完整藏文原文 · 德格版页 当前仅加载第 83 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
སོ།། །།དང་པོར་ཨོྃ་དང་ཡང་དག་ལྡན། །ཐ་མར་བསྒྱིངས་པའི་ཧཱུྃ་ཉིད་དེ། །དབུས་སུ་རབ་དགྱེས་རྡོ་རྗེ་བཞག །ཡི་གེ་འདི་ནི་རྨད་བྱུང་བའོ། །ཕྱག་རྒྱ་འདི་ཡིས་རྒྱས་བཏབ་པས། །སྡིག་པ་སྐད་ཅིག་མེད་པར་འགྱུར། །ཁམས་གསུམ་འདི་ནི་དངོས་གྲུབ་ཆེ། །དཔལ་གྱི་
D477.083.0256b01.01བསྒྱིངས་པ་འཐོབ་པར་འགྱུར། །བདུད་དང་བདུད་ལས་རྗེས་འཇུག་པ། །མི་ཐོགས་པར་ནི་བརྒྱལ་བྱེད་དེ། །སྣ་ཚོགས་རྡོ་རྗེ་མཉམ་སྦྱོར་བས། །དེ་ཡིས་ཁམས་གསུམ་འཕྲོག་པར་བྱེད། །བདག་གི་མཐུ་ཡིས་རྣམ་རྒྱལ་ཏེ། །དེ་ཡིས་ཁམས་གསུམ་ལོངས་སྤྱོད་དོ། །ཕྱག་རྒྱ་
D477.083.0256b02.01འདི་ཡིས་རྒྱས་བཏབ་སྟེ། །པདྨོ་རྡོ་རྗེ་རབ་ལྡན་བྱ། །ཕྲེང་ཕྱེད་ཕྲེང་བའི་ཚུལ་གྱིས་སུ། །ཕྲེང་བ་བསྐུམས་ཏེ་འཛིན་པ་བཞིན། །འདི་ཡིས་བྱིན་གྱིས་བརླབས་བྱས་ཏེ། །བསྙེན་ན་མྱུར་དུ་དངོས་གྲུབ་བོ། །གཡས་དང་གཡོན་གྱི་སྨིན་བསྒྱུར་བས། །ཆུ་སྐྱེས་སྤྱན་ནི་སྦྱར་བྱས་ཏེ། །ཕྱག་
D477.083.0256b03.01རྒྱས་བཏབ་སྟེ་རོལ་བྱས་ན། །བླ་མའི་དངོས་གྲུབ་འཐོབ་པར་བྱེད། །རྡོ་རྗེ་རྣལ་འབྱོར་ཉེ་བ་ཡིས། །རྡོ་རྗེའི་བདག་ཉིད་མཆོད་བྱེད་དེ། །དེ་དག་ཀུན་གྱིས་བསྐོར་བྱས་ནས། །དཀྱིལ་འཁོར་དུ་ནི་དབང་བསྐུར་རོ། །རྡོ་རྗེ་སེམས་དཔའ་དཔའ་བོ་ཡིས། །འཇིགས་ཤིང་སྐྲག་ལས་སྦྱིན་
D477.083.0256b04.01བྱེད་པ། །རང་ཉིད་ཀྱི་ནི་ཕྱག་རྒྱའི་གཟུངས། །ཉིད་ཀྱིས་དངོས་གྲུབ་སྟོབས་པར་བྱེད། །གཞན་ནི་ཡང་དག་ཕ་རོལ་ཕྱིན། །སངས་རྒྱས་རྣམས་ཀྱི་ཡོན་ཏན་རྒྱན། །དེ་ཡང་དེ་ལ་འཇིགས་སྐྲག་ནས། །རང་གི་དགྱེས་མཆོག་སྟོབས་པར་བྱེད། །བདག་ཉིད་ཆེན་པོ་དམིགས་གསུམ་
D477.083.0256b05.01དང་། །ཆེ་བའི་ཕ་ནི་ངོ་བཞི་དང་། །རྡོ་རྗེ་འཛིན་དང་གཏོགས་རྣམས་དང་། །རང་གི་སྡུག་པ་སྟོབས་པར་བྱེད། །གཤིན་རྗེ་ཤ་ཀ་རྒྱལ་པོ་དང་། །རྡོ་རྗེ་འཛིན་དེ་དངོས་གྲུབ་ལ། །འོངས་ནས་བདག་གི་སྡུག་པ་རྣམས། །སྲོག་གི་ཕྱིར་ཡང་སྟོབས་པར་བྱེད། །གཞན་གྱི་འཕྲུལ་གྱི་ལུས་
D477.083.0256b06.01ཀྱི་རྣམས། །ཁམས་གསུམ་ལམ་ལ་གནས་པ་དག །མྱུར་དུ་ཉེ་བར་འོངས་ནས་ཀྱང་། །བདག་ཉིད་དངོས་གྲུབ་སྦྱིན་པར་བྱེད། །སྣ་ཚོགས་གཉེན་ནི་རྒྱལ་པོ་ཆེ། །དབང་ཕྱུག་དམ་པ་སྣ་ཚོགས་བྱེད། །དེ་ཡང་ཉེར་འོངས་གཙུག་གཏུགས་ཏེ། །རྣལ་འབྱོར་སྣ་ཚོགས་མ་སྦྱིན་བྱེད། །
D477.083.0256b07.01