完整藏文原文 · 德格版页 当前仅加载第 83 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
དགྱེས་པའི་དབང་པོ་ཤིན་ཏུ་དགྱེས་པ་ཆེན་པོའི་རོ་མཆོག་གི་རྒྱལ་མཚན་དང་ལྡན་པ་ཞེས་བྱ་བ་སེམས་ཅན་ཐམས་ཅད་ཀྱི་དོན་ཐམས་ཅད་གྲུབ་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་པོ་ཟླ་གསང་ཐིག་ལེ་བཤད་པའི་རྒྱལ་པོ་ལས། ཆོས་ཀྱི་
D477.083.0263b01.01འཁོར་ལོ་སྟེ་གཉིས་པའོ།། །།དེ་ནས་བཅོམ་ལྡན་འདས་ཤིན་ཏུ་དགྱེས་པ་ཆེན་པོ་དཔལ་རྡོ་རྗེ་སེམས་དཔའ་ཀུན་ཏུ་བཟང་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཤིན་ཏུ་དགྱེས་པ་ཆེན་པོ་གདོན་མི་ཟ་བའི་རྒྱལ་པོ་ཞེས་བྱ་བའི་དཀྱིལ་འཁོར་ཆེན་པོ་བཤད་
D477.083.0263b02.01ནས་ཅང་མི་གསུང་བར་གྱུར་ཏོ། །དེ་ནས་ནམ་མཁའི་དབྱིངས་ཐམས་ཅད་ཀྱི་རྡུལ་ཕྲན་དང་མཉམ་པའི་དེ་བཞིན་གཤེགས་པ་དེ་དག་ཐམས་ཅད་གསང་བའི་གཟུངས་དང་གཡོག་ཏུ་བཅས་པ་རྣམས་ཀྱིས་ཡོངས་སུ་བསྐོར་བ། བྱང་ཆུབ་སེམས་དཔའི་འཁོར་ཆེན་པོ་དང་བཅས་པ་རྣམས་
D477.083.0263b03.01ཀྱིས་མདུན་དུ་བྱས་པ་མ་ལུས་པ་ལུས་པ་མེད་པའི་ནམ་མཁའ་ལ་འགྲོ་བ་དང་། ནམ་མཁའ་ལ་འགྲོ་བའི་ཚོགས་དང་ལྡན་པ། ཕྱི་ནང་གི་ཕོ་ཉ་དང་ཕོ་ཉ་མོ་རབ་ཏུ་རྒྱས་པ་རྣམས་ཤིན་ཏུ་ངོ་མཚར་རྨད་དུ་གྱུར་ཏེ། དགྱེས་ཤིང་སྤྱན་ནི་རྒྱས་པ་ཡིས། །བཞེངས་ནས་དགྱེས་པ་ཆེན་པོ་
D477.083.0263b04.01ཡི། །བརྗིད་པའི་ཕྱག་གིས་གར་མཛད་ཅིང་། །ཐལ་མོ་སྦྱར་ནས་གཙུག་ཉིད་དུ། །བཞག་པ་ཡིས་ནི་འདུད་པ་བྱེད། །བསྐུལ་བ་ཡིས་ནི་དབྱངས་འདི་ཡིས། །དེ་དག་གཙོ་ལ་མཉེས་པར་བྱེད། །ཀྱེ་མའོ་ཆོས་ནི་ངོ་མཚར་ཆེ། །ཀྱེ་མའོ་སྤྱོད་པ་ངོ་མཚར་ཆེ། །ཀྱེ་མའོ་
D477.083.0263b05.01སྦས་པ་ངོ་མཚར་ཆེ། །ཀྱེ་མའོ་བདེ་བ་ཡང་དག་འབྱུང་། །ཀྱེ་མའོ་ཀུན་ཏུ་བཟང་པོའི་དོན། །ཀྱེ་མའོ་རབ་དགྱེས་ཡང་དག་འགྲོགས། །ཀྱེ་མའོ་བདེ་བ་དག་པ་ཆེ། །ཀྱེ་མའོ་བདེ་བ་བདེ་མཆོག་སྟེ། །ཀྱེ་མའོ་སྔགས་ཀྱི་ཡང་དག་སྦྱོར། །ཀྱེ་མའོ་སྙིང་པོ་ཡང་དག་བསྡུས། །ཀྱེ་མའོ་
D477.083.0263b06.01ཕྱག་རྒྱ་མཉམ་པར་བཞུགས། །ཀྱེ་མའོ་སྒྲུབ་པ་རྨད་འབྱུང་བའོ། །ཀྱེ་མའོ་ཕ་རོལ་ཕྱིན་མ་ཡིན། །ཀྱེ་མའོ་ཇི་ལྟར་མཐུར་རིག་མའི། །ཀྱེ་མའོ་སྣ་ཚོགས་དགོས་པ་ཆེ། །ཀྱེ་མའོ་དག་པ་གསུམ་སྦྱར་བ། །ཀྱེ་མའོ་རྡོ་རྗེ་མཉམ་སྦྱོར་བའི། །ཀྱེ་མའོ་པདྨ་རྣམ་བྱེ་བས། །ཀྱེ་མའོ་
D477.083.0263b07.01