完整藏文原文 · 德格版页 当前仅加载第 83 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
བས་སྦྱོར་བྱས་ཏེ། །ཅི་རིགས་ནུབ་ཏུ་གཞག་པར་བྱ། །སྣ་ཚོགས་ལུས་དང་བསྲུང་བ་དང་། །གནོད་སྦྱིན་མ་དང་ཡང་དག་འཕྲོག །སྔགས་དང་ཕྱག་རྒྱས་བྱིན་བརླབས་ཏེ། །སྔགས་མཁན་ཅི་རིགས་བྱང་དུ་གཞག །ཤར་གྱི་གྲྭ་རུ་གཞག་པ་ནི། །བྱ་རོག་གདོང་སྟེ་མིག་འདྲ་ཞིང་། །
D477.083.0270b01.01འཇིགས་པའི་མིག་དང་འཇིགས་པའི་གདོང་། །ཇི་ལྟར་རྗེས་སུ་མཐུན་བྱས་ཏེ། །{ཡི་དགས་,ཡི་དྭགས་}སྟན་ལ་ཡང་དག་འདུག །སྣ་ཚོགས་མཆོག་གི་མདོག་འཛིན་ཏེ། །ལག་པ་གྲི་དང་འཁར་གཞོང་ཐོགས། །མཆོག་ཏུ་ཤ་དང་ཁྲག་ཟ་བའོ། །ནུབ་དང་ལྷོ་ཡི་མཚམས་གཞག་པ། །བཞད་དང་
D477.083.0270b02.01འུག་པའི་གདོང་རིང་མ། །ཁྲོས་པའི་ཁྱི་དང་ཕག་གི་གདོང་། །གསུས་པོ་ཆེ་ལ་ལྟོ་འཕྱངས་མ། །ནུབ་བྱང་གི་ནི་མཚམས་དག་ཏུ། །རྔ་མོ་བོང་བུའི་གདོང་འཛིན་དང་། །ཁྲོས་པའི་ར་དང་བྱི་ལའི་གདོང་། །རྒྱུ་མའི་མགོ་ནས་ཟ་བྱེད་རྣམས། །ཤར་དང་བྱང་གི་མཚམས་དག་ཏུ། །ཀེང་རུས་
D477.083.0270b03.01དཀར་པོ་འཛིན་པ་སྟེ། །ཁྲོས་པ་རུས་པའི་ཕྲེང་བས་བཀླུབས། །ལྟོ་འཕྱངས་མོ་ལ་བུམ་པ་འཛིན། །ཕན་ཚུན་འཐབ་པར་བརྩོན་པ་ཡི། །ཅེ་སྤྱང་གི་ནི་འཁོར་གྱི་རྣམས། །འཇིགས་བྱེད་གདོང་ནི་མཆེ་བ་འབྱིན། །རྣམ་པར་འགྱུར་བས་གཟུགས་འཛིན་པའོ། །སྒོ་སྲུང་གི་ནི་ཕྱོགས་ཀུན་དུ། །
D477.083.0270b04.01སྒོ་བཞི་རྣམས་སུ་གཞག་བྱ་བ། །བྱང་གི་ཕྱོགས་སུ་འབོད་འགྲོགས་ཏེ། །བུམ་པའི་རྣ་ནི་ཤར་ཉིད་དུ། །ནུབ་ཏུ་རྣམ་པར་འཇིག་པའོ། །ལྷོར་ནི་གཤིན་རྗེའི་རྒྱལ་པོ་གཞག །དེ་དང་གཞན་ཡང་རྒྱལ་པོ་མཆོག །ནམ་མཁའ་འགྲོ་བས་ཀུན་ཏུ་བསྐོར། །བུམ་པ་རྣམ་པ་སྣ་ཚོགས་ཏེ། །
D477.083.0270b05.01གསེར་དང་དངུལ་ལས་བྱས་པ་ལ། །སྣ་ཚོགས་གོས་ཀྱིས་ཡང་དག་དཀྲིས། །མེ་ཏོག་འབྲས་བུ་རྣམས་ཀྱིས་བརྒྱན། །བདུད་རྩི་ལྔ་ཡིས་གང་བྱས་པ། །སྨན་ལྔ་དང་ནི་ཡང་དག་ལྡན། །རིན་ཆེན་ལྔ་དང་ལྡན་བྱས་པ། །འབྲུ་སྣ་ལྔ་ཡིས་བརྒྱན་བྱས་པའི། །བུམ་པ་བཅུ་དྲུག་གཞག་
D477.083.0270b06.01བྱས་ཏེ། །བཅུ་གཉིས་བརྒྱད་དམ་ཡང་ན་ཕྱེད། །ཐ་ན་ཆུང་ངུ་གཅིག་ཙམ་ཡང་། །ཇི་ལྟར་རིམ་བཞིན་གཞག་བྱས་ཏེ། །དབུས་སུ་བུམ་པ་རོ་ཡི་མཆོག །དམ་ཚིག་ཆུས་ནི་གང་བྱས་པ། །གསེར་རམ་དངུལ་ལམ་ཟངས་ཀྱང་རུང་། །ལྕགས་སམ་ས་ལས་བྱས་པ་ལ། །ཟླ་བ་ཉི་མ་དྲི་ཆུ་དང་། །
D477.083.0270b07.01