完整藏文原文 · 德格版页 当前仅加载第 54 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཟིལ་གྱིས་གནོན་པ་འདི་ཇི་སྙམ་དུ་སེམས། དེའི་ཚེ་དེའི་དུས་ན་ཙན་དན་སྙིང་པོ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སྐྱོབ་བྱིན་ཞེས་བྱ་བ་དེ་དེའི་ཚེ་དེའི་དུས་ན་རིགས་ཀྱི་
D124.054.0283b01.01བུ་ཙན་དན་སྙིང་པོ་ཞེས་བྱ་བར་གྱུར་ཏོ། །ཐམས་ཅད་ཟིལ་གྱིས་གནོན་པ་འདི་ཇི་སྙམ་དུ་སེམས། དེའི་ཚེ་དེའི་དུས་ན་རིགས་ཀྱི་བུ་ཚངས་པའི་མིག་ཅེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་དེད་
D124.054.0283b02.01དཔོན་བཟང་པོ་དེ་དེའི་ཚེ་དེའི་དུས་ན་རིགས་ཀྱི་བུ་ཚངས་པའི་མིག་ཅེས་བྱ་བར་གྱུར་ཏོ། །དེ་བཞིན་དུ་སྦྱར་ཏེ། གང་རིགས་ཀྱི་བུ་དེས་པ་ཞེས་བྱ་བར་གྱུར་པ་དེ་ནི་བྱང་ཆུབ་སེམས་དཔའ་མེས་བྱིན་ཡིན་ནོ། །གང་དེའི་ཚེ་དེའི་དུས་ན་རིགས་ཀྱི་བུ་བློ་གྲོས་འཆང་ཞེས་བྱ་བར་གྱུར་པ་དེ་ནི་བྱང་ཆུབ་སེམས་
D124.054.0283b03.01དཔའ་བཟང་སྐྱོང་ཡིན་ནོ། །དེའི་ཚེ་དེའི་དུས་ན་གང་རིགས་ཀྱི་བུ་ཀུན་དུ་འཛིན་པར་གྱུར་པ་དེ་ནི་བྱང་ཆུབ་སེམས་དཔའ་དབང་པོས་བྱིན་ཡིན་ནོ། །དེའི་ཚེ་དེའི་དུས་ན་གང་རིགས་ཀྱི་བུ་སྤོབས་པ་མཐའ་ཡས་སུ་གྱུར་པ་དེ་ནི་བྱང་ཆུབ་སེམས་དཔའ་ཆུའི་ལྷ་ཡིན་ནོ། །ཐམས་ཅད་ཟིལ་གྱིས་གནོན་པ་
D124.054.0283b04.01འདི་ཇི་སྙམ་དུ་སེམས། དེའི་ཚེ་དེའི་དུས་ན་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའི་བུ་ཉི་མས་བྱིན་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན་ཐམས་ཅད་ཟིལ་གྱིས་གནོན་པ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། འཇམ་དཔལ་གཞོན་ནུར་གྱུར་པ་འདི་དེའི་ཚེ་དེའི་དུས་ན་བྲམ་
D124.054.0283b05.01ཟེའི་རིགས་ཤིང་སཱ་ལ་ཆེན་པོ་ལྟ་བུའི་བུ་ཉི་མས་བྱིན་ཞེས་བྱ་བར་གྱུར་ཏོ། །ཐམས་ཅད་ཟིལ་གྱིས་གནོན་པ་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་གྱི་དྲིང་ལ་མི་འཇོག་པ་དང་། གཞན་གྱིས་མི་བཀྲི་བར་འདོད་པ་དང་། གཞན་གྱི་ངོར་མི་བལྟ་བར་འདོད་
D124.054.0283b06.01ན་ཆོས་ཀྱི་དབྱིངས་ལ་རབ་ཏུ་འཇུག་པའི་ཕྱིར་དགེ་བའི་བཤེས་གཉེན་རྣམས་ལ་བསྟེན་པར་བྱ། འགྲོགས་པར་བྱ། བསྙེན་བཀུར་བྱའོ། །ཆོས་ཟབ་མོ་མཉན་པའི་ཕྱིར་ཡོངས་སུ་འདྲི་བའི་ངང་ཚུལ་ཅན་དུ་བྱའོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་
D124.054.0283b07.01