完整藏文原文 · 德格版页 当前仅加载第 83 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
འོན་ཀྱང་བ་སྤུའི་བུ་གའི་རྩེའུ་ཆུང་ཚད་ཙམ་ཡང་མ་འགུལ་ཏོ། །དེ་ནས་ཡང་འཇིགས་བྱེད་ཆེན་པོ་འདུལ་བར་བྱེད་པའི་ཁྲོ་བོ་དེས་ཧེ་རུ་ཀའི་ང་རོ་འབྱིན་ཅིང་མགོ་བོར་མནན་ནས་བསྣུན་ཏེ་ཧེ་རུ་ཀས་བདག་ཉིད་ཀྱི་མཐུ་ཆེན་པོས་འཇིགས་བྱེད་ཆེན་པོའི་ང་རོ་འབྱིན་ཅིང་རྒྱུ་མའི་སྦུ་གུ་དྲངས་ནས་ཁྲག་
D477.083.0283b01.01དང་རུས་པ་དང་རྐང་རྣམས་ཟ་ཞིང་ཆེམ་ཆེམ་མཛད་པས། དེའི་འཁོར་ལ་རབ་ཏུ་སྟོན་པར་མཛད་དེ། ཨུ་མ་དང་འགའ་འགའ་ཡང་རྣམ་པར་བཅོམ་མོ། །མ་མོའི་ཚོགས་ཐམས་ཅད་ཀྱང་སྒྲེན་མོར་བྱས་ཏེ་དམའ་ཕབ་ནས། ཁྲོ་བོ་བདག་ཉིད་ཀྱི་མཐུ་ཉེ་བར་སྤེལ་ཅིང་འཁོར་ཐམས་
D477.083.0283b02.01ཅད་ཀྱང་བཏུལ། སྐྱབས་ལེན་དུ་ཡང་བཅུག །དམ་ཚིག་ལ་ཡང་གནས་པར་བྱས་ཏེ་ཡང་དག་པར་ཞུགས་སོ། །དེ་ནས་བཅོམ་ལྡན་འདས་རྡོ་རྗེ་ཤིན་ཏུ་དགྱེས་པ་ཆེན་པོ་ཁྲོ་བོ་ཆེན་པོ་དྲག་པོ་བཞེད་པས་བཞད་ཅིང་རྡོ་རྗེའི་ཁྲོ་གཉེར་ཁྲོ་བོ་ཆེན་པོའི་ཞལ་ནས་མ་འཇིགས་ཤིག །མ་འཇིགས་
D477.083.0283b03.01ཤིག་ཅེས་དབུགས་འབྱིན་པར་བྱེད་དོ། །དེ་ནས་བཅོམ་ལྡན་འདས་རྡོ་རྗེ་ཤིན་ཏུ་དགྱེས་པ་ཁྲོ་བོ་ཆེན་པོས་ཁྲོ་བོའི་ཚོགས་ཀུན་ལ་བཀའ་སྩལ་པ། ན་མོ་རཏྣ་ཏྲ་ཡཱ་ཡ། མ་ཧཱ་ཙཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེནཱ་པ་ཏཱ་ཡེ། ཏཏྱ་ཐཱ། ཨོཾ་བོ་དྷ་བོ་དྷ། མ་ཧཱ་བྷཻ་ར་བ་ད་ར་བ་པ་ཧཱ་རི་ཧ་ར་ཧ་ར། གྲཱྀཧྞ་
D477.083.0283b04.01གྲཱིཧྞ། མཱ་ར་མཱ་ར། བྷཉྫ་བྷཉྫ། ཤཱིགྷྲྃ་མ་ཧཱ་བཛྲ། ཙནྜ་སརྦ་དུཥྚཱཾ། ཏ་ཀ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། མ་ཐ་མ་ཐ་ཧཱུཾ་ཕཊ། འདི་གསུངས་མ་ཐག་ཏུ་འཇིགས་བྱེད་ཆེན་པོའི་འདུལ་བར་བྱེད་པས་རང་གི་སྐུ་ནམ་མཁའི་དབྱིངས་ཀྱི་ཚད་དུ་བསྐྱེད་དོ། །ཁྲོ་བོ་བརྒྱ་སྟོང་མང་པོ་རྣམ་པར་བསྙེར་
D477.083.0283b05.01བའི་ཞལ་མཆེ་བ་གཙིགས་ཏེ། འཁྱིལ་ཞིང་བསྒྱུར་བ། ཕྱག་བརྒྱ་སྟོང་མང་པོ་ལ་མཚོན་ཆ་སྣ་ཚོགས་འཛིན་པ་ཞལ་སྣ་ཚོགས་མང་པོ་བརྒྱ་སྟོང་མེ་ལྕེ་བཞིན་དུ་རབ་ཏུ་འབར་བའི་སྐུ་བརྒྱ་སྟོང་རྣམས་འཇིགས་བྱེད་ཆེན་པོ་ག་ན་བ་དེར་སོང་སྟེ། རྡོ་རྗེ་དྲག་པོའི་གད་མོ་ཆེར་འབྱིན་པས་བཞད་
D477.083.0283b06.01ཅིང་མདུན་ན་གནས་སོ། །ཨོྃ་མ་ཧཱ་བཛྲ་ཧེ་རུ་ཀ་བཛྲ་ཨཊྚཱཊྚཱ་ཧཱ་ས་ཧཱ་ས་ར་ཧ་ཧ་ཧ་ཧ་ཧཱུྃ་ཧ་ཨི་ཏི། དེ་ནས་དབང་ཕྱུག་ཆེན་པོས་རྡོ་རྗེ་དྲག་པོ་བཞད་པ་ཆེན་པོ་ཐོས་ནས་གཡོག་དང་བཅས་པར་ཁས་བུབ་ཏུ་འགྱེལ་ཏེ་བརྒྱལ་བར་གྱུར་ནས། མགོ་ལ་ཞབས་ཀྱིས་བསྣུན་ཏེ་གཏོང་བར་མཛད་དོ། །
D477.083.0283b07.01