完整藏文原文 · 德格版页 当前仅加载第 54 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
དོན་ཐམས་ཅད་གྲུབ་པ་དེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སྒྲིབ་པ་མེད་པའི་སངས་རྒྱས་ཀྱི་རྣམ་པར་ཐར་པ་ལ་གནས་པས་ཐབས་མཁས་པ་དང་ལྡན་པར་གྱུར་ཏོ། །དེ་ལྟ་བས་ན་འཇམ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་
D124.054.0271a01.01ཐབས་མཁས་པ་དང་ལྡན་པར་བྱའོ། །ཐབས་མཁས་པ་ཡོངས་སུ་རྫོགས་པར་བྱ་བའི་ཕྱིར་བྱང་ཆུབ་སེམས་དཔའ་ལ་ཆོས་ཐམས་ཅད་ལ་དབང་དང་ལྡན་པའི་ཏིང་ངེ་འཛིན་བཤད་པར་བྱའོ། །ཆོས་ཐམས་ཅད་ལ་དབང་དང་ལྡན་པའི་ཏིང་ངེ་འཛིན་ལ་རབ་ཏུ་གནས་པའི་བྱང་ཆུབ་སེམས་དཔའ་
D124.054.0271a02.01སེམས་དཔའ་ཆེན་པོ་སེམས་བསྐྱེད་པ་གཅིག་གིས་ཀྱང་སངས་རྒྱས་ཀྱི་ཞིང་བརྗོད་དུ་མེད་པར་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱས་ནས། དེ་དག་ཀུན་དུ་སྤྱད་པ་སྤྱོད་པ་ནི་འཇམ་དཔལ་འདི་ལྟ་སྟེ། དཔེར་ན་མཚོ་ཆུས་གང་ནས་འགགས་པ་མེད་ཅིང་ཆུ་འབབ་པ་ནི་
D124.054.0271a03.01ས་གང་ལོགས་སུ་གཞོལ་བ་དེར་འབབ་བོ། །དེ་བཞིན་དུ་ཆོས་ཐམས་ཅད་ལ་དབང་དང་ལྡན་པའི་ཏིང་ངེ་འཛིན་ལ་རབ་ཏུ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ག་ལས་གར་བལྟས་པ་དེ་དང་དེར་སངས་རྒྱས་ཀྱི་ཆོས་རྣམས་ཀྱིས་རླན་པར་བྱེད་དེ། དེ་ལྟར་ན་བྱང་ཆུབ་
D124.054.0271a04.01སེམས་དཔའ་དེ་སངས་རྒྱས་ཀྱི་ཆོས་ཐམས་ཅད་ལ་དམིགས་པ་ཡིན་ནོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་ཚིགས་སུ་བཅད་པ་དག་གིས་མངོན་པར་བསྟོད་དོ། །བཅོམ་ལྡན་ཆོས་རྣམས་གཉིས་མ་མཆིས། །ཆོས་རྣམས་བྱེ་བྲག་མཆིས་མ་ལགས། །
D124.054.0271a05.01དེ་ནི་ཆོས་ཀྱི་མཚན་ཉིད་དེ། །ཆོས་ཀུན་མཚན་ཉིད་མ་མཆིས་ལགས། །ནམ་མཁའ་ཇི་ལྟར་ནམ་མཁའ་ཡིས། །དཔེར་བགྱིར་རུང་བ་མ་ལགས་ཏེ། །ཆོས་ཀྱི་དཔེར་ཡང་དེ་བཞིན་དུ། །རྣམ་པ་ཐམས་ཅད་བགྱིར་མི་རུང་། །ཆོས་ལ་ཆོས་ཀྱིས་མཐོང་མ་མཆིས། །ཆོས་
D124.054.0271a06.01ཀྱིས་ཆོས་རྣམས་མི་རིག་སྟེ། །ཤེས་པ་པོ་དང་ཆོས་རྣམས་ཀྱང་། །གཉིས་ཀ་འདི་ནི་ཡོང་མ་མཆིས། །སངས་རྒྱས་ཆོས་དང་སངས་རྒྱས་སུ། །མི་མཁས་གང་དག་རྣམ་པར་རིག །དེ་དག་སངས་རྒྱས་དེ་བཞིན་དུ། །སངས་རྒྱས་ཆོས་རྣམས་མི་རིག་ལགས། །སངས་རྒྱས་
D124.054.0271a07.01