完整藏文原文 · 德格版页 当前仅加载第 83 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་སྦྱིན་སྲིན་པོའི་གཟུགས་ལ་སོགས། །ཤ་ཟ་{ཡི་དགས་,ཡི་དྭགས་}བུ་མོ་རྣམས། །སྦྱོར་ལྡན་ཕྱག་རྒྱ་བླང་བྱས་ཏེ། །བརྟག་པ་མཆོག་གིས་བརྟག་པར་བྱ། །ཐམས་ཅད་ལས་བྱེད་དགེ་བ་ཡི། །འདི་ཡིས་དངོས་གྲུབ་མྱུར་དུ་འགྲུབ། །ལྷ་དང་ཀླུ་ཡི་བུ་མོ་དང་། །
D477.083.0257a01.01ལྷ་མིན་ལྷ་ཡི་མངལ་སྐྱེས་པ། །ཕྱག་རྒྱ་འདི་ཡིས་བྱིན་བརླབས་ན། །གྲུབ་པ་མྱུར་དུ་དངོས་གྲུབ་པོ། །གཟུགས་བཟང་ཡང་ན་ངན་ཡང་རུང་། །གང་དེ་བུད་མེད་བཟུང་བྱས་པ། །རིམ་པ་འདི་ཡི་ཚུལ་གྱིས་སུ། །ཕྱག་རྒྱའི་སྦྱོར་བ་བརྟག་པར་བྱ། །འདི་ཡིས་སངས་རྒྱས་
D477.083.0257a02.01ཐམས་ཅད་དང་། །དེ་བཞིན་དཔའ་བོ་ཀུན་ཉིད་དུ། །སྐད་ཅིག་སྐད་ཅིག་རྒྱས་བཏབ་པས། །ཚེ་འདི་ཉིད་ལ་ཐོབ་པར་འགྱུར། ཤིན་ཏུ་དགྱེས་པ་ཆེན་པོ་སྣ་ཚོགས་དཔེ་མེད་པའི་ཕྲེང་བ་ཞེས་བྱ་བའི་ཡི་གེའི་ཕྱག་རྒྱའོ།། །།ང་རོ་བཅུ་གསུམ་སྟེང་ཉིད་དུ། །དེ་བཞིན་ཐིག་ལེའི་
D477.083.0257a03.01རྒྱལ་པོ་སྟེ། །རབ་དགྱེས་རྡོ་རྗེ་ལྟ་ཆེ་བདེ། །མཐའ་ནི་ཡི་གེ་ཧི་སྦྱར་བའོ། །འདི་ནི་སངས་རྒྱས་ཐམས་ཅད་ཀྱི། །བདེ་ཆེན་སྤྱན་ནི་དགའ་བྱེད་ཡིན། །ཕྱག་རྒྱའི་ཡི་གེ་འདི་ཡིས་ནི། །མཁས་པས་བྱིན་གྱིས་བརླབས་བྱས་ན། །དེ་ནི་དེ་མ་ཐག་ཏུ་ཡང་། །བླ་མེད་འཕྲུལ་གྱི་སྤྱན་
D477.083.0257a04.01དུ་འགྱུར། །སྟོང་ཉིད་ཡེ་ཤེས་གནས་པ་ཡི། །སངས་རྒྱས་ཤིན་ཏུ་འཕྲ་བ་མཐོང་། །སྨིན་མ་རྣམ་སྒྱུར་རྒྱས་པ་ཡིས། །ལྟ་བའི་ཕྱག་རྒྱས་གར་བྱེད་ཅིང་། །འགུགས་བྱེད་སངས་རྒྱས་ཐམས་ཅད་དང་། །དཔའ་བོ་རྡོ་རྗེ་ཀུན་འཛིན་དང་། །ཕ་རོལ་ཕྱིན་པ་ཐམས་ཅད་དང་། །དེ་
D477.083.0257a05.01བཞིན་གཟུངས་མའི་ཚོགས་རྣམས་དང་། །རྣལ་འབྱོར་མ་དང་མཁའ་འགྲོ་དང་། །ཕྱི་དང་ནང་གི་ཚོགས་རྣམས་དང་། །ལྷ་མོ་ཀླུ་མོ་གནོད་སྦྱིན་མོ། །ལྷ་མིན་དངོས་གྲུབ་ལུས་ཀྱི་མཆོག །གྲུལ་བུམ་མི་འམ་{ཡི་དགས་,ཡི་དྭགས་}སམ། །ཤ་ཟ་འཕྲུལ་གྱི་མི་བུ་མོ། །འདི་ནི་སྙིང་གར་བཞག་པ་
D477.083.0257a06.01ཡིས། །རྡོ་རྗེ་འཛིན་དུ་བདག་ཉིད་འགྱུར། །སངས་རྒྱས་ཡང་ན་ཉི་མ་དང་། །པདྨོ་དྲ་བ་སྣ་ཚོགས་བློ། །ལྷ་དང་ལྷ་མིན་མི་དག་དང་། །གཞན་ཡང་གནོད་སྦྱིན་སྲིན་པོ་དང་། །བདུད་དང་བདུད་ཀྱི་ཚོགས་རྣམས་ཀྱི། །གཞན་གྱིས་འཕྲོག་པར་ཡོང་མི་ནུས། །ལྷ་དང་ལྷ་མིན་གྱིས་མཆོད་
D477.083.0257a07.01