完整藏文原文 · 德格版页 当前仅加载第 83 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་ལྡན། །ཟླ་བ་གསང་བའི་ཐིག་ལེ་ལ། །མེ་ཏོག་དང་ནི་འདྲ་བ་ཉིད། །རླུང་གིས་ཕུལ་བ་བསྐྱོད་པར་བྱ། །དེ་ནི་བསྐྱོད་པས་འགྲུབ་པ་སྟེ། །དེ་བཞིན་དུ་ཡང་བསྐུལ་བར་བྱ། །རྒྱུན་གྱི་ཕྲེང་ནི་འོད་གསལ་བཞིན། །བློ་ལྡན་རྟག་ཏུ་བསྒྲུབ་པར་བྱ། །བདུད་རྣམས་ཐམས་
D477.083.0295b01.01ཅད་འདྲེན་པ་ནི། །ལྷ་མོ་རྣམས་ནི་སྙིང་པོར་བཤད། །ཞགས་པའི་ཚུལ་གྱིས་གཞུག་པ་དང་། །དེ་བཞིན་དགང་བ་བཅིང་བའོ། །བསྒྲུབ་པ་ལྷ་ཡི་སྦྱོར་བ་སྟེ། །རྗེས་སུ་སྒྲུབ་པ་ལྷ་མོའི་དོན། །སྒྲུབ་པ་ཆེན་པོ་གཉི་གའི་རྒྱ། །མཉམ་པར་སྦྱོར་བ་རྡོ་རྗེའི་མཆོག །ཉེ་བར་སྒྲུབ་
D477.083.0295b02.01པ་གཉི་ག་གནས། །ཤིན་ཏུ་སྒྲུབ་པ་བདེ་དམ་པ། །སོ་ཡི་རྩེ་མོས་མཆུ་བཟུང་སྟེ། །མ་མཆུ་མཆོག་ནི་བསྡམ་པར་བྱ། །སྦྱོར་བ་རབ་སྦྱོར་སྐལ་ལྡན་པའི། །རབ་དགྱེས་རོ་མྱང་བདེ་དམ་པ། །ལྷ་དང་ལྷ་ཉིད་ཡང་དག་སྦྱོར། །འདི་ནི་གཉིས་སུ་མེད་ཅེས་བྱ། །སྙིང་པོ་
D477.083.0295b03.01ཕྱག་རྒྱ་སྔགས་རིག་གིས། །ཉིད་ཀྱི་གཟུགས་ནི་བསྒྲུབ་བྱ་སྟེ། །བདག་ནི་སེམས་དཔའོ་ཞེས་བསམས་ན། །འདི་ནི་གཉིས་མེད་མྱུར་དུ་འགྱུར། །གཟུགས་དང་སྒྲ་ལ་སོགས་པའི་ལྷའི། །དངོས་གྲུབ་ཐམས་ཅད་བསྒྲུབ་པར་བྱ། །སྦྱོར་དང་རབ་སྦྱོར་སྦྱོར་ཆེ་བ། །རྒྱལ་བ་ཀུན་
D477.083.0295b04.01གྱི་མཆོག་གིས་གསུངས། །བཅོམ་ལྡན་རྡོ་རྗེ་སྦྱོར་བ་སྟེ། །རབ་ཏུ་སྦྱོར་བ་མཁའ་ལ་འགྲོ། །ཕྱག་རྒྱ་དེ་དག་རབ་སྦྱོར་བ། །སྦྱོར་བ་ཆེན་པོ་བསྒྲགས་པ་ཡིན། །འདི་ཡིས་དཔའ་བོ་ཐམས་ཅད་དང་། །སངས་རྒྱས་ཀུན་དང་མཉམ་སྦྱོར་བ། །སྦྱོར་བའི་དབང་པོ་བདེ་བ་ཆེ། །ཚེ་
D477.083.0295b05.01འདི་ཉིད་ལ་འཐོབ་པར་འགྱུར། །ཕྱག་རྒྱ་འདི་ཡིས་རྒྱས་བཏབ་ན། །རྡོ་རྗེའི་བདག་པོ་ཆེན་པོར་འགྱུར། །མཉམ་པར་སྦྱོར་བ་སྦྱར་བ་ཡིས། །འཇིག་རྟེན་གསུམ་པོ་མྱུར་དུ་རྒྱལ། །ཡང་དག་སྦྱོར་བ་སྦྱར་ཚུལ་གྱིས། །དྲངས་ཏེ་རབ་ཏུ་བཅུག་ནས་ཀྱང་། །རྡོ་རྗེ་བརྟན་པོས་བསྐུལ་
D477.083.0295b06.01བྱས་ཏེ། །ཤིན་ཏུ་འདོད་པས་འདོད་པ་བསྐྱེད། །མཁའ་འགྲོ་ཐམས་ཅད་ཐབས་མཁས་ལྡན། །རྒྱས་དང་དེ་བཞིན་ཟག་པར་བྱ། །འདི་ནི་ཡང་དག་སྦྱོར་བ་སྦས། །སྦས་པ་རྣལ་བྱོར་མ་དཀྱིལ་ལོ། །འདི་ཡིས་ཡང་དག་དངོས་གྲུབ་བླང་། །རྫུ་འཕྲུལ་ཆེན་པོ་འབྲས་
D477.083.0295b07.01