完整藏文原文 · 德格版页 当前仅加载第 83 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ན། །ལུས་ཆེ་དེ་ནི་ཁྲོས་གྱུར་ཞེས། །རྣལ་འབྱོར་པ་ཡི་རྟགས་ཞེས་བྱ། །གཡོན་དུ་འགྱིང་བ་བསྒྱིངས་པ་ཡི། །ལག་པ་སྙིང་གར་བརྐྱང་བྱ་སྟེ། །དབང་མོ་གྱེན་དུ་རྣམ་བསྟན་ན། །དེ་ཚེ་མཛའ་བར་རབ་ཏུ་བརྟག །ཆུང་ངུ་རྩེ་མོར་བྱས་པ་ཡི། །ནམ་ཞིག་བསྐྱོད་པ་མཐོང་
D477.083.0291b01.01བ་ན། །དེ་ཚེ་རིག་མ་རྣལ་འབྱོར་དབང་། །རྡོ་རྗེ་པདྨོ་རྩེན་པར་འདོད། །སྦོམ་པོ་ནམ་ཞིག་མཐོང་འགྱུར་ན། །དེ་ལ་སྟོན་མོ་སྦྱིན་པར་བྱ། །གང་ཚེ་ཤིན་ཏུ་མཐོར་སྟོན་ན། །མངོན་པའི་ང་རྒྱལ་རབ་ཏུ་བརྟག །ཁྲོ་མོ་ལྕགས་ཀྱུ་འདྲ་བྱས་ཏེ། །གང་ཚེ་སྔགས་མཁན་གྱིས་
D477.083.0291b02.01བསྟན་ན། །དེ་ཚེ་ངེས་པར་འོ་བྱས་ཏེ། །གཞན་དུ་ན་ནི་དམྱལ་བར་ལྟུང་། །དེ་ཉིད་རྣམ་པར་བཟློག་པ་ལྟར། །སྔགས་མཁན་གྱིས་ནི་མ་བསྟན་ན། །དེ་ཚེ་མྱུར་དུ་འགྲོ་བྱས་ཏེ། །གཞན་དུ་བྱས་ན་དམ་ཚིག་ཉམས། །གཞན་རྣམས་ཀྱི་ནི་ཕྱག་རྒྱ་ཡིས། །རྣལ་འབྱོར་པ་
D477.083.0291b03.01ཡིས་རྣམ་བསྐུལ་ན། །ལས་ཀྱི་སྦྱོར་བ་ཤེས་པ་ཡིས། །ལས་དེ་དག་ནི་བརྩམ་པར་བྱ། །བརྡ་ཡི་ཕྱག་རྒྱའི་ཡེ་ཤེས་སོ། །འདྲེན་པ་མེད་པའི་ཡི་གེ་ཀུན། །རྣལ་འབྱོར་པ་ཡིས་རབ་ཏུ་བརྟག །རྟག་ཏུ་ཚེག་དྲག་རྣམས་བྲལ་བ། །འདྲེན་ཚུལ་རྣལ་འབྱོར་མ་ཡིའོ། །ཨོཾ་ནི་
D477.083.0291b04.01ཐིག་ལེར་བཅས་པའི་བརྡ། །སྦྱོར་བ་སྔགས་འཛིན་རྣལ་འབྱོར་བར་བརྟག །དེ་ལ་སོགས་པ་མཐའ་ཡས་མཆོག །སྦྱོར་བའི་དཀྱིལ་དུ་བརྟག་པར་བྱ། །རྡོ་རྗེ་པདྨོ་མཉམ་པར་སྦྱོར་བས་རྗེས་སུ་མཉེས་པར་བྱེད་པ་དཔལ་དམ་ཚིག་མ་ཞེས་བྱ་བའི་ཕྱག་རྒྱའི་ཡེ་ཤེས་སོ། །དེ་ནས་
D477.083.0291b05.01བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཀུན་ཏུ་བཟང་པོ་ཆེན་པོ་ཡང་ཀུན་ཏུ་རྒྱས་འདེབས་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ཕ་རོལ་ཏུ་ཕྱིན་མའི་གསང་བ་རྣལ་འབྱོར་མ་ཆེན་མོ་ཐམས་ཅད་ཀྱི་ཕྱག་རྒྱའི་ཡེ་ཤེས་འདི་ཉིད་ཀྱི་སྐུ་
D477.083.0291b06.01དང་། གསུང་དང་། ཐུགས་རྡོ་རྗེ་ལས་ཕྱུང་ངོ་། །རྡོ་རྗེ་ཐལ་མོ་མཉམ་གཞག་སྟེ། །སྦོམ་པོ་སྐྱིལ་མོ་བཅིང་བར་བྱ། །ཁྲོ་མོ་གཉིས་ནི་སྦྱར་བྱ་སྟེ། །ལྷག་མ་འོད་བཞིན་གཏང་བར་བྱ། །སྙིང་གར་ཕྱག་རྒྱ་འདི་བཞག་ནས། །ཐམས་ཅད་ལས་ནི་རབ་སྦྱར་ཏེ། །སྣ་
D477.083.0291b07.01