完整藏文原文 · 德格版页 当前仅加载第 83 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ནི་འདོད་ཆགས་ཞེན་སེམས་ཤིང་། །པདྨོ་སྦྱར་བས་བསྒོམ་པར་བྱ། །མཚམས་ཀྱི་མཐའ་མ་དུས་དག་ཏུ། །དམ་ཚིག་འདི་ནི་སྤྱད་བྱས་ན། །ཟླ་བ་ཕྱེད་ཀྱི་ནང་ལོགས་སུ། །དབང་ཕྱུག་མོ་ནི་དངོས་གྲུབ་འཐོབ། །པདྨོ་ཆེ་ལས་བྱུང་ནས་ཀྱང་། །ཐམས་ཅད་དུ་ནི་
D477.083.0278a01.01རྒྱས་འགྱུར་ཏེ། །འདི་ཉིད་དུ་ནི་སླར་ཞུགས་ནས། །པདྨོའི་ཚུལ་གྱིས་གནས་པར་འགྱུར། །ཀུན་ཏུ་སྣང་བས་ཁྱབ་བྱས་ན། །སེམས་དཔའི་ཚུལ་གྱིས་སྤྲུལ་པ་ནི། །དེ་ནས་འདོད་ཆགས་བབས་ནས་ཀྱང་། །པདྨའི་དབུས་སུ་ཞུགས་པར་འགྱུར། །དཀྱིལ་འཁོར་དུ་ནི་གང་བ་ཡིས། །རྒྱབ་
D477.083.0278a02.01ནས་རྗེས་སུ་མཉེས་མཛད་ཅིང་། །འཛུམ་བཅས་པདྨ་ཕྱེ་བ་ཡིས། །ཐུགས་ཀྱི་དབུས་སུ་ཡིད་ཙམ་འདུད། །དཔལ་དང་ལྡན་པ་ཞལ་ལྔ་འཛིན། །ཕྱག་ནི་ཉི་ཤུར་བཞིས་མ་གཏམས། །མཚོན་ཆ་རྣམ་པ་སྣ་ཚོགས་འཛིན། །སྣ་ཚོགས་རྒྱན་གྱིས་བཀླུབས་པ་ཡིས། །ཟླ་བ་བཞིན་དུ་རྣམ་
D477.083.0278a03.01གྲོལ་བ། །བརྗིད་པའི་གར་ནི་མཛད་ཅིང་བཞུགས། །འདི་ཡིས་པདྨའི་གནས་ཉིད་དུ། །ཚེ་འདི་ཉིད་ལ་ཐོབ་པར་འགྱུར། །དཔལ་ལྡན་གར་དབང་འཐོབ་འགྱུར་ཏེ། །འདོད་ཆགས་ཀུན་གྱིས་ཐབས་གནས་པས། །འཇམ་པའི་ཕྱག་ནི་སྟོང་རྣམས་ཀྱིས། །གར་དུ་མཛད་ཅིང་འགྲོ་བ་
D477.083.0278a04.01འདུལ། །དེ་ནས་བཅོམ་ལྡན་འདས་ཤིན་ཏུ་དགྱེས་པ་ཆེན་པོའི་བདེ་བ་ཆེན་པོ་ཀུན་ཏུ་བཟང་པོས་ཡང་སྣ་ཚོགས་ཆེན་པོ་ཀུན་ཏུ་ལོངས་སྤྱོད་པའི་རྣམ་པར་འགྱུར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེའི་ཡེ་ཤེས་མཆོག་ཏུ་གསང་བ་ཟླ་གསང་ཐིག་
D477.083.0278a05.01ལེ་ཆེན་པོ་ལས་ཕྱུང་ངོ་།། །།སྣ་ཚོགས་ཆེན་པོ་ཨོ་ཆེན་པོ། །སྟེང་དུ་ཐིག་ལེར་ཡང་དག་ལྡན། །འདི་ནི་དབུས་ཏེ་ལྟ་འོག་ཁྲོ། །སྔགས་ཀྱི་མཆོག་ནི་གཞག་པར་བྱ། །སྣ་ཚོགས་འདི་ནི་ཐུགས་ཀར་གྲགས། །སྣ་ཚོགས་ཕྱུང་ནས་ཀུན་གནང་བས། །སངས་རྒྱས་ཚུལ་བཞིན་ཀུན་
D477.083.0278a06.01མཉེས་བྱས། །དེ་ཉིད་སླར་འཁོར་རབ་བཞུགས་ཏེ། །སྣ་ཚོགས་རྡོ་རྗེ་གཟུགས་མཆོག་གནས། །སྐད་ཅིག་སེམས་དཔའ་སྐུ་གནས་པ། །རྣམ་པ་སྣ་ཚོགས་བཞད་པས་བརྒྱན། །འགྱིང་བཅས་ཐུགས་ཀར་སྣ་ཚོགས་འཛིན། །སྣ་ཚོགས་གཟི་བརྗིད་འབར་བ་གཏོང་། །ཕྱག་ནི་བརྒྱད་
D477.083.0278a07.01