完整藏文原文 · 德格版页 当前仅加载第 83 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་རོག་དང་། བཞད་དང་། བྱི་ལ་དང་། གཟིག་དང་། སྟག་ལ་སོགས་པའི་ཁྲོ་བོ་བྱོལ་སོང་གི་གདོང་བརྒྱ་སྟོང་མང་པོ་རང་གི་བ་སྤུའི་བུ་ག་ནས་ཕྱུང་སྟེ། དཀྱིལ་འཁོར་ཆེན་པོའི་ཚུལ་གྱིས་ཤར་ཕྱོགས་ན་འཇིགས་བྱེད་ཆེན་པོ་འདུལ་བ་རྣམ་པར་གཉེར་བའི་འཇིགས་པ་ལྟ་བུའི་
D477.083.0283a01.01སྤྱན་དང་། ཞལ་རྡོ་རྗེའི་མཆེ་བ་ཆེན་པོ་གཙིགས་པ། འཇིགས་པར་བྱེད་པའི་ཁྲོ་བོ་ཆེན་པོ་བརྒྱ་སྟོང་གི་གཡོག་དང་། ཤར་ཕྱོགས་ཀྱི་དཀྱིལ་འཁོར་དུ་འཁྱིལ་བར་གྱུར་ཏེ་གནས་སོ། །ལྷོའི་དཀྱིལ་འཁོར་དུ་ཡང་རྡོ་རྗེ་ཁྲོ་གཉེར་ཅན་ཁྲོ་བོ་བརྒྱ་སྟོང་མང་པོའི་གཡོག་དང་། འཁྱིལ་བར་གྱུར་
D477.083.0283a02.01ཏེ་གནས་སོ། །ནུབ་ཀྱི་དཀྱིལ་འཁོར་དུ་ཡང་པདྨ་ཆེན་པོ་རྟ་གདོང་ཁྲོ་བོ་བརྒྱ་སྟོང་མང་པོའི་གཡོག་དང་། ནུབ་ཀྱི་དཀྱིལ་འཁོར་དུ་འཁྱིལ་པར་གྱུར་ཏེ་གནས་སོ། །བྱང་གི་དཀྱིལ་འཁོར་དུ་ཡང་རྡོ་རྗེ་འུར་འུར་ཆེན་པོའི་ཁྲོ་བོ་བརྒྱ་སྟོང་མང་པོའི་གཡོག་དང་འཁྱིལ་པར་གྱུར་ཏེ་གནས་སོ། །བཅོམ་
D477.083.0283a03.01ལྡན་འདས་རྡོ་རྗེ་ཤིན་ཏུ་དགྱེས་པ་ཁྲོ་བོ་ཆེན་པོ་ཡང་ཁྲོ་བོ་ཆེན་པོའི་ཚོགས་བརྒྱ་སྟོང་མང་པོས་བསྐོར་ནས་དཀྱིལ་འཁོར་གྱི་དབུས་སུ་བཞུགས་ཏེ། ཁྲོ་བོ་ཆེན་པོའི་ཚོགས་དེ་དག་དང་ཤིན་ཏུ་དགྱེས་པ་ཆེན་པོའི་བདེ་བ་ཆེན་པོས་ཀུན་ཏུ་སྤྱོད་ཅིང་ཁྲོ་བོ་ཆེན་པོའི་རྣམ་པ་བརྒྱ་སྟོང་མང་པོའི་རི་རབ་ཀྱི་རྡུལ་ཕྲན་
D477.083.0283a04.01དང་མཉམ་པ་སྙེད་ཕྱུང་ནས། ནམ་མཁའི་དབྱིངས་རབ་འབྱམ་ཐམས་ཅད་དུ་གང་བར་བྱས་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་ཀྱང་གང་བར་བྱས་སོ། །དེ་ནས་གདུག་པའི་ཚོགས་ཐམས་ཅད་ཀྱིས་དེ་དག་མཐོང་ནས་འཇིགས་དངངས་སྐྱབས་མ་མཐོང་ནས།
D477.083.0283a05.01རང་རང་གི་བདག་པོའི་ཐད་དུ་སོང་སྟེ། རྗེ་ཅིག་རྗེ་ཅིག་ཉིད་ཀྱིས་བདག་ལ་སྐྱོབས་ཤིག །དེ་ནས་དབང་ཕྱུག་ཆེན་པོ་ལ་སོགས་པའི་ལྷའི་བདག་པོ་དེ་དག་བདག་ཉིད་ཀྱི་མཐུ་སྤྲུལ་ནས་སླར་ཡང་བསླང་སྟེ་འཇིག་རྟེན་གསུམ་པོ་ཡོངས་སུ་བསྐོར་དུ་བཅུག་ནས་འཇིགས་བྱེད་གདུངས་པ་ང་ལ་སྐྱབས་སུ་སོང་
D477.083.0283a06.01ཞེས་བསྒོ་ཡང་སྐྱབས་སུ་འགྲོ་བ་མི་ལེན་ཅིང་། སླར་ཡང་རང་གི་རྒྱུད་ཀྱི་ང་རྒྱལ་བསྐྱེད་དེ། འཇིགས་བྱེད་ཆེན་པོ་བརྒྱད་པ་ཞེས་བྱ་བ་ཕྱུང་ནས་རི་རབ་ཀྱི་བདག་ཉིད་ཆེན་པོ་ཉེ་བར་སྟོན་ཅིང་། བགད་པ་ཆེན་པོའི་ང་རོ་འབྱིན་པར་གྱུར་ཏོ། །ཨོྃ་མ་ཧཱ་བྷེ་ར་བ་བེ་ཥྚིཾ་ཥྚིཾ། ཊྲ་ཊྲ་ཊྲ་ཏ་ཊྲ་ཏ། ཧ་ཧ་ཨི་ཏི།
D477.083.0283a07.01