完整藏文原文 · 德格版页 当前仅加载第 83 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཁྱུད་པ་སྦས་པ་དང་། །གཞུག་པ་དང་ནི་གཏོང་བའི་མཆོག །འདི་ནི་སྒྱུ་མའི་བརྟན་པ་ཡིས། །དེད་དཔོན་རབ་ཏུ་བརྟག་པ་མཛོད། །དེ་ནས་བཅོམ་ལྡན་འདས་བདེ་བ་ཆེན་པོ་ཀུན་དུ་བཟང་པོས་འདོད་པ་ཐམས་ཅད་ཉེ་བར་ལོངས་སྤྱོད་པའི་རྣམ་པར་རྒྱལ་བའི་དཔལ་ཞེས་བྱ་བའི་ཆོས་
D477.083.0296b01.01ཐམས་ཅད་མཉམ་པ་ཉིད་ཀྱི་སྦས་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། རྣལ་འབྱོར་མ་ཐམས་ཅད་ཀྱི་ཤིན་ཏུ་དགྱེས་པ་ཆེན་པོའི་ཀུན་དུ་འཁྱུད་པ་དང་། སྤྲོད་པ་དང་། གཞུག་པ་དང་། འདྲེན་པ་དང་། རབ་ཏུ་བསྐུལ་བ་དང་། མཉེ་བ་དང་། ཐིགས་པ་དང་། ཚོར་བར་
D477.083.0296b02.01བྱ་བ་དང་། བསྐྱོད་པ་དང་། ཀུན་དུ་བསྐྱོད་པ་དང་། བཅིང་བའི་རྡོ་རྗེ་དང་། པདྨ་ཆེན་མོ་མཉམ་དུ་སྦྱོར་བ་ལ་ཡང་དག་པར་ཞུགས་ཏེ། ཤིན་ཏུ་དགྱེས་པའི་བདེ་བ་ཆེན་པོས། བདེ་བས་ཀུན་དུ་རྒྱས་པར་མཛད་ཅིང་། དེ་བཞིན་གཤེགས་པ་ཐམས་ཅད་དང་། གཟུངས་
D477.083.0296b03.01མའི་ཚོགས་ཐམས་ཅད་ལ་བསྐྱོད་པ་དང་། རབ་ཏུ་དགྱེས་པ་དང་། རབ་ཏུ་རྣམ་པར་འབྱིན་ཅིང་ཤིན་ཏུ་དགྱེས་པ་ཆེན་པོའི་བདེ་བའི་མཉམ་པ་ཉིད་ཀྱི་ཚོགས་ཀྱིས་ནམ་མཁའི་དབྱིངས་ཐམས་ཅད་ཀུན་དུ་རྒྱས་པར་བྱས་ཏེ་གནས་སོ། །དེ་ནས་རྣལ་འབྱོར་མ་ཆེན་མོ་ཤིན་ཏུ་དགྱེས་པའི་
D477.083.0296b04.01བདག་ཉིད་ཆེན་པོ་དེ་དག་ཉིད་མགུ་ཞིང་བདེ་བར་གྱུར་ཏེ། ཀྱེ་མའོ་བདེ་བ་བདེ་བ་ཆེ། །རྫོགས་སངས་རྒྱས་ནི་མགུ་བ་ཆེ། །བདེ་བ་ཆེན་པོ་རངས་པར་འགྱུར། །ཀྱེ་མའོ་བདེ་བ་བདེ་བ་ཆེ། །བདེ་བ་ཉིད་ཀྱིས་ཕྱག་བྱེད་དེ། བྱང་ཆུབ་སེམས་དཔའ་སེམས་ཆེན་པོ། །མགུ་བ་ཆེན་
D477.083.0296b05.01པོའི་བདེ་དང་ལྡན། །ཀྱེ་མའོ་བདེ་བ་བདེ་བ་ཆེ། །འཇིགས་ཤིང་སྐྲག་པས་སྡུག་པར་བྱེད། །ཁྲོས་པ་ཆེན་པོ་མཁའ་འགྲོ་མ། །རབ་ཏུ་མི་བཟད་དུག་དང་འདྲ། །བདེ་བྱེད་ཆེན་པོའི་རོལ་པ་ཡིས། །བདེ་བྱེད་ཆེ་ལ་མཆོད་པར་བྱེད། །སྐལ་བ་ཆེན་པོ་སྲིན་མོ་དང་། །བདེ་
D477.083.0296b06.01བྱེད་བདེ་བས་རབ་རྨོངས་པ། །མཆོད་པའི་སྤྲིན་ཕུང་བདེ་ལྡན་པའི། །རྒྱ་ཆེན་མཆོག་གིས་མཆོད་པར་བྱེད། །དྲག་མོ་ཆེན་མོ་མ་ལྟ་བུ། །རབ་ཏུ་གཏུམ་པ་མེ་འདྲ་བ། །འོངས་ནས་བདེ་བྱེད་ཆེན་མོ་ཡིས། །གཙོ་བོ་མཆོག་ལ་མཆོད་པར་བྱེད། །ལྷ་དང་ལྷ་མོ་ཐམས་
D477.083.0296b07.01