完整藏文原文 · 德格版页 当前仅加载第 83 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །འདི་ཡིས་ཐམས་ཅད་འབབ་པར་འགྱུར། །སྣ་ཚོགས་ཀྱི་ནི་སྦྱོར་བ་ཡིས། །སྣ་ཚོགས་གར་གྱིས་གར་བྱས་ན། །དཔའ་བོ་ཐམས་ཅད་ཀུན་ཏུ་འགྲོ། །ཕུན་སུམ་ཚོགས་པ་འདིས་འགྲུབ་པོ། །དཔལ་ཤིན་ཏུ་དགྱེས་པ་ཆེན་པོ་བདེ་བའི་སེམས་འཕེལ་བར་བྱེད་མ་ཞེས་བྱ་བའི་ཕྱག་
D477.083.0268b01.01རྒྱའོ།། །།དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་དཔལ་ཀུན་ཏུ་བཟང་པོ་ཤིན་ཏུ་དགྱེས་པ་ཆེན་པོ་བདེ་བའི་བདག་ཉིད་རྣམ་པར་སྣང་མཛད་ཆེན་པོ་བཤད་པ་མཐས་ཀླས་པ་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་ཟླ་གསང་ཐིག་ལེ་མཆོག་ཏུ་ཕ་
D477.083.0268b02.01རོལ་ཏུ་ཕྱིན་པ། གསང་བ་ཆེན་པོ་དམ་ཚིག་གི་ཕྱག་རྒྱའི་ཡེ་ཤེས་ཀྱི་དཀྱིལ་འཁོར་ཤིན་ཏུ་དགྱེས་པ་རྡོ་རྗེ་གདོན་མི་ཟ་བའི་དཀྱིལ་འཁོར་ཆེན་པོ་བསྐལ་པའི་མཐའ་ཀླས་པ་ཞེས་བྱ་བ་གསུམ་པ་རྫོགས་སོ།། །།དེ་ནས་བཅོམ་ལྡན་འདས་ཀུན་ཏུ་བཟང་པོ་ཆེན་པོ་གསང་བའི་ཕ་རོལ་
D477.083.0268b03.01ཏུ་ཕྱིན་པའི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་འདི་བཤད་ནས་སླར་ཡང་བདེ་བར་ཅང་མི་གསུང་བར་གནས་པར་གྱུར་ཏོ། །དེ་ནས་དེ་བཞིན་གཤེགས་པ་དེ་དག་ཐམས་ཅད་དང་། ཕ་རོལ་ཏུ་ཕྱིན་མ་རྣལ་འབྱོར་མ་ཆེན་མོའི་ཚོགས་ཐམས་ཅད་དང་། ནམ་མཁའ་ལ་འགྲོ་བ་དང་།
D477.083.0268b04.01ནམ་མཁའ་ལ་འགྲོ་མའི་ཚོགས་ཐམས་ཅད་ངོ་མཚར་དུ་གྱུར་ནས་ཕྱི་ནང་གི་རྡོ་རྗེའི་རིགས་སུ་གཏོགས་པ་འཕྲོག་པར་བྱེད་པའི་ཚོགས་ཐམས་ཅད་ལ་སླར་དབུགས་ཕྱུང་སྟེ། དེ་ལས་བཞེངས་ནས་གར་མཛད་ཅིང་རབ་ཏུ་དགྱེས་པའི་སྤྱན་རྒྱས་པས་བཅོམ་ལྡན་འདས་ལ་ཡང་དང་ཡང་དུ་ལྟ་ཞིང་དབྱངས་ཀྱི་
D477.083.0268b05.01མཆོག་བདེ་བ་འདི་གླུ་བླངས་ཏེ་དགྱེས་པར་བྱེད་དོ། །རྣམ་མང་བདེ་བའི་རོལ་པས་བདག་ཉིད་ཆེན་པོ་ཡིས། །སྐྱེ་དང་མི་སྐྱེའི་ཆོས་ཉིད་ཡ་མཚན་རྨད་དག་དཔལ་བསྟན་པ། །ཤིན་ཏུ་བདེ་བའི་དཀྱིལ་འཁོར་འཇིག་རྟེན་འདིར་བྱུང་སྟེ། །རང་བཞིན་དག་པའི་གཟུངས་མའི་དཀྱིལ་ནས་བསྐྱེད་པར་མཛོད། །
D477.083.0268b06.01ངོ་མཚར་རྨད་དུ་བྱུང་བའི་ཆོས་ཉིད་བདེ་བས་རོལ་མཛད་ཅིང་། །བདུད་རྩིའི་རང་བཞིན་འདུས་པ་རྣམས་ལ་དབུགས་འབྱིན་ཅིང་། །གསང་བའི་ཐིག་ལེའི་དངོས་ཉིད་ནམ་མཁའ་འདྲ་བ་རྣམས་སྤྱད་དེ། །བདེ་བ་ཕུན་སུམ་ཚོགས་པའི་ལོངས་སྤྱོད་རྒྱུ་ལ་དབང་མཛད་པས། །བྱང་ཆུབ་མཆོག་གི་
D477.083.0268b07.01