完整藏文原文 · 德格版页 当前仅加载第 54 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
གཡོ་བ་འདི་ནའོ་ཞེས་ཀྱང་མི་འཛིན་པ་དེ་བཞིན་དུ། འཇམ་དཔལ་སྒྲིབ་པ་མེད་པའི་རྣམ་པར་ཐར་པ་ལ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་སྤྱོད་པ་མེད་པར་ཡང་མི་འཛིན། སྤྱོད་པ་འདི་ནའོ་ཞེས་ཀྱང་མི་འཛིན། སངས་རྒྱས་ཀྱི་ཞིང་མེད་པར་ཡང་མི་འཛིན།
D124.054.0217b01.01སངས་རྒྱས་ཀྱི་ཞིང་འདི་ནའོ་ཞེས་ཀྱང་མི་འཛིན་དཔག་ཏུ་མེད་པ་མེད་པར་ཡང་མི་འཛིན། དཔག་ཏུ་མེད་པ་འདི་ནའོ་ཞེས་ཀྱང་མི་འཛིན། གྲངས་མེད་པ་མེད་པར་ཡང་མི་འཛིན། གྲངས་མེད་པ་འདི་ནའོ་ཞེས་ཀྱང་མི་འཛིན། བསམ་གྱིས་མི་ཁྱབ་པ་མེད་པར་ཡང་མི་འཛིན།
D124.054.0217b02.01བསམ་གྱིས་མི་ཁྱབ་པ་འདི་ནའོ་ཞེས་ཀྱང་མི་འཛིན། མཚུངས་པ་མེད་པ་མེད་པར་ཡང་མི་འཛིན། མཚུངས་པ་མེད་པ་འདི་ནའོ་ཞེས་ཀྱང་མི་འཛིན། གཞལ་དུ་མེད་པ་མེད་པར་ཡང་མི་འཛིན། གཞལ་དུ་མེད་པ་འདི་ནའོ་ཞེས་ཀྱང་མི་འཛིན། བརྗོད་དུ་མེད་པ་མེད་པར་ཡང་མི་
D124.054.0217b03.01འཛིན། བརྗོད་དུ་མེད་པ་འདི་ནའོ་ཞེས་ཀྱང་མི་འཛིན། ཡོངས་སུ་དག་པ་མེད་པར་ཡང་མི་འཛིན། ཡོངས་སུ་དག་པ་འདི་ནའོ་ཞེས་ཀྱང་མི་འཛིན། ཡང་དག་པར་འགྲུབ་པ་མེད་པར་ཡང་མི་འཛིན། ཡང་དག་པར་འགྲུབ་པ་འདི་ནའོ་ཞེས་ཀྱང་མི་འཛིན་ཏོ། །འཇམ་དཔལ་འདི་ལྟ་
D124.054.0217b04.01སྟེ། དཔེར་ན་སྤྲིན་མེད་ཅིང་སྤྲིན་དང་བྲལ་ཏེ་ནམ་ཐང་བའི་ནམ་མཁའི་དཀྱིལ་ནས་སྤྲིན་བྱུང་བས་ནམ་མཁའ་ཐམས་ཅད་ཡོག་པ་དེ་མཁས་པའི་རང་བཞིན་ཅན་གྱི་མིས་མཐོང་ན། སྤྲིན་གྱི་དཀྱིལ་འཁོར་མེད་པར་ཡང་མི་འཛིན། སྤྲིན་གྱི་དཀྱིལ་འཁོར་འདི་ནའོ་ཞེས་ཀྱང་མི་འཛིན། ཀུན་
D124.054.0217b05.01ཁེབས་པ་མེད་པར་ཡང་མི་འཛིན། ཀུན་ཁེབས་པ་འདི་ནའོ་ཞེས་ཀྱང་མི་འཛིན་པ་དེ་བཞིན་དུ། འཇམ་དཔལ་སྒྲིབ་པ་མེད་པའི་རྣམ་པར་ཐར་པ་ལ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་རྣམ་པར་ཐར་པ་མེད་པར་ཡང་མི་འཛིན། རྣམ་པར་ཐར་པ་འདི་ནའོ་ཞེས་ཀྱང་མི་
D124.054.0217b06.01འཛིན། སྒྲིབ་པ་མེད་པ་མེད་པར་ཡང་མི་འཛིན། སྒྲིབ་པ་མེད་པ་འདི་ནའོ་ཞེས་ཀྱང་མི་འཛིན། བྱང་ཆུབ་སེམས་དཔའ་མེད་པར་ཡང་མི་འཛིན། བྱང་ཆུབ་སེམས་དཔའ་འདི་ནའོ་ཞེས་ཀྱང་མི་འཛིན། སྤྱོད་པ་མེད་པར་ཡང་མི་འཛིན། སྤྱོད་པ་མེད་པ་འདི་ནའོ་ཞེས་ཀྱང་མི་འཛིན། སངས་
D124.054.0217b07.01