完整藏文原文 · 德格版页 当前仅加载第 83 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་ཆེན་པོ་ལ། །རྒྱལ་བ་ཉིད་ཀྱིས་སྟོབས་བྱེད་དེ། །ཨཱ་ལི་ཀཱ་ལི་མཉམ་སྦྱོར་བས། །བདེ་བ་ཆེན་པོ་མགུ་བར་བྱེད། །བདེ་བ་ཐབས་ཀྱི་དངོས་གྲུབ་རྣམས། །སྒྱུ་མའི་ཚུལ་གྱིས་བསྒྲུབ་པར་བྱ། །ཡི་གེ་ཡི་ནི་ཕྱག་རྒྱ་འདིས། །ཤིན་ཏུ་དངོས་གྲུབ་མཆོག་
D477.083.0262a01.01ཏུ་བརྟག །རྡོ་རྗེ་ཤིན་ཏུ་དགྱེས་པའི་བདེ་བའི་ཕྲེང་བ་རྒྱས་པ་དཔེ་མེད་པ་དང་ལྡན་མ་ཞེས་བྱ་བའི་ཕྱག་རྒྱ་སྟེ། ལས་ཐམས་ཅད་ཀྱི་དོན་གྱི་དངོས་གྲུབ་སྦྱིན་པའོ།། །།ཨོྃ་ནི་དང་པོར་གཙུག་ཏོར་བྱ། །ཏེ་དེ་སྐད་སྙན་ཐ་མར་ཏེ། །དབུས་སུ་ཧེ་དགའ་ཞེས་བྱ་བ། །བདེ་ཆེན་དགའ་
D477.083.0262a02.01བ་རྡོ་རྗེ་དབྱངས། །རྡོ་རྗེ་ཤིན་ཏུ་དགྱེས་ཆེ་ཡི། །ཕྱག་རྒྱ་འདི་ནི་རབ་དགྱེས་འབྲེལ། །བྲིས་པ་དང་ནི་འཛིན་པ་དང་། །དྲན་པ་ཡིས་ཀྱང་དངོས་གྲུབ་སྟེར། །སྡིག་པ་ཀུན་ལས་གྲོལ་བྱེད་ཅིང་། །བསོད་ནམས་ཐམས་ཅད་ཉེ་བར་འགྲོ། །མི་དགེ་ཐམས་ཅད་མ་ལུས་སྤོང་བྱེད་ཅིང་། །
D477.083.0262a03.01སེམས་ནི་ཕྱག་རྒྱའི་ཡི་གེ་བརྒྱན་ཏེ་འགྲོ། །འཇིག་རྟེན་ཐམས་ཅད་ཀུན་ཏུ་བཀུར་སྟི་བྱེད། །རིག་མ་སྟོང་གིས་མངོན་པར་མཆོད་བྱེད་ཅིང་། །རིག་འཛིན་མུ་སྨན་བུད་མེད་རྣམས་ཀྱིས་ནི། །གཡག་རྔ་དཀར་པོའི་ཚོགས་ཀྱིས་གཡོབ་བྱེད་པའི། །འཇིག་རྟེན་དབང་པོ་བདེ་མཆོག་འབྲེལ་
D477.083.0262a04.01བ་འཐོབ། །བློ་ལྡན་ནམ་མཁའ་ངོས་ནི་ཐམས་ཅད་དུ། །རྡོ་རྗེ་འཛིན་གྱི་དགྱེས་པའི་རྣལ་འབྱོར་མ། །ཡིད་དུ་འོང་བའི་སྤྱན་ནི་རྒྱས་པ་དང་། །རྣལ་འབྱོར་སྤྱོད་པའི་བདེ་བས་འབིགས་པ་ཡིས། །མགུལ་ནས་འཁྱུད་པའི་རྩེན་པས་རོལ་པར་བྱེད། །པི་ཝང་གླིང་བུ་ཡ་
D477.083.0262a05.01མཚན་སྒྲ་སྙན་གྱིས། །གླུ་བླངས་དངོས་གྲུབ་རྒྱ་ཆེ་ཐོབ་པར་བྱེད། །ཇི་སྙེད་ཡིད་དུ་འོང་བའི་གླུ་དག་ནི། །འཇིག་རྟེན་གྲགས་པའི་བདེ་བའི་བདེ་བ་དག །བདེ་བའི་སྒྲ་ཡིས་བསྐྱེད་པར་རྣམ་བསྒྱུར་བའི། །དེ་དང་མཐུན་པའི་དབྱངས་འདིས་སྒྲུབ་པར་བྱེད། །ཁ་ཊ་བ་ད་གར་
D477.083.0262a06.01ཛའི་དབྱངས། །གླུ་རུ་བླངས་པས་པདྨ་གནས། །དངོས་གྲུབ་མྱུར་དུ་འཐོབ་པར་བྱེད། །འདི་ཡིས་བྱིན་རླབས་དག་པ་དང་། །འདི་ཡིས་བྱིན་རླབས་བདེ་བའི་རྣམས། །སྦྱོར་བ་འདི་ཡིས་སྦྱར་བ་ཡིས། །འདོད་བྱེད་ཐམས་ཅད་འཐོབ་པར་འགྱུར། །ཤིན་ཏུ་དགྱེས་པ་ཆེན་
D477.083.0262a07.01