完整藏文原文 · 德格版页 当前仅加载第 54 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པ་ཡོངས་སུ་རྫོགས་པ་དང་། ཡོངས་སུ་རྫོགས་པར་འགྱུར་བ་དང་། མི་འཁྲུགས་པའི་དབྱིངས་ལ་གནས་པ་དང་། མི་སྐྱེ་བའི་ཆོས་ལ་བཟོད་པ་དང་། ངེས་པའི་སྟོབས་བསྐྱེད་པ་ལ་ཞུགས་པ་དང་། ངེས་པའི་སྟོབས་བསྐྱེད་པའི་རྗེས་སུ་འཇུག་པ་མཐོང་ངོ་། །མཐོང་
D124.054.0230b01.01ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དེ་ལ་བཟོད་པའི་ཕ་རོལ་ཏུ་ཕྱིན་པ་དང་ལྡན་པའི་ཚིགས་སུ་བཅད་པ་དག་གིས་མངོན་པར་བསྟོད་དོ། །བདེ་གཤེགས་ཆོས་ཚུལ་ཇི་བཞིན་ཐོས་ནས་སུ། །མི་མཆོག་བདག་གིས་བཟོད་པ་ཞི་བ་རྙེད། །བགྱིད་པོ་གང་
D124.054.0230b02.01ཡང་མ་མཆིས་བགྱིད་མ་མཆིས། །ཆོས་ཉིད་དག་ལ་གནས་པར་ཐེ་ཚོམ་བྲལ། །བདག་གིས་འཇིག་རྟེན་རིག་ཁྱོད་གསུང་ཐོས་ནས། །ཆོས་འདི་ཐམས་ཅད་ནམ་མཁའི་དབྱིངས་འདྲར་འཚལ། །བདག་གིས་རིང་ནས་སྟོར་རྙེད་འཐུན་བགྱིས་ཏེ། །གཏེར་ཆེན་ཇི་ལྟར་
D124.054.0230b03.01ཡུན་རིང་སྟོན་པ་བཞིན། །དེང་བདག་བཟོད་པའི་ཤུགས་ནི་རྒྱ་ཆེན་སྐྱེས། །ཆོས་ཀྱི་ཚུལ་ནི་ཡང་དག་ཇི་བཞིན་འཚལ། །དེ་རིང་བདག་གིས་ཐེ་ཚོམ་དོགས་ཀུན་སྤངས། །འཇིག་རྟེན་མཁྱེན་པ་ཁྲག་ཁྲིག་མཐའ་ཡས་མཐོང་། །ཇི་ལྟར་བྱ་རྣམས་སྒོ་ང་འཕྲུགས་ནས་ནི། །སྒོ་
D124.054.0230b04.01ངའི་སྟེང་ངམ་ཞབས་སུ་མཆུས་བརྟོལ་ཏེ། །རང་གི་སྒོ་ང་བཅག་ནས་བྱུང་བ་བཞིན། །བདེ་གཤེགས་ཁྱོད་གསུང་ཐོས་ནས་བདག་ཀྱང་བྱུང་། །བདག་གིས་ཇི་ལྟར་འདོད་པའི་ས་ཀུན་བོར། །འཇིག་རྟེན་མཁྱེན་པ་ཁྲག་ཁྲིག་མཐའ་ཡས་མཐོང་། །རྒྱལ་བ་བྱེ་བ་མཐའ་ཡས་བཟོད་
D124.054.0230b05.01སྟོབས་གནས། །བདེ་གཤེགས་ཡེ་ཤེས་མངའ་བས་བདག་ལུང་བསྟན། །བདེ་གཤེགས་མཐའ་ཡས་ཕྱོགས་བཅུའི་འཇིག་རྟེན་ན། །རྒྱལ་སྲས་ལུང་བསྟན་དེ་དག་དེ་བཞིན་སྟོན། །བཟོད་སྟོབས་རྙེད་པས་སེང་གེའི་སྒྲ་སྒྲོག་པ། །ནམ་མཁའི་བྱ་ལམ་འདིར་མཆིས་
D124.054.0230b06.01བདག་གིས་མཐོང་། །ནམ་མཁའ་འདི་ལ་མཆིས་ནས་བདག་གིས་ཀྱང་། །རྒྱལ་བ་བདེ་བར་གཤེགས་པ་མཐའ་ཡས་ཀྱིས། །བཟོད་ཐོབ་སྲས་ལ་བདེ་གཤེགས་རང་བྱུང་འགྱུར། །སྐྱེ་བོ་བདུད་ཞགས་འགྲོལ་ཞེས་ལུང་སྟོན་མཐོང་། །ནམ་མཁའི་བྱ་ལམ་འདིར་
D124.054.0230b07.01