477.083.0287a03.01ཤེས་རབ་ཅན་གྱིས་གཞག །རང་གི་ཕྱག་རྒྱ་མཚན་མར་ལྡན། །དཔུང་པ་བརྒྱད་དང་ལྡན་པ་ཡི། །དེ་ནས་ཆོ་ག་ཇི་བཞིན་དུ། །འབྱུང་མོའི་ཕྱག་རྒྱ་ཡང་དག་ཞོན། །དུར་ཁྲོད་བཞིན་དུ་འཇིགས་བྱེད་པ། །ཕྱི་ཡི་རྣལ་འབྱོར་མ་ཚོགས་རྣམས། །དེ་དག་ཀུན་ཏུ་ཡོངས་སུ་བསྐོར། །
D477.083.0287a04.01གཞག་གམ་བྲི་བར་བྱ་ཡང་རུང་། །དེ་ནི་དེ་ལྟའི་སྟན་ལ་གནས། །བཞིན་མི་སྡུག་པ་དཔུང་བཞི་མོ། །གདུག་པའི་ཁྲོ་མོ་རྣམ་བསྒྱུར་བཅས། །དེ་ལ་སོགས་པའི་རིམ་པར་ལྡན། །མཁས་པས་དཀྱིལ་འཁོར་བྲི་བར་བྱ། དེ་ནས་རྣལ་འབྱོར་གྱི་དབང་ཕྱུག་ཆེན་མོ་དེ་དག་བཅོམ་ལྡན་འདས་
D477.083.0287a05.01ལ་ཕྱག་འཚལ་ཏེ། ཡང་དང་ཡང་རང་རང་གིས་མངོན་པར་གར་བྱས་པས་མངོན་པར་མཆོད་ནས་གསོལ་བ་འདེབས་སོ། །རྣལ་འབྱོར་མ་ཡི་སྔགས་ཚོགས་དང་། །ཕྱག་རྒྱ་མ་ནི་ཅི་རིགས་པར། །གསང་བའི་གར་ནི་བདེ་ཆེན་མོ། །བཅོམ་ལྡན་དེ་ཉིད་ཉིད་ཀྱིས་གསུངས། །དེ་ནས་
D477.083.0287a06.01བཅོམ་ལྡན་འདས་རྣལ་འབྱོར་མ་ཐམས་ཅད་རྣམ་པར་སྤྲོ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྣལ་འབྱོར་མ་ཐམས་ཅད་ཀྱི་སྔགས་དང་ཕྱག་རྒྱ་དང་སྦས་པ་དང་། དེ་ཁོ་ན་ཉིད་དང་། གསང་བ་རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་སརྦ་བཛྲ་
D477.083.0287a07.01