完整藏文原文 · 德格版页 当前仅加载第 54 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
མ་སྐྱེས་མ་བྱུང་བ་དེ་བཞིན་དུ་གཟུགས་ཀྱང་མ་སྐྱེས་མ་བྱུང་སྟེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་མ་སྐྱེས་མ་བྱུང་ངོ་། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་མ་འཕོས་མ་སྐྱེས་པ་དེ་བཞིན་དུ་གཟུགས་
D124.054.0279a01.01ཀྱང་མ་འཕོས་མ་སྐྱེས་ཏེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའང་མ་འཕོས་མ་སྐྱེས་སོ། །ཉི་མས་བྱིན་འདི་ལྟ་སྟེ་དཔེར་ན་ནམ་མཁའ་ལ་བྲིས་པ་ནི་མ་བྱུང་ཀུན་ནས་མ་བྱུང་བ་དེ་བཞིན་དུ་གཟུགས་ཀྱང་མ་བྱུང་ཀུན་ནས་མ་བྱུང་སྟེ། ཚོར་བ་དང་། འདུ་
D124.054.0279a02.01ཤེས་དང་། འདུ་བྱེད་དང་། རྣམ་པར་ཤེས་པའང་མ་བྱུང་ཀུན་ནས་མ་བྱུང་ངོ་། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་མ་སྐྱེས་ཤིང་མེད་པ་དེ་བཞིན་དུ་གཟུགས་ཀྱང་མ་སྐྱེས་ཤིང་མེད་པ་སྟེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའང་
D124.054.0279a03.01མ་སྐྱེས་ཤིང་མེད་པའོ། །ཉི་མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་མ་གྲུབ་མངོན་པར་མ་གྲུབ་པ་དེ་བཞིན་དུ་གཟུགས་ཀྱང་མ་གྲུབ་མངོན་པར་མ་གྲུབ་སྟེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་མ་གྲུབ་མངོན་པར་མ་གྲུབ་བོ། །ཉི་
D124.054.0279a04.01མས་བྱིན་འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་བརྗོད་དུ་མེད་ཅིང་བརྗོད་པ་མ་ཡིན་པ་དེ་བཞིན་དུ་གཟུགས་ཀྱང་བརྗོད་དུ་མེད་ཅིང་བརྗོད་པ་མ་ཡིན་ཏེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་བརྗོད་དུ་མེད་ཅིང་བརྗོད་པ་མ་ཡིན་ནོ། །ཉི་མས་བྱིན་འདི་
D124.054.0279a05.01ལྟ་སྟེ། དཔེར་ན་ནམ་མཁའ་ལ་བྲིས་པ་བཏགས་པ་མེད་ཅིང་གདགས་པ་མ་ཡིན་པ་དེ་བཞིན་དུ་གཟུགས་ཀྱང་བཏགས་པ་མེད་ཅིང་གདགས་པ་མ་ཡིན་ཏེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་བཏགས་པ་མེད་ཅིང་གདགས་པ་མ་ཡིན་ནོ། །ཉི་མས་བྱིན་
D124.054.0279a06.01འདི་ལྟ་སྟེ། དཔེར་ན་ནམ་མཁའ་ལ་བྲིས་པ་ནི་ཐ་སྙད་ཙམ་སྟེ། ནམ་མཁའ་ལ་བྲིས་པ་ཐ་སྙད་ཙམ་ལས་གཞན་མ་ཡིན་པ་དེ་བཞིན་དུ་གཟུགས་ཀྱང་ཐ་སྙད་ཙམ་སྟེ། གཟུགས་ཐ་སྙད་ཙམ་ལས་གཞན་མ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་
D124.054.0279a07.01