完整藏文原文 · 德格版页 当前仅加载第 54 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་དེ་བཞིན་གཤེགས་པའི་མི་འཇིགས་པ་རྣམས་ཡོངས་སུ་གཟུང་བར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་དེ་བཞིན་གཤེགས་པའི་དབང་པོ་རྣམས་ཡོངས་སུ་གཟུང་ངོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་
D124.054.0264b01.01ལྟར་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཡོངས་སུ་གཟུང་བར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་ཐམས་ཅད་མཁྱེན་པ་ཡོངས་སུ་གཟུང་བར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་ཐབས་
D124.054.0264b02.01མཁས་པ་ལ་བསླབ་པར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་སེམས་ཅན་རྣམས་ཀྱི་བསམ་པ་ལ་འཇུག་པར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་དུས་ཤེས་པ་ལ་བསླབ་པོ་སྙམ་པ་ནི་ལུས་དང་
D124.054.0264b03.01སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་ཚོད་ཤེས་པ་དང་། དོན་ཤེས་པ་དང་། ཆོས་ཤེས་པ་དང་། བདག་ཤེས་པ་དང་། ཕ་རོལ་ཤེས་པ་དང་། གང་ཟག་མཆོག་དང་། མཆོག་མ་ཡིན་པ་ཤེས་པ་ལ་བསླབ་པར་བྱའོ་སྙམ་པ་ནི་ལུས་དང་སེམས་ཡང་དག་པར་
D124.054.0264b04.01རབ་ཏུ་བཟུང་བ་ཡིན་ནོ། །དེ་ལྟར་ཡོངས་སུ་སྤང་བའི་རིགས་པ་ནི་ཡོངས་སུ་སྤང་བར་བྱ། འདི་ལྟར་བསྙེན་པའི་རིགས་པ་ནི་བསྙེན་པར་བྱའོ་སྙམ་པ་ནི་ལུས་དང་སེམས་ཡང་དག་པར་རབ་ཏུ་བཟུང་བ་ཡིན་ནོ། །འདི་ལྟར་ལུས་བརྟག་པར་མཁས་པ་ལ་བསླབ་པོ་སྙམ་པ་ནི་དེ་ལུས་དང་སེམས་
D124.054.0264b05.01ཡང་དག་པར་རབ་ཏུ་བཟུང་བ་ཡིན་ཏེ། དེ་ལ་ལུས་ཡང་དག་པར་རབ་ཏུ་འཛིན་པ་དང་། སེམས་ཡང་དག་པར་རབ་ཏུ་འཛིན་པ་འདི་ནི་བརྩོན་འགྲུས་ཞེས་བྱའོ། །གང་མི་གཡོ་བ་དང་མི་ལྷོད་པར་འཇུག་པ་དང་། རྒྱུན་མི་འཆད་པ་དང་། རྒྱུན་ཆགས་པ་དང་། རྗེས་སུ་འཛིན་པ་དེ་ནི་བརྩོན་
D124.054.0264b06.01པ་ཞེས་བྱའོ། །གང་བརྩོན་འགྲུས་འདི་དང་། གང་རྩོམ་པ་འདི་ལ་མངོན་པར་བརྩོན་པ་དེ་ནི་བརྩོན་འགྲུས་བརྩམས་པ་ཞེས་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་བརྩམས་པ་དེས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་འདི་ཐོས་ནས་ཆོས་ཐམས་ཅད་ལ་
D124.054.0264b07.01