完整藏文原文 · 德格版页 当前仅加载第 83 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིབ་དང་དེ་བཞིན་བཏུང་བ་དང་། །ཐེ་ཚོམ་མེད་པའི་སེམས་ཀྱིས་ནི། །དམ་ཚིག་དང་ནི་བསྒྲུབ་པར་བྱ། །ཕྱག་རྒྱ་འདི་ཡིས་རྣལ་འབྱོར་པ། །མི་གཡོ་ཚེར་ནི་དངོས་གྲུབ་སྟེ། །སངས་རྒྱས་བྱང་ཆུབ་དངོས་གྲུབ་དང་། །བསྐལ་པར་གནས་པ་སྨོས་ཅི་དགོས། །འདི་ནི་
D477.083.0256a01.01དངོས་གྲུབ་འཐོབ་མ་ཐག །པདྨ་འཛིན་པའི་རྗེས་འགྱུར་ཏེ། །ལག་ན་པདྨ་འབར་ཁྱེར་བཞིན། །བློ་ལྡན་མི་གཡེང་བསྐལ་པར་གནས། །བརྗིད་པས་དཔལ་དགྱེས་ལྷན་ཅིག་ཏུ། །བདེ་ལྡན་ཞིང་དུ་འགྲོ་འགྱུར་ཏེ། །རྣལ་འབྱོར་ཆེན་པོ་དེར་ཕྱིན་ནས། །བདེ་ལྡན་གྱི་མཆོག་གཙོ་བོ་
D477.083.0256a02.01ཡི། །པདྨོའི་གཟུགས་ཀྱི་དཀྱིལ་འཁོར་དུ། །དེ་ནི་བདེ་བར་གནས་པར་འགྱུར། །བདེ་ལྡན་རྟག་ཏུ་འགྲོགས་འགྱུར་བ། །དངོས་གྲུབ་ཡེ་ཤེས་བདེ་མྱོང་འགྱུར། །ཡི་གེ་ཡི་ནི་ཕྱག་རྒྱ་འདིས། །པདྨ་ལས་སྐྱེས་གཟུངས་གཟུང་སྟེ། །བྱིན་གྱིས་བརླབས་ནས་བདེ་མྱངས་ན། །པདྨ་
D477.083.0256a03.01བདེ་བའི་བདག་པོར་འགྱུར། །གཞན་གྱི་བུད་མེད་བདག་ཉིད་ཀྱིས། །ཕྱག་རྒྱ་འདི་ཡིས་རྒྱས་བཏབ་སྟེ། །བསྟེན་བྱས་འདོད་པའི་གཟུགས་ཉིད་དུ། །སྔགས་མཁན་འགྱུར་བ་གདོན་མི་ཟ། །སྡུག་ཅིང་ལ་སོགས་བརྒྱན་པ་ཡི། །ཉི་མའི་འོད་ཟེར་གསར་བྱུང་བཞིན། །དྲི་མེད་ཡངས་
D477.083.0256a04.01པའི་ལྟ་བ་ཡིས། །པདྨ་སེམས་དཔའི་ཚེ་འགྲུབ་པོ། །ཇི་ཙམ་ནམ་མཁར་ཉེ་བར་ནི། །དཔའ་བོ་ཆེན་པོ་འཕུར་བྱེད་དེ། །རིག་མ་འབུམ་ཕྲག་བརྒྱ་ཚོགས་ཀྱི། །ལྷ་མོ་ཡིས་ནི་མཆོད་པ་བྱེད། །སངས་རྒྱས་སྲས་དང་བཅས་ཀུན་གྱིས། །སངས་རྒྱས་ཀུན་གྱིས་བདག་ཉིད་མཆོད། །
D477.083.0256a05.01འཁོར་བ་ཉིད་ན་གནས་པའི་ཚེ། །འཁོར་བའི་དྲི་མས་མི་གོས་སོ། །ཕྱག་རྒྱ་འདི་ཡིས་རྒྱས་བཏབ་ན། །རྟག་ཏུ་ཉོན་མོངས་དག་འགྱུར་ཏེ། །སྨན་གྱི་ཕྱེ་མ་སྦྱོར་བ་ཡིས། །སྦྲུལ་ནི་གསོད་པར་གྱུར་པ་བཞིན། །ཟླ་གསང་ཐིག་ལེའི་དགའ་བྱེད་འདི། །ཚེ་འདི་ཉིད་ལ་འཐོབ་འགྱུར་
D477.083.0256a06.01ཏེ། །འདི་ཡི་མཐུ་ཡི་ངོ་བོ་ཡིས། །དགོས་པ་ཐམས་ཅད་དངོས་གྲུབ་བོ། །གང་འདོད་དངོས་གྲུབ་དོན་ཡོད་པ། །འཁོར་བ་འདི་དང་ཕ་རོལ་གྱི། །མཐུ་ཆེན་ཕྱག་རྒྱ་འདི་ཉིད་ཀྱིས། །དྲན་པ་ཙམ་གྱིས་དེ་དངོས་འགྲུབ། །ཤིན་ཏུ་དགྱེས་པ་པདྨའི་ཕྲེང་བ་ཞེས་བྱ་བའི་ཡི་གེའི་ཕྱག་རྒྱ་ཡེ་ཤེས་
D477.083.0256a07.01