完整藏文原文 · 德格版页 当前仅加载第 83 函德格 301a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །དེ་ཉིད་ལས་ནི་སོར་མོ་ཀུན། །ཀུན་དུ་བསྐུམས་ཏེ་བཅིང་བར་བྱ། །རྡོ་རྗེའི་བཅིང་བ་བསྡུས་པས་ནི། །བཅིང་བར་ལྡན་པར་རྣམ་བསྒྱུར་ཏེ། །དེ་ཉིད་སྦོམ་པོ་རབ་བཅུག་ནས། །ཁྲོ་མོའི་རྩེ་མོ་རབ་ཏུ་དགུག །འདི་ནི་རྡོ་རྗེ་རིགས་ཀྱི་བཅིང་། །རྡོ་རྗེ་སེམས་དཔའ་ཉིད་འགྲུབ་
D477.083.0301a01.01བྱེད། །དེ་བཞིན་བཅིངས་པ་རྣམ་བཞག་སྟེ། །སྦོམ་པོ་ཁྲོ་མོའི་རྩེ་མོ་སྦྱར། །འདི་ནི་བཅིང་བ་བཅིང་བ་ཆེ། །ནམ་མཁར་འགྲོ་བ་ཉེ་བར་སྒྲུབ། །དེ་ཉིད་བཅིང་བ་བཅིང་བྱས་ཏེ། །ཁྲོ་མོ་གཉིས་པོ་མཚན་བཞིན་དུ། །རྩེ་མོ་སྤྲད་དེ་དགུག་བྱ་བ། །བཅིང་བ་འདི་ཡིས་པདྨོ་སྒྲུབ། །བཅིང་བ་
D477.083.0301a02.01དེ་ཉིད་རབ་ཏུ་སྦོམ། །བདེ་བར་བཅུག་ནས་བསྡམ་བྱས་ཏེ། །ལས་ཀྱི་བཅིང་བ་སྦྱོར་བ་ཡིས། །དོན་ཡོད་མཆོག་གི་རིགས་སུ་འགྲོ། །བཅིང་བ་དེ་ཉིད་བཅིང་བྱས་ཏེ། །སྦོམ་དང་ཁྲོ་མོའི་རྩེ་མོ་སྦྱར། །གཡས་པའི་སྦོམ་པོ་རྡོ་རྗེ་ཡིས། །དེ་ཡི་དབུས་སུ་བཅུག་བྱ་བ། །དེ་འདི་བཅིང་བ་ཆེན་
D477.083.0301a03.01པོ་སྟེ། །རབ་དགྱེས་རོ་ནི་སྒྲུབ་བྱེད་པ། །གང་གིས་བཅིངས་པ་ཙམ་གྱིས་ནི། །རབ་ཏུ་དགྱེས་པ་ཉིད་ཐོབ་བོ། །དངོས་གྲུབ་ཐམས་ཅད་བདེ་བ་ཆེ། །དེ་ཡིས་འདི་ཚེ་འཐོབ་གྱུར་ཏེ། །ཕྱག་རྒྱ་བཅིང་བའི་ཆོ་ག་ཡིས། །སངས་རྒྱས་ཐམས་ཅད་རབ་ཏུ་གནས། །ཕྱག་རྒྱ་བཅིང་བའི་ཡེ་ཤེས་
D477.083.0301a04.01རྣམ་པར་རྒྱས་པའོ།། །།བཅིང་བ་ལྔ་ཡི་ཆོ་ག་ཡིས། །གཅིག་གིས་རྣལ་འབྱོར་བསྒྲུབ་མི་བྱ། །དྲུག་ནི་སྦྱོར་བས་སྦྱོར་བྱས་ན། །དེ་མ་ཐག་ཏུ་རབ་དགྱེས་འགྱུར། །བཅིང་བ་ལྔ་ཡི་ཕྱག་རྒྱའོ། །དེ་བཞིན་བཅིང་བ་གཉིས་བྱས་ཏེ། །གཡོན་གྱི་སྙིང་གར་བཅིང་བར་བྱ། །གཡས་ཀྱི་རྩེ་མོ་
D477.083.0301a05.01བསྒྲེང་བྱས་ཏེ། །རྡོ་རྗེའི་ཚུལ་གྱིས་གཟུང་བར་བྱ། །ཕྱག་རྒྱ་འདི་ནི་བྱང་ཆུབ་བདེ། །སངས་རྒྱས་ཐམས་ཅད་གཅིག་ཏུ་བསྒྲུབ། །གདོན་མི་ཟ་བར་ཚེ་འདི་ལ། །རྟག་པ་འདྲ་བ་ཐོབ་པར་བྱེད། །གཡོན་པ་དེ་ཉིད་སྙིང་གར་གཞག །གཡས་པ་ས་ལ་རེག་བྱས་པས། །ས་ལ་བདེ་བ་
D477.083.0301a06.01རོལ་པ་ཡིས། །འདི་ཡིས་མི་ཟད་ཐོབ་པར་འགྱུར། །དེ་བཞིན་སྙིང་གར་གཡོན་པ་གཞག །ལག་པ་གཡས་པ་རབ་སྦྱིན་བྱ། །འདི་ཡིས་རིན་ཆེན་སྐལ་ལྡན་སོགས། །ནམ་མཁའ་ཉེ་བར་འགྲུབ་པར་འགྱུར། །དེ་བཞིན་གཡོན་པ་སྙིང་གར་གཞག །གཡས་ཀྱང་གཞག་སྟེ་ཏིང་
D477.083.0301a07.01